Ŋikat. 19:30 - Ebaibul

³⁰ Tolimok nai iŋes ŋikilyok ŋulu eyakit iŋes tema, “Kiŋita Ŋisirael ŋakiro nu, ‘Etiyakinosi mono ŋakiro nu ŋinapei koloŋ ameun akoloŋit ŋina aponiata Ŋisirael anakwap a Ijipit a? Totamatamata ŋakiro nu, kirworo aloikiikoe kus, kiserata ikes.’ ”

Ŋikat. 19:30 Iomraidhean Croise

Ŋakit. 11:14

Akwap ŋina emam ŋakiro ŋuna emaikina kiwuapae, emunaar, nai ani eyakasi ŋikeŋarakinitok ŋulu alalak, eyai aiuna.

Ŋakit. 13:10

Nakituro iŋes elomunitotor ŋiburasyo, nai eryamun aosou aneni a ŋulu ecamunete ŋuna ebookoi kitiyata.

Ŋakit. 15:22

Ani pa kiŋisi ŋituŋa ŋuluce epite ŋolo itiyaere ŋuna ecamitae akitiyakin, nyitiyakin ŋuna ecamitae akitiyakin, nai ani kikilimokis ŋituŋa ŋulu alalak ŋunakitiya, nyikipiyori akitiya ŋun.

Ŋakit. 20:18

Kiŋit ŋituŋa ŋuluce ikilimokis iyoŋ epite itiyaa ŋuna iye iyoŋ akitiyakin, tolot lojie iwuapit ŋuna ikilimokin atemar kiwuap.

Ŋakit. 24:6

anerae alotooma aosou, ipedori ayenun epite ŋolo itijikinio ŋimoe, ido ani iyakar iyoŋ ŋikeŋarakinitok ayere ŋakiro, eyakaun akiloun.

Osea 9:9

Aroketa ikes nooi aloticisyo a ŋulu itiyaete ikes, etiyata lopite ŋolo etiyaata alo Gibea. Etamuni Ekapolon aronis kec ka isicani ikes aŋuna a ŋasecisya kec.

Ŋikat. 20:7

Aŋun, tokona iyes Ŋisirael daadaŋ, tolimutu ŋakiro ŋuna itamete iyes atemar iyookino ka ŋuna erae kitiyae aŋuna a ŋakiro a ŋun.”