Ŋikat. 19:23 - Ebaibul

²³ Tolot nai ekasikout ŋolo arae elope a akai a ŋin kiŋa, tolimok ŋikilyok ŋul tema, “Mam, okoe ŋikaitotoi kaŋ, nyitiyata akapil ŋina ikoni ŋin. Aŋuna eraakar ekile lo epeyonon kaŋ, nyitiyata asiilyo ŋin.

Ŋikat. 19:23 Iomraidhean Croise

Akisy. 19:8

Kiirasi, ayakar ayoŋ ŋidwe kaŋ ŋulupesur ŋiarei ŋulu nyiryamakina ka ŋikilyok, kimyekinae oyau ikes kiŋa ne neni kus, kitiyata neni kec ŋuna ikitalakarito iyes, nai nyitiyata ŋadi neni a ŋikilyok a lu, anerae adaut ikes alomun kai kaŋ.”

Akisy. 34:7

Ani edolunete ŋidwe a Yakob ŋulusapa anacokor, kiirasi ŋakiro a Dina atipei. Toumokis ka toŋoa nooi, anerae kebu Sekem kitiya ŋuna a ŋileec aneni a Ŋisirael, aŋuna kebunio kikamunia nakoku a Yakob kituruwo aberu keŋ, torae bo ŋun ŋuna pa amaikina akitiya.

2 Sam. 13:12

Toboŋok Tamar iŋes tema, “Mam, lokaapa, nyikireik ayoŋ akiryamakin ka iyoŋ, anerae mam ituŋanan itiyae ŋakiro ŋuna ikote ŋun alo Isirael; nyitiya ŋakiro ŋun, erae akapil.

Ŋikis. 22:21

emaikina yaarae apese ŋin kiŋa epuke ŋolo a akai a papa keŋ, tosodi tocaka ŋikilyok a etaun iŋes a ŋamoru toara, anerae etiya iŋes ŋakiro ŋuna a ŋileec alo Isirael aŋuna abunio kiryamakinotor ka ekile eriŋa nyiita. Aŋun, ilemarete iyes aronis alotuŋa kus.

Yos. 7:15

Ani nai ŋini eseunio toryamunae eyakar ŋiboro ŋulu icenen, eponio akicunyakin iŋes ka ŋiboro keŋ daadaŋ kaapei ka ŋituŋa keŋ, anerae abil iŋes Acamunet ŋina ke Ekapolon ka nabo etiya ŋuna a ŋileec nooi alo Isirael.”

Ŋikat. 20:6

Abu nai ayoŋ olemu akuwan a aberu kaŋ otubutubu, ido eyakiya ŋatubutubeta ŋun nakwap a ŋituŋa a Isirael daadaŋ, anerae etiyata ikes akapil alo Isirael.