Ŋikat. 2:1 - Ebaibul

¹ Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.

Ŋikat. 2:1 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 16:13

Tolimok Agar ekiro ke Ekapolon a ŋolo erworo neni keŋ tema, “Irae iyoŋ Eliroi.” anerae abu Agar tema, “Eŋolik kire ayoŋ Ekapolon ka arubak ayari kadau akiŋolikin iŋes a?”

Akisy. 48:16

elipi emalaika ŋolo akalaku ayoŋ anawana a daadaŋ, kiterereŋ ŋidyain lu; ido alodwe a lu, torubakinae etamunitae ekiro kaŋ ka ŋirorwa atapapaa kaŋ Aburaam ka Isaka; elipi toruworos ikes ŋituŋa ŋulu elalak anakwap.”

Ŋikiru. 89:3

Ibu iyoŋ tema, “Adau ayoŋ acamun ka ituŋanan ŋini abu oseu, adau ayoŋ akikoŋ neni a Daudi ke eketiyan kaŋ

Ŋikiru. 89:34

Arubakini ayoŋ ericit acamunet kaŋ ka iŋes ka ericit ŋakiikineta daadaŋ ŋuna adau ayoŋ akiikin iŋes.

Awos. 14:14

Eji Ekapolon aŋuna kus; emaikina iyes tolemasi akuryanu bon aneni kus.”

Awos. 14:19

Abu nai emalaika ka Akuj ŋolo sek eŋarenikinit ajore a Ŋisirael toboŋo kaku ajore. Toboŋo adis daŋ kaku towo alokaku ajore a Ŋisirael,

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 23:20

“Kiirasi, alosi ayoŋ akiyakiyar emalaika kiŋaren kus, ikiyok iyes alorot, ikiya nakibois ŋina adau ayoŋ akitemokin.

Awos. 33:14

Tema Ekapolon neni a Moses, “Ikirukori ayoŋ ka iyoŋ, ido ekesieŋari ayoŋ iyoŋ.”

Isa. 63:9

alocan kec a daadaŋ. Pa arae ekiyakia kori emalaika, nai ayakau a Ekapolon kaapei ka ikes abu toiu ikes; abu iŋes anamina ka anakisyon keŋ tolaku ikes, abu todak ikes, kidar ikes ŋirwa daadaŋ ŋinapei koloŋ sek.

Yer. 14:21

Aŋuna a ekiro kon, nyikijamuwa isua, nyisirum ŋileec etaun kon, Yerusalem neni eyai ekicoloŋ kon ŋolo ka apolou, totamu ŋakiikineta kon, ido nyilema acamunet kon ka isua.

Ŋilep. 26:42

atamuni nai ayoŋ acamunet kaŋ ka Yakob; atamuni daŋ ayoŋ acamunet kaŋ ka Isaka ka acamunet kaŋ ka Aburaam, ido otamu nai akwap kec;

Ŋilep. 26:44

Tari daŋ kikote ŋakiro nen, ani apaki ŋina eyakatar ikes nakwapin a ŋimoe kec, nyawouni ayoŋ ikes, oŋer ikes ikotere amunyarya ikes daadaŋ, todaunor acamunet kaŋ ka ikes. Arae ayoŋ Ekapolon Akuj kec.

Sakar 11:10

Abu nai ayoŋ olemu ebela ŋolo enyaritae “Ajokis” ido obil aŋuna ka akikisar acamunet ŋina abu ayoŋ ocamunotor ka ŋakwapin daadaŋ.

Mal. 3:1

Ebala Ekapolon ŋolo Etiron ebe, “Kiirasi, eyakuuni ayoŋ ekiyakia kaŋ akitemonokin erot eriŋa ayoŋ nyebuno, ido nai bu pa iyenete iyes Kai keŋ, Ekapolon ŋolo iwarito iyes. Ebuni ekiyakia ŋolo icamito iyes aanyun, ido iserae iŋes ŋakiro ŋuna ka Acamunet kaŋ.

Ekim. 14:34

Iryamunete iyes akisicanio aŋuna ka aronis kus ŋikaru ŋatomoniomwon, isikwaaniyaritae ka ŋirwa ŋatomoniomwon ŋulu ipotu iyes yaasi irebete akwap ŋin; epeikaru aŋuna ka akoloŋit ka apei. Iyenunete iyes atemar nyalakara ayoŋ aŋuna kus.’

Ŋikis. 1:8

Kiirasi akainak ayoŋ iyes akwap ŋin, toloto kikamasi akwap ŋin kituruwosi ŋina kus, akwap ŋina abu ayoŋ ekoŋ ainakin atapapaa kus Aburaam, Isaka ka Yakob ka neni a ŋiletok kec ekaku kec.”

Ŋikis. 4:34

Kori eya mono ŋituŋa a akwap adio ŋulu abu Akuj tolemu anakwap a ace aŋuna keŋ a ŋakikatanakineta, a ŋakitoodyanakineta, a ŋaumonokineta, a ejie, a apedor a ŋina etiron, agogoŋu ka a ŋiticisyo a ŋulu apolok nooi a ŋulu etubulok, lopite ŋolo etiyaa Ekapolon Akuj kus ŋun daadaŋ aŋuna kus alo Ijipit, iteete iyes a?

Ŋikis. 7:9

Aŋun, toyenutu atemar erae Ekapolon Akuj kus Akuj, erae iŋes Akuj ŋina ikinyoma, ŋina iricit jik acamunet keŋ akitodol ŋanyameta aliput ka ŋituŋa ŋulu eminasi iŋes ka kiwuapito ŋakiciketa keŋ

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Ŋikat. 11:24

Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?

Ŋikat. 13:2

Apaki ŋin, ayai ecekile ŋolo alo Sora, abunit iŋes alokabila a Dan, arae ekiro keŋ Manoa. Akolupana aberu keŋ, ido amamukar ŋidwe.

Ŋikat. 13:3

Totakanu emalaika a Ekapolon neni ka aberu a Manoa, tolimok iŋes tema, “Tari kikolupana iyoŋ, kemam ŋidwe, ipotiuni iyoŋ ka idouni ikoku ŋinisapat.

Ŋikat. 2:5

Aŋun, apotu Ŋisirael tolimokis akibois ŋin Bokim, tosodi apotu inakis ŋamuronisya neni ke Ekapolon a nen.

Ŋikat. 6:8

abu Ekapolon kiyakik Ŋisirael ekadwaran, tosodi ekadwaran tolimok Ŋisirael tema, “Ebala Ekapolon Akuj a Isirael ebe, ‘Abu ayoŋ okoyau iyes anakwap a Ijipit, okoyau iyes anakwap a ŋina a iraakatar iyes ŋipi;