Ŋikat. 2:19 - Ebaibul

¹⁹ Nai ŋinapei etwania ekatubon ŋakiro, aboŋorete ikes atipei akitiya ŋuna aronok akilo tari ŋuna etiyato atapapaa kec, ewuapeneneete ikes ŋakujo ŋace ka kilipeneneete ka kitiyanakinete ŋakujo ŋun. Pa emyeanakinete ikes edio a ŋiticisyo kec a ŋulu aronok, kori akisyaanu kec.

Ŋikat. 2:19 Iomraidhean Croise

Akisy. 6:11

Toroketa ŋituŋa daadaŋ alokiŋaren Akuj, toryenyaakyata ikes nooi.

Neem. 9:28

Nai, ani kedaut ikes akieŋar, apotu nabo kitiyata ŋuna aronok alokiŋaren kon, tosodi ibu iyoŋ kipotok ikes napedor a ŋimoe kec, ido apotu ŋimoe kec kipukata ikes, kikote neni daŋ, ani eboŋunete ikes akigworokin iyoŋ, ibu iyoŋ kiira anakuj ka ibu iyoŋ toiu ikes ŋarwa ŋuna alalak alotooma akisyon kon.

Ŋikiru. 78:8

Nyikwaanikinosi ikes ka atapapaa kec, anyamet ŋina a ŋasyanisya ka ŋikaŋerok, ŋulu pa etopoloorito Akuj alotai kec, ŋulu pa ekinyomito Akuj alotai kec.

Awos. 32:7

Tema nai Ekapolon neni a Moses, “Kionyak atipei totiyaar kwap! Adaut ŋituŋa kon ŋulu ibu iyoŋ kitipeunio anakwap a Ijipit akisec ka akiŋer ayoŋ.

Yer. 16:12

ka aŋuna itiyaata iyes erono nooi akilo atapapaa kus, anerae iyes lu, iyes daadaŋ lu, ŋinituŋanan kus iwuapit akisyanu a acamit kus a ŋina aronon, iwounito akiirar ŋakiro kaŋ!

Yer. 23:17

Elimonokinete ikes ŋituŋa ŋulu ejamuwarito ŋakiro ka Akuj ebe, ‘Mam ŋuna aronok itiyakin neni kus;’ ka elimonokinete ikes ŋulu daadaŋ iwuapito anakisyaanu kec akisyaanu a ŋikadwarak a ŋul ebe, ‘Mam ŋican epote neni kus.’

Yer. 3:17

Apaki ŋin, enyarao Yerusalem etaun ŋolo ipukator Ekapolon, ido ecununosi ŋituŋa a ŋakwapin Yerusalem, ecununosi ikes Yerusalem kiŋaren Ekapolon, nyerubakinete nabo ikes iwuapito akisyanu kec ŋina aronon.

Esek. 20:30

Aŋun tolimok Ŋisirael atemar, iŋita Ekapolon Akuj ŋakiro nu, ‘Imunaarete kire iyes ŋawat kus lopite ŋolo aponiata atapapaa kus kitiyaata a? Iwuapete iyes ŋakujo ŋuna apotu ikes kiwuapa a?

Mat. 23:32

Kitiyata nai kirikakis ŋunapei koloŋ etiyaete atapapaa kus.

Ŋikis. 31:29

Ayeni ayoŋ atemar ekaku katwana ayoŋ, isyakinete iyes akitiya ŋuna aronok, iŋerete iyes ŋakiro ŋuna ekecik ayoŋ iyes akiwuap. Alorwa a ŋulu epote iryamunete iyes ŋican, anerae itiyaete iyes ŋuna aronok alokiŋaren Ekapolon, tosodi itoŋoyete iyes iŋes aloticisyo a ŋulu itiyaete iyes.”

Yos. 24:31

Apotu Ŋisirael kitiyanakis Ekapolon ŋirwa daadaŋ ŋulu ayarya Yosua ka ŋulu a ŋikasikou a ŋulu apotu kidoŋo ketwana Yosua, ŋikasikou ŋulu ayenete ŋakiro daadaŋ ŋuna ajokak ŋuna etiyat Ekapolon neni a Ŋisirael.

Ŋikat. 10:13

Nai ipotu iyes ikiŋero ayoŋ toloto akilipenen neni a ŋakujo a ŋace, aŋun, nyakalakuni nabo ayoŋ iyes jik.

Ŋikat. 2:18

Apaki daadaŋ ŋina eseunia Ekapolon ŋikatubok ŋakiro aŋuna kec, arukito Ekapolon ka ekatubon ŋakiro apaki ŋin ka abu Ekapolon toiu ikes alomoe kec ŋirwa daadaŋ ŋulu eyarya ekatubon ŋakiro ŋol, anerae esyoniyenene Ekapolon ikes anaumen kec aŋuna a ŋimoe a ŋulu aarete ka esicanito ikes.

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,

Ŋikat. 2:7

Kilipa ŋituŋa neni ka Akuj ŋirwa ŋulu a akiyar a Yosua daadaŋ ka ŋirwa ŋulu ayaryata ŋikasikou ŋulu apotu torubakis eyarete ekaku atwanare a Yosua, ŋikasikou ŋulu apotu kiŋolikis a ŋakonyen kec ŋiticisyo ŋulu apolok daadaŋ ŋulu abu Ekapolon kitiya aŋuna a Ŋisirael.

Ŋikat. 4:1

Apotu nabo Ŋisirael kitiyata ŋakiro ŋuna aronok alokiŋaren Ekapolon ekaku a atwanare a Eud.

Ŋikat. 8:33

Atwanare Gideon bon, toboŋokis nabo Ŋisirael akilip neni ata Baal, kituruwosi Baal-Beris akuj kec.

1 Sam. 15:23

anerae ikwaan akiŋer Ekapolon ka asecit ŋina ka akikukuja. Ikwaan akituro ka aronis ŋina ilipere neni a ŋakujo. Aŋuna iŋerio iyoŋ akirot a Ekapolon, ikiŋer daŋ iŋes iyoŋ anaraakau erwosit.”