Ŋikat. 2:5 - Ebaibul

⁵ Aŋun, apotu Ŋisirael tolimokis akibois ŋin Bokim, tosodi apotu inakis ŋamuronisya neni ke Ekapolon a nen.

Ŋikat. 2:5 Iomraidhean Croise

Akisy. 35:8

Apaki ŋin, totwana Debora ŋina apolouni Rebeka aneni keŋ; tonukae iŋes kwap ekuyon natiyaaret kwap Besel. Aŋun, aponi tonyarae ekiro a akibois a ŋin lokuyon ŋolo Alon-Bakus.

Yos. 7:26

Totukokinae kidiama Akan ŋamoru ŋuna alalak ŋuna eya tari tokona. Tojoŋo nai Ekapolon aŋoikinit Ŋisirael. Ŋakiro ŋun iŋes enyaritere akibois ŋin akadipaalat ŋina ka Akor tari tokona.

Ŋikat. 13:19

Aŋun, abu Manoa ya ikale kaapei ka ainakinet ŋina a ŋikinyom, inak iŋes ikes neni ke Ekapolon anataaba, inak neni ke Ekapolon a ŋolo itiyae ŋaumonokineta.

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.

Ŋikat. 2:4

Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

Ŋikat. 2:6

Ani kedau Yosua akitorotokin ŋituŋa, apotu Ŋisirael daadaŋ toboŋonosi a ŋolokabila nakwap ŋina akorakinitae ikes.

Ŋikat. 6:24

Abu nai Gideon todukok namuroet nen aŋuna ke Ekapolon, tolimok ekiro a namuroet a ŋin “Ekapolon iŋes erae ekisil” Eriŋa namuroet ŋin eyai Opira lotaun ŋolo a Ŋiabieseri tari tokona.

1 Sam. 7:9

Aŋun, abu Samuel tolemu imesek ŋini ariŋa enaki, inak neni ke Ekapolon erae ainakinet ŋina epeyo; kigworonok Samuel Ekapolon aŋuna a Ŋisirael, toboŋok nai Ekapolon akilip a Samuel.