Ŋikat. 2:4 - Ebaibul

⁴ Ani irikakini emalaika ŋolo ke Ekapolon akirwor ŋakiro ŋun neni a Ŋisirael a daadaŋ, apotu ŋituŋa kiworout ecelasi nooi ka kigworo.

Ŋikat. 2:4 Iomraidhean Croise

Esir 10:1

Ani eriŋa Esira ilipi elimonori ŋasecisya ŋun kigworo ecakanakin kwap alokiŋaren Akai ka Akuj, tocunun neni ayai Esira Ŋisirael ŋulu alalak nooi: Ŋikilyok, ŋaberu ka ŋidwe, apotu ŋituŋa ŋul daŋ kigworo nooi.

Ŋakit. 17:10

Ituŋanan ŋini eyakar ayenut, isirworiuni akirot apei bon ŋina elimokinio iŋes ikotere toesik akitiya aronis, akilo ebaŋ ŋolo idico tari ŋakidicet amiat kiira nai ŋakiro.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Yoel 2:12

Ebala Ekapolon ebe, “Tari tokona kikote neni daŋ, toboŋutu neni kaŋ a ŋikusitai a daadaŋ, kiredanakisi akiron, kigworos ka kiyaloloŋete.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Luk. 6:21

“Irereŋ iyes ŋulu ikinyamit akoro tokona; ikisimwokyo iyes rwanu! “Irereŋ iyes ŋulu igworosi tokona; ikyeniyete iyes rwanu!

Luk. 7:38

Min iŋes kaku nakejen a Yesu igworo, kitapapal ŋakejen a Yesu a ŋakiyo keŋ, toninaiya nai iŋes ŋakejen a ŋitim keŋ, tonu, kiwosak akimyet.

2 Ŋikor. 7:10

Anerae akiyaloloŋ ŋina erae acamit ŋina ka Akuj, iŋes ikiinakini iwon akibelekin neni ka Akuj, yau nai aiuno. Emam ituŋanan iyaloloŋi a ŋakiro a ŋun! Nai akiyaloloŋ ŋina ka akwap a na, eyauni atwanare.

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!

Ŋikat. 2:3

Aŋun tokona, alimuni ayoŋ atemar nyeritari ayoŋ ŋituŋa ŋul alokiŋaren kus, nai eruworosi ikes ŋimoe kus ka eruworosi ŋakujo kec ŋuna ikirikorete iyes akilip neni kec.”

Ŋikat. 2:5

Aŋun, apotu Ŋisirael tolimokis akibois ŋin Bokim, tosodi apotu inakis ŋamuronisya neni ke Ekapolon a nen.

1 Sam. 11:4

Ani edolunete ŋituŋa ŋulu eyakitae Gibea neni eboiyo Saul, tolimosi epupete ŋituŋa daadaŋ ŋakiro ŋuna eyakitere ikes, kikalout ŋituŋa daadaŋ iworoete.

1 Sam. 7:6

Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.