Ŋikat. 2:16 - Ebaibul

¹⁶ Abu nai Ekapolon toseu ŋikatubok ŋakiro, ŋulu apotu toiut Ŋisirael anapedor a ŋimoe kec a ŋulu aŋasete ŋiboro kec.

Ŋikat. 2:16 Iomraidhean Croise

2 Sam. 7:11

etiyata ikes ŋun ameun anapakio a ŋuna araakar ŋikatubok epukato ŋituŋa kaŋ Ŋisirael. Ekesieŋari ayoŋ iyoŋ ejie ka ŋimoe kon daadaŋ. Ikilimokinit daŋ Ekapolon iyoŋ atemar, ikiinakini iyoŋ Ekapolon ŋiletok.

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Ŋitic. 13:20

Apotu nu daadaŋ yaasi ŋikaru ŋamiae ŋaomwon ka ŋatomonikan ameun apaki ŋina aponiata ikes alo Ijipit. “Ekaku a ŋun, abu Akuj inak ikes ŋikatubok akitodol apaki ŋina a Samuel ke ekadwaran.

Ŋikat. 10:1

Ekaku ka Abimelek bu Tola lokoku a Pua a ŋolo arae lokoku a Dodo toiu Ŋisirael, arae iŋes ekile ŋolo abunit alokabila a ŋituŋa a Isakar. Eboi iŋes alo Samir anakwap a ŋina a ŋikamukumukui a ŋina a Epuraim.

Ŋikat. 11:32

Torotok nai Yepesa, kilamar nakwap a Ŋiamoni aŋuna ka akitijikin ikes, ido abu Ekapolon kipotok Ŋiamoni napedor a Yepesa.

Ŋikat. 3:15

Nai ani igworokinete Ŋisirael Ekapolon, abu Ekapolon toseu aŋuna kec ekalakunan, iŋes Eud lokoku a Gera, ŋolo alokabila a Benjamin, arae iŋes ekile ŋolo akedyenyana. Apotu Ŋisirael kiyakiyasi iŋes akiya ocur kec neni a erwosit Egilon ŋolo a Ŋimoabi.

Ŋikat. 3:31

Ekaku a Eud abu Samegar lokoku ka Anas toruwor ekarikon a Ŋisirael, abu iŋes toar Ŋipilistin ŋamiae ŋakanikapei a ebela a ŋolo emetere ŋicugae. Abu Samegar daŋ tolaku Ŋisirael.

Ŋikat. 4:5

Anait iŋes akiboi alokwap edukanit ŋolo anyaritae edukanit a Debora. Ayai edukanit ŋol kidiŋ Rama ka Besel anakwap a ŋina a ŋikamukumukui a ŋina a Epuraim. Aponeneete Ŋisirael neni a Debora atubokino ŋakiro kec.

Ŋikat. 6:14

Tolimok nai Ekapolon Gideon tema, “Tolot a agogoŋu kon a ŋina etiron tolaku Ŋisirael anapedor a Ŋimidian, ayoŋ ekeyakiya iyoŋ akitiya ŋun.”

Rus. 1:1

Anapaki a ŋina araakar ŋikatubok epukato Isirael, tolomu eron nakwap ŋin. Abu ekile epei torotok alore a ŋolo alo Betelem a ŋolo eyai Yudaya, tolot akiboi Moab kaapei ka aberu keŋ ka ŋidwe keŋ ŋulusapa ŋiarei. Arae ikes ŋulu anateker a Epuraim alo Betelem anakwap a Yudaya. Apotu ikes toloto Moab kiboiyoto a nen.

1 Sam. 12:11

Abu nai Ekapolon kiyakiu Yerubaal, Barak, Yepesa ka Samuson, ido apotu ikes itoiut iyes anapedor a ŋimoe kus alowaetin a akwap kus a daadaŋ, ido kiboiyoto emam ŋace.

1 Sam. 14:48

Abu Saul toji ka adedeŋu, toar Ŋiamaleki, ido toiu Ŋisirael anapedor a ŋituŋa a ŋulu apotu kikurukuroosi ikes.