Ŋikat. 2:18 - Ebaibul

¹⁸ Apaki daadaŋ ŋina eseunia Ekapolon ŋikatubok ŋakiro aŋuna kec, arukito Ekapolon ka ekatubon ŋakiro apaki ŋin ka abu Ekapolon toiu ikes alomoe kec ŋirwa daadaŋ ŋulu eyarya ekatubon ŋakiro ŋol, anerae esyoniyenene Ekapolon ikes anaumen kec aŋuna a ŋimoe a ŋulu aarete ka esicanito ikes.

Ŋikat. 2:18 Iomraidhean Croise

Akisy. 6:6

Aŋun, kitilil Ekapolon neni koloŋ kesubunia iŋes ituŋanan, toŋo nooi, tonomosi ŋakiro ŋun iŋes.

2 Ŋirw. 13:4

Nai abu Yeowas erwosit kikalou neni ke Ekapolon, kiira Ekapolon akilip keŋ, anerae abu kiŋolik ŋican ŋulu arukaunito Ŋisirael aŋuna esicanitor erwosit ka Aram ikes.

Ŋikiru. 12:5

Ebala Ekapolon ebe, “Aŋuna eteryamunere ŋikulyak ŋican, aŋuna isiyaloloŋere ŋulu eyakatar akiitanit, abuni tokona ayoŋ oinak ikes aiuno ŋina iitanito.”

Ŋikiru. 90:13

Okoe Ekapolon, tojoŋo anyunyura! Apaki ŋina etya ai iyai iyoŋ inyunyura? Kisyoni ŋiketiyak kon.

Awos. 2:24

Kiira Akuj aryeba kec, ido abu totamu Acamunet keŋ ka Aburaam, Isaka ka Yakob.

Awos. 3:12

Tema Akuj neni a Moses, “Ikiruki ayoŋ ka iyoŋ, ido eruwor na akitoodikinet aneni kon atemar erae ayoŋ ekeyakit iyoŋ: Ani kidau iyoŋ ayaun ŋituŋa alo Ijipit, ilipi iyoŋ neni kaŋ alomoru a lo.”

Awos. 32:14

Aŋun, abu Ekapolon kilocok ŋatameta keŋ, nyisican ŋituŋa keŋ lopite ŋolo sek acamitor akisicania.

Osea 11:8

Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Ekim. 10:9

Ani ilosete iyes lojie anakwap kus, akitijikin ŋimoe ŋulu ikitijikinete iyes, iramakinete iyes eli ikusete ŋarupepe, ikotere ikitamuni iyes Ekapolon Akuj kus, ido itoiu alomoe kus.

Ŋikis. 32:36

“Kire jik, ituruwori Ekapolon ŋituŋa keŋ ŋulu iyookino, isyoni Ekapolon ŋiketiyak keŋ apaki ŋina eyenunia iŋes atemar adaun agogoŋu kec, ŋina idoŋioto ŋulu eenitae ka ŋulu nyeenitae.

Yos. 1:5

Emam ituŋanan ŋini epedori akiloun iyoŋ eriŋa iyari. Ikiruki ayoŋ ka iyoŋ lopite ŋolopei sek ikirukitor ka Moses. Nyatyakar jik ayoŋ aneni kon, kori nyakaŋeri jik ayoŋ iyoŋ.

Ŋikat. 10:16

Aŋun, apotu Ŋisirael kimasanasi aneni aya ikes ŋitorubei a ŋakujo a ŋunagelae, kilipa neni ke Ekapolon, ido abu Ekapolon tojoŋo akidaŋidaŋ akitere Ŋisirael eryamunito ŋican.

Ŋikat. 11:32

Torotok nai Yepesa, kilamar nakwap a Ŋiamoni aŋuna ka akitijikin ikes, ido abu Ekapolon kipotok Ŋiamoni napedor a Yepesa.

Ŋikat. 2:19

Nai ŋinapei etwania ekatubon ŋakiro, aboŋorete ikes atipei akitiya ŋuna aronok akilo tari ŋuna etiyato atapapaa kec, ewuapeneneete ikes ŋakujo ŋace ka kilipeneneete ka kitiyanakinete ŋakujo ŋun. Pa emyeanakinete ikes edio a ŋiticisyo kec a ŋulu aronok, kori akisyaanu kec.

Ŋikat. 3:9

Nai apaki ŋina egworokinioto Ŋisirael Ekapolon, abu Ekapolon toseu ekaiunan a Ŋisirael, ŋolo abu toiu ikes; iŋes Osiniel lokoku a Kenas, lokaato keŋ a Kaleb ŋolo cici.

Ŋikat. 6:12

Totakanu emalaika ŋolo ke Ekapolon neni a Gideon, tolimok iŋes tema, “Iyakasi iyoŋ ke Ekapolon, iyoŋ ekajion ŋolo etiron.”

Ŋikat. 6:16

Tolimok Ekapolon iŋes tema, “Ikiruki ayoŋ ka iyoŋ, ido iari iyoŋ Ŋimidian, iari iyoŋ ikes daadaŋ.”