Ŋikat. 2:15 - Ebaibul

¹⁵ Apaki daadaŋ ŋina elosyoto ŋajorei a Isirael lojie, aremokino Ekapolon ikes, ido acamanakini kitiyakin neni kec ŋuna aronok, lopite ŋolo sek alimokinitor ka ekoŋitor Ekapolon neni kec, ido apotu Ŋisirael kiyaloloŋo nooi.

Ŋikat. 2:15 Iomraidhean Croise

2 Ŋakiro a ŋirwa 12:1

Kedau Reoboam akisicat apukan keŋ ka agogoŋior ikwapei erwosit a Yudaya, abu iŋes kaapei ka Ŋisirael daadaŋ toesikis akiwuapit ŋikisila ŋulu ke Ekapolon.

Yer. 18:8

ani kimyekis ŋituŋa a akwap a ŋin akitiya aronis, ekaku kalimok ayoŋ ikes akimyekin, emyekini ayoŋ akisican ikes nyedolokis ikes ŋican ŋulu sek atubunit ayoŋ atemar toryamut ikes.

Yer. 21:10

Aŋoik ayoŋ ŋituŋa a etaun a lo aŋuna ka aronis, meere aŋuna ka ajokis. Einakinio iŋes napedor a erwosit a Babilon, ido icunyari iŋes etaun lo a akim.’ ”

Yer. 44:11

“Aŋun, alimu Ekapolon ŋolo a ŋajoresyo, Akuj a Ŋisirael ebe, ‘Emukekinit ayoŋ akisican iyes, akitoŋopiyar ŋituŋa a Yudaya daadaŋ.

Yer. 44:27

Alosi ayoŋ akitere iyes aŋuna ka awania, meere aŋuna ka ajokis, ŋituŋa daadaŋ ŋulu a Yudaya ŋulu eyakasi Ijipit earyo a ekileŋ ka eron tari ŋina emamukaunor tari ipei daŋ ŋini idoŋi.

Mika 2:3

Aŋun, ebala Ekapolon ebe, “Aye ayoŋ ayaun ŋican lotuŋa ŋul; ido nyibucarosi iyes alocan a ŋul. Nyirubakinete iyes ilosete iturosi, anerae eruwor apaki ŋin ŋina aronon.

2 Ŋikor. 4:8

Ikisilekio isua alowaetin a daadaŋ, nai nyibusokina ikes isua, nyikiyeni isua ŋuna kitiya, nai nyesaluni akigeno kosi.

Ŋikis. 18:20

Nai ekadwaran ŋolo irworo alokiro a ŋakujo, kori ŋolo elimuni alokiro kaŋ ŋakiro ŋuna pa alimokinit ayoŋ iŋes akirwor, emaikina ekadwaran ŋol totwan.”

Ŋikat. 10:9

Apotu daŋ Ŋiamoni todoka aŋolol Yorodan aŋuna ka akitijiore ŋituŋa a ekabila a Yuda ka ŋulu a ekabila a Benjamin ta ŋituŋa a ekabila a Epuraim. Apotu ŋakiro ŋun inakis Ŋisirael akiyaloloŋ ŋina apolon nooi.

Rus. 1:13

ipedorete mono iyes akidar tari ŋina epolounito ikes a? Ipedorete mono iyes akidaŋidaŋ nyikiit ekile ece a? Meere koŋina ŋapesur kaŋ, anerae eroko ŋakiro aneni kaŋ nooi akilo aneni kus, atakani ayoŋ arae ituŋanan ŋini elamam anakan ka Akuj.”

1 Sam. 12:15

Nai ani pa kipupo iyes Ekapolon ka ani kiŋero iyes ŋakiciketa keŋ, ikiremokin iyes Ekapolon, iyes kaapei ke erwosit kus.

1 Sam. 13:6

Ani eanyunete Ŋisirael atemar kelomasi ikes locan ka kerookin ikes kidiŋ, apotu toŋopa alokuco, anaturukanin a ŋuna aya natabab, analyalin ka anakaumeumei.

1 Sam. 14:24

Apotu Ŋisirael toŋoa akoloŋit ŋin, anerae abu Saul kikirikirak alimun ŋicen alokiro a Ŋisirael tema, “Icenen ituŋanan daadaŋ ŋini imuji nakoloŋit na eriŋa nyedolo ataboŋ, eriŋa ayoŋ aari ŋimoe kaŋ akinyaŋia ŋuna etiyato ikes neni yok.” Aŋun, mam Ŋisirael ŋul ipei daŋ ŋini abu kiir akimuj.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.