Ŋikat. 2:10 - Ebaibul

¹⁰ Abu daŋ anyamet ŋin daadaŋ todaun, topolou nabo anyamet ace ŋina kitete, ŋina pa ayeni ŋakiro a Ekapolon, kori ŋiticisyo ŋulu abu Ekapolon kitiya aŋuna a Ŋisirael.

Ŋikat. 2:10 Iomraidhean Croise

Akisy. 15:15

Ani eruwor iyoŋ, ilosi neni atapapaa kon emam ŋace, ikinukyo iyoŋ idaun toris kikoŋikoŋ;

Akisy. 25:17

(Kiboi Isimael todolo ŋikaru keŋ amiat ka ŋatomoniuni ka ŋikanikaarei. Ekaku, totwan, ido aponi yae tonukae neni anukitae ŋituŋa keŋ.)

Akisy. 25:8

Ekaku, totwan Aburaam emojoŋit nooi ikoŋikoŋit, ido aponi yae tonukae neni anukitae ŋituŋa keŋ.

Akisy. 49:33

Ani irikakini Yakob akicik ŋidwe keŋ ŋul ŋulusapa, kinapakin lokitaada, kiridak. Yaarae iŋes tonukae neni anukitae ŋituŋa keŋ.

2 Sam. 7:12

Ani edaun ŋirwa kon anakwap a na, apaki ŋina ikinukere iyoŋ neni enukitae atapapaa kon, etopoloori ayoŋ eletonit kon kilunyokin lokicoloŋ kon, eletonit ŋolo erae iyoŋ elope iuruunit, ido etogogoŋi ayoŋ apukan keŋ.

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

Yob 21:14

Elimokinete ŋikaronok Akuj ebe, ‘Kimyekinae isua make, nyikicamit isua ayenun ŋuna icamit iyoŋ kiwuapae isua.

Awos. 1:6

Ekaku, abu Yosepu totwana, ido apotu ŋikaitotoi keŋ daŋ daadaŋ totwaka ka abu anyamet ŋin daadaŋ kirikar.

Awos. 1:8

Ekaku, min lokicoloŋ erwosit ece ŋolo abu kipuka Ijipit. Pa ayeni ekepukan ŋol Yosepu.

Awos. 5:2

Nai abu Parao kiŋit ikes tema, “Ŋae erae Ekapolon, ŋolo emaikina ayoŋ ewuap ŋakiro keŋ emyek Ŋisirael toloto? Nyayeni ayoŋ Ekapolon ŋol, ido nyemyekini ayoŋ Ŋisirael toloto.”

Isa. 5:12

Iyes ŋulu ani itiyaete ŋasuban toyakas ŋiboro lu: ŋagitae, ŋaduŋgui, ŋiburin, ŋapilui ta epiini. Nai nyimisito akiwuap ŋuna etiya Ekapolon, kori nyimisito akiŋolikin ŋiticisyo keŋ.

Yer. 22:16

Atubi iŋes ŋakiro aŋuna a ŋikulyak ka ŋulu a ŋican a akiyookino, ido amam iŋes ŋace. Meere mono akitiya ŋun iŋes itoodiunit atemar eyeni ituŋanan Ekapolon a?

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Yer. 9:2

Okoe kerae ca oyakar ayoŋ naloŋisat akibois ŋina epedorya ekaloton akieŋunia toper, kalot ayoŋ aneni kec emyek ŋituŋa kaŋ, anerae erae ikes daadaŋ ŋimalaanotin, atukot a ŋikalukinok.

Yer. 9:3

Ekudito ikes ŋaŋajepa kec ikwa akau a ŋikaleŋeleŋe; apolout ikes anakwap erae ŋulu egogoŋ anakitiya ŋuna ka amodiyo, meere anakitiya ŋuna iyookino; anerae erubakinito ikes itiyaete aronis jik, ido nyakayenete ikes ayoŋ.

Yer. 9:5

Emodyanakinete ikes daadaŋ ŋiyeneta kec ka mam ituŋanan irworo ŋakiro ŋuna a kire etatama ikes ŋaŋajepa kec akirworo alyokonu, itiyaete ikes ŋuna ka asecit ka apapanut nyepedorito akiki.

Ekim. 27:13

Kidau iyoŋ akiŋolikin, itwani iyoŋ ikwapei ŋituŋa ŋulu atwaka, lopite ŋolo atwania lokaato kon Aron;

Luk. 20:32

Ekaku abu aberu daŋ totwan.

Ŋitic. 13:36

Nai kire abu Daudi totwan, kedau akitiya ŋuna acamit Akuj iŋes kitiya ananyamet keŋ, tonukae diyete atapapaa keŋ, ido tobos.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

2 Ŋites. 1:8

Ebuni iŋes anasarae a ŋina ka akim akisican ŋituŋa ŋulu eŋerito Akuj ka ŋulu eŋerito Ŋakiro ŋuna Ajokak ŋuna ke Ekapolon yok Yesu.

Tito 1:16

Ebasi ikes iwogasi ebe ikiyeni Akuj, nai itepegito ŋiticisyo kec ŋun. Erae ikes ŋulu emoitaka, nyepupete ŋakiro ka nyepedorete akitiya idiobore ŋini ajokan.

Yos. 24:31

Apotu Ŋisirael kitiyanakis Ekapolon ŋirwa daadaŋ ŋulu ayarya Yosua ka ŋulu a ŋikasikou a ŋulu apotu kidoŋo ketwana Yosua, ŋikasikou ŋulu ayenete ŋakiro daadaŋ ŋuna ajokak ŋuna etiyat Ekapolon neni a Ŋisirael.

1 Sam. 2:12

Arae ŋidwe ke Eli ŋulusapa ŋidwe ŋulu aronok nooi, pa amisito ikes ŋakiro ŋuna ke Ekapolon;