Ŋikat. 2:12 - Ebaibul

¹² kimyekis ikes Ekapolon Akuj atapapaa kec ŋina ayauni ikes anakwap a Ijipit, tosodo kiwuapa ŋakiro ŋace ŋuna a ŋituŋa a ŋulu eboiyete alodiyete kec, kilipa neni a ŋakujo a ŋun; aŋun, apotu ikes kitoŋoa Ekapolon.

Ŋikat. 2:12 Iomraidhean Croise

Ŋikiru. 106:36

Apotu kilipa neni a ŋakujo a ŋituŋa a ŋul, ibore ŋini abu yau amunyaro kec.

Ŋikiru. 78:58

Apotu ikes kitoŋoa Akuj aŋuna a ŋakiboisyo kec aŋuna elipyata neni a ŋakujo, apotu ikes kitoŋoa Akuj aŋuna a ŋitorubei a ŋakujo kec.

Awos. 13:14

Ani momit kikiŋit iyoŋ ikoku kon ebe, ‘Nyo apolou a ŋasuban a nu?’ Toboŋok iyoŋ iŋes ebe, ‘A apedori a ŋina ke Ekapolon, abu iŋes ikiyau isua alo Ijipit, anapitoonut.

Awos. 13:16

Emaikina nu totakana aneni kus ikote emacar ŋolo inapete iyes anakan kus ka erae akisiitunet atemar abu Ekapolon ikiyau isua alo Ijipit a apedori keŋ.”

Awos. 13:3

Tema nai Moses neni a Ŋisirael, “Totamunito akoloŋit na, akoloŋit ŋina iponiata iyes anakwap a Ijipit, aneni iboiyoto irae ŋipi. Abu Ekapolon ikiyau iyes a nen a apedor keŋ, nyemaikina iyes tonyama amugati adio ŋina eya ŋakinyalet akoloŋit ŋin.

Awos. 13:9

Emaikina nu totakana aneni kus ikote emacar ŋolo inapete iyes anakan kus ka anakyes kus erae akisiitunet, ikotere nyikimuryakis iyes ŋakiro ŋuna abu Ekapolon kitatam, anerae abu Ekapolon ikiyau iyes a apedori keŋ anakwap a Ijipit.

Awos. 20:5

Nyiryediko kilipa neni kec; anerae ayoŋ Ekapolon Akuj kus, Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Yer. 16:11

Iboŋokini iyoŋ ikes tema, ‘Erae ŋun, anerae apotu atapapaa kus okoŋero ayoŋ, aloto akiwuap ŋakujo ŋace ka etiyanakis ŋakujo ŋun, elipa neni kec, ido akaŋero ayoŋ ka nyiwuapa ŋikisila kaŋ

Ŋikis. 13:5

Nai emaikina toarae ŋikadwarak ka ŋikerujak ŋul ŋulu edwarete ŋakiro ŋuna eponito ŋul aŋuna erworotor ŋakiro ŋuna ka akiteŋer iyes Ekapolon Akuj kus ŋina ikiyauni iyes anakwap a Ijipit a ŋina ikilakunia iyes anapitoonut. Aŋun ilemarete iyes aronis alokidiŋ kus.

Ŋikis. 29:18

Acepaki eyai kidiŋ kus ekile, kori aberu, kori ekal, kori ekabila, ŋolo ebatar etau keŋ anakiwuapit Ekapolon Akuj yok aŋuna ka akitiyanakin ŋakujo a ŋituŋa a ŋul. Nyemaikina eyai kidiŋ kus ituŋanan ŋini ikokini ekitoe ŋolo eyai adwaris, ido yau ŋican.

Ŋikis. 29:25

Iboŋokinete ikes ŋakiŋiseta ŋun temasi, ‘Erae ŋun anerae apotu ikes toŋero acamunet ŋina ke Ekapolon Akuj atapapaa kec, acamunet ŋina abu iŋes tocamunotor ka ikes apaki ŋina ayaunia iŋes ikes anakwap a Ijipit.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikis. 33:17

Anagogoŋu kec, ikwaan ŋiletok a Yosepu ka emaanik ŋolo apolon ŋolo adedeŋan ikwaan ikes egogoŋ ka ŋamomwar a emaanik a ŋolo ajion. A agogoŋu a ŋin, itijiete ŋiletok a Yosepu ŋituŋa a ŋakwapin, kirita tari nakisaleta a akwap, ŋiletok a Yosepu ŋul ikes ŋituŋa a ekabila a Epuraim ŋulu erae ŋalipyo ka ŋalipyo ka ŋituŋa a ekabila a Manase ŋulu erae ŋalipyo ka ŋalipyo.”

Ŋikis. 4:25

Ani iyakaunotor iyes ŋidwe ka ŋidwe a ŋidwe kus ka kidaut akiboi anakwap a ŋin ekaoyan, ido kitiyata aronis toyeut ŋitorubei a ŋakujo a ŋadi, ido kitiyata ŋuna aronok alokiŋaren Ekapolon Akuj kus, tosodi kitoŋoa iŋes,

Ŋikis. 5:9

Nyiryediko kilipa neni kec, anerae ayoŋ Ekapolon Akuj kus arae Akuj ŋina alilyan, esicani ayoŋ ŋidwe aŋuna ka asecit atapapa kec akitodol nanyamet ŋina a ŋauni ka ŋina a ŋaomwon a ŋulu akaŋerito ayoŋ,

Ŋikis. 6:12

tocoito nyikimuryak Ekapolon ŋolo ikiyauni iyes anakwap a Ijipit, anakwap a ŋina ka apitoonut.

Ŋikat. 10:11

Tolimok Ekapolon ikes tema, “Pa mono abu ayoŋ okolaku iyes aneni a Ŋijipitian, aneni a Ŋiamori, aneni a Ŋiamoni ka aneni a Ŋipilistin a?

Ŋikat. 5:8

Ani eseunete ŋituŋa akiwuap ŋakujo ŋace, todolu ejie lopukei a ŋitaunio kec. Amam alokilyok a ŋulu arae ŋalipyo ŋatomoniomwon ŋolo ayakar aupal kori akwara.

Ŋikat. 8:33

Atwanare Gideon bon, toboŋokis nabo Ŋisirael akilip neni ata Baal, kituruwosi Baal-Beris akuj kec.