Ŋikat. 2:14 - Ebaibul

¹⁴ Aŋun, abu Ekapolon toŋoik Ŋisirael, kimyek ŋikaŋatak ŋulu apotu toŋatasi ŋiboro kec, abu Ekapolon kipotok ikes neni a ŋimoe kec a ŋulu eboiyete alowaetin a akwap kec daadaŋ, ikotere nyepedosi nabo ikes akiloun ŋimoe kec.

Ŋikat. 2:14 Iomraidhean Croise

2 Sam. 24:1

Abu nabo Ekapolon toŋoik Ŋisirael, ido abu inak Daudi akidupor Ŋisirael; tema Ekapolon neni a Daudi, “Ape kimar ŋituŋa a Isirael ka ŋulu a Yudaya.”

2 Sam. 7:11

etiyata ikes ŋun ameun anapakio a ŋuna araakar ŋikatubok epukato ŋituŋa kaŋ Ŋisirael. Ekesieŋari ayoŋ iyoŋ ejie ka ŋimoe kon daadaŋ. Ikilimokinit daŋ Ekapolon iyoŋ atemar, ikiinakini iyoŋ Ekapolon ŋiletok.

2 Ŋirw. 13:3

Abu Ekapolon tolili nooi neni a Ŋisirael, tosodi tocamak Asael erwosit ka Aram ka Benadad lokoku keŋ akilounun Ŋisirael a ŋina paki.

2 Ŋirw. 17:20

Aŋun, abu Ekapolon toŋer ŋiletok a Isirael daadaŋ. Kisican iŋes ikes kipotok nakan a ŋimoe a ŋulu apotu kielasi ikes akitodol ŋina eritaria iŋes Isirael alokiŋaren keŋ.

2 Ŋakiro a ŋirwa 15:5

Alorwa a ŋul, pa apatana akilare iwace, anerae ayai egurigur ŋolo apolon lotuŋa daadaŋ ŋulu a ŋakwapin.

2 Ŋakiro a ŋirwa 28:5

Aŋakiro a ŋun, abu Ekapolon Akuj keŋ tojalak Aas neni a erwosit ka Aram, a ŋolo abu kitiji iŋes kilou ka torik ŋituŋa ka Aas ŋulu alalak nooi, ya Damasko. Abu Ekapolon kipotok Aas neni a erwosit a Isirael a ŋolo abu kitiji iŋes kilou ka toar ŋituŋa ka Aas ŋulu alalak.

2 Ŋakiro a ŋirwa 36:16

Nai apotu ikes tokienatar ŋikadwarak ŋulu ka Akuj, toŋero ŋakiro ka Akuj ŋuna erworosi ŋikadwarak ka tojamuwasi ŋikadwarak ŋulu ka Akuj akitodol ŋina abunio anyunyura ka Akuj ŋina apolon nooi lotuŋa keŋ ŋul, todaun epite ece ŋolo eiunotor ikes.

Neem. 9:27

Aŋun, ibu iyoŋ kipotok ikes napedor a ŋimoe kec, ŋulu apotu kiteryamut ikes ŋican. Tosodi anapaki a ŋina ayakatar ikes locan, apotu ikes ikigworokis iyoŋ ka ibu iyoŋ kiira akigworo kec anakuj, alotooma akisyon kon ŋina apolon, ibu iyoŋ inak ikes ŋikaiunak ŋulu apotu toiut ikes anapedor a ŋimoe kec.

Ŋikiru. 44:11

Ibu iyoŋ ikimyek isua ikiŋolyo ikwa ŋamesekin, ido ikiela isua nakwapin.

Ŋikiru. 44:12

Igyela iyoŋ ŋituŋa kon a egyelit a ŋolo edit, mam ibore iryamu iyoŋ anagyelar ikes.

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Isa. 50:1

Alimu Ekapolon ŋakiro nu, “Ai eyai abaruwa ŋina alakitor ayoŋ toto kus? Kori alu alotuŋa ŋulu etiŋito ŋisiliŋa kaŋ abu ayoŋ okogyelak iyes? Mam, erae aŋuna a ŋasecisya kus iŋes aponere ikigyelar iyes ka eritaryo toto kus aŋuna a ŋaronisya kus.

Yer. 37:10

Tari kilout iyes ŋasigarya a Ŋibabiloniyae daadaŋ ŋuna ikitijiete iyes, ido kidoŋo alotooma kec ŋikilyok ŋulu ewanitae loeemae kec, epedorete ŋikilyok ŋul anyoun kicunyakis etaun lo a akim.”

Ŋilep. 26:17

Akaŋoikini ayoŋ iyes, ido ikireunete iyes ŋimoe kus; ikipukaete iyes ŋituŋa ŋulu imanito iyes, ido ibwaŋasi iyes tari kemam ŋini ikirisit.

Ŋilep. 26:28

arubakini akoŋoikinit iyes nooi alotooma anyunyura kaŋ, ayoŋ alope ekesicani iyes, ekesicani iyes nooi ŋakisicanet ŋace ŋakanikaarei aŋuna a ŋasecisya kus.

Ŋilep. 26:37

Ilogeunun iyes make ikerete esibit ikirisitae akiar tari daŋ kemam emoit ikiwuapit. Aŋun, nyipedorete iyes awoikin ŋimoe kus.

Ekim. 32:13

Abu Ekapolon toŋoik Ŋisirael, kimyek ikes kirimo analoŋisat ŋikaru ŋatomoniomwon tari ŋina adaunor anyamet daadaŋ ŋina abu kitiya ŋuna aronok alokiŋaren Ekapolon.

Ekim. 32:14

Iyes tokona lu, iyes ŋulu irae atukot a ŋikasecak, ilunyokinosi neni atapapa kus akiyatakin anyunyura a Ekapolon neni a Ŋisirael.

Ŋikis. 28:20

“Ikiyakikini Ekapolon iyes ŋican, akuryanu ka akadanakin aloticisyo a daadaŋ a ŋulu ikatakinete iyes akitiya, tari ŋina imunyarotor iyes todaunos atipei, aŋuna a ŋiticisyo kus a ŋulu aronok, anerae ikiesikis iyes ayoŋ.

Ŋikis. 28:25

“Ikimyekini Ekapolon iyes ikilout ŋimoe kus, ilosete iyes akitijikin ikes itorito lowae epei nai ibwaŋasi iyes kitoro lowaetin ŋulu alalak. Iruworosi iyes ŋituŋa ŋulu ikijamuwaritae alotuŋa a ŋakwapin a daadaŋ.

Ŋikis. 28:58

Ani pa kiwuapa iyes ejok ka kirica ŋakiro daadaŋ ŋuna a ŋikisila a lu, ŋuna igiritae lokitaabo lo, itopoloorito ekiro ŋolo ka apolou, ŋolo etubulon, ŋolo a Ekapolon Akuj kus,

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Yos. 23:16

Ani kiŋero iyes Acamunet ŋina a Ekapolon a ŋolo erae Akuj kus, Acamunet ŋina adau iŋes alimokin iyes akiwuap, kori kitiyanakis iyes ŋakujo ŋace, toryediko kilipa neni kec, ikiŋoikini nai iyes Ekapolon, itomunya iyes anakwap a na a ŋina ajokan a ŋina adau iŋes ainakin iyes.”

Ŋikat. 1:19

Arukito Ekapolon ka ŋituŋa a Yuda, apotu ikes kikamasi akwap ŋina a ŋikamukumukui, nai apotu nyepedosi akiritar ŋituŋa ŋulu eboiyete anadipoe a ŋikamukumukui, anerae ayakatar ŋul ŋagaari ŋuna ametae a ŋaŋolei ŋuna etiyaunitae a ŋasuwa.

Ŋikat. 1:34

Apotu Ŋiamori kiretakis ŋituŋa a ekabila a Dan kiboyoto anakwap a ŋina a ŋikamukumukui, nyecamakis ikes etiyaun nadipoe a ŋikamukumukui.

Ŋikat. 10:7

Abu nai Ekapolon toŋoik Ŋisirael nooi, tosodi kipotok ikes napedor a Ŋipilistin ka napedor a Ŋiamoni,

Ŋikat. 2:20

Aŋun, abu Ekapolon toŋoik ikes, tosodi tema, “Aŋuna aŋeryoto ŋituŋa lu acamunet kaŋ ŋina abu ayoŋ ecik atapapaa kec akiwuap ka aŋuna aŋeryoto akiwuap ŋakiro kaŋ,

Ŋikat. 3:12

Kitiyata nabo Ŋisirael ŋakiro ŋuna aronok alokiŋaren Ekapolon, tosodi Ekapolon kitogogoŋ erwosit Egilon ŋolo a Ŋimoabi, inak iŋes kilou Ŋisirael, anerae apotu Ŋisirael kitiyata ŋuna aronok alokiŋaren Ekapolon.

Ŋikat. 4:2

Abu nai Ekapolon kipotok ikes napedor a erwosit Yabin a ŋolo a Kanaan a ŋolo epukat alo Asor; arae ekapolokiniton a ŋasigarya keŋ Sisera ŋolo eboi alo Aroses-Agoim.