Ŋikat. 19:18 - Ebaibul

¹⁸ Toboŋok ekile ŋol iŋes tema, “Eponitae isua alo Betelem, elosyo nakibois ŋina iwasi jik anakwap a ŋina a ŋikamukumukui a ŋina a Epuraim, nakwap ŋina abunitor ayoŋ. Abu ayoŋ olot Betelem lotaun ŋolo a Yudaya, ido alosi tokona ayoŋ lore kaŋ. Mam ituŋanan akanyar ayoŋ kai keŋ.

Ŋikat. 19:18 Iomraidhean Croise

Ŋikiru. 26:9

Nyikimunya ayoŋ ka ŋikasecak kaapei, nyilema akiyar kaŋ ka ŋina a ŋikaarak kaapei.

Ŋakit. 25:17

Nyiropi a ŋinakoloŋit kai a ikidunyet kon, acepaki eŋoi ikidunyet kon ikiremokin iyoŋ.

Yoa. 15:6

Ŋini nyiboi alotooma kaŋ, etuboryo ikwa ateni, tooniyo. Ŋaten ŋuna aoko ecunakinio, tocakakinae nakim, tonomiya.

Yos. 18:1

Kedaut Ŋisirael akikamar akwap ŋin daadaŋ, apotu totukokinos Silo, kigurokis nen Eema ŋolokilipet.

Ŋikat. 17:7

Apaki ŋin, ayai esorokit ŋolo alo Betelem anakwap a ŋina eboiyo iŋes alotuŋa a ekabila a Yuda ka arae iŋes Elepait ŋolo eboi anakwap a ŋin.

Ŋikat. 18:31

Tosodi, apotu ikes kituruwosi etorube a akuj ŋolo etiyaunit Mika aŋuna keŋ a elope apaki ŋina ayakar eema ŋolo elipere neni ka Akuj Silo.

Ŋikat. 19:17

Ani iŋoliyari ekasikout lowae ŋolo ayai ekaloton ŋol, kiŋolik iŋes iboi anenilapat a etaun, kiŋit tema, “Ai ilosi iyoŋ ka ai ibunitor iyoŋ?”

Ŋikat. 19:19

Isua ŋiketiyak kon ikiyakar ŋinya ŋulu itoonitoe ka akimuj aŋuna a ŋisigirya kosi, eyakare daŋ isua ŋamugati ke epiini aŋuna kaŋ ka aberu kaŋ ta esorokit ŋolo ikirukitor isua. Mam ibore ice iitanitae isua.”

Ŋikat. 19:5

Ani edolete ŋirwa ŋiomwon, tokyenyut ikes taparacu nooi, kitemonokin ekile ŋol aŋuna ka alosit, nai tolimok papa a aberu a ekile a ŋol lokamuran keŋ tema, “Kimuj mono adio kimuj, tolot nai ekaku.”

Ŋikat. 20:18

Toloto Ŋisirael kiŋaren kitipeiyosi Besel neni eŋituniata ikes ŋakiro aneni ka Akuj ebasi, “Ŋae alokidiŋ kosi itipeiyori ekiŋaren akitijikin ŋituŋa a ekabila a Benjamin?” Toboŋok Ekapolon tema, “Ŋituŋa ekabila a Yuda ikes itipeiyorete ekiŋaren.”

1 Sam. 1:3

Amina ekile ŋol akitipeiyonor Silo alotaun keŋ a ŋolokaru akilip ka ainakin amuronot neni ke Ekapolon a ŋolo a ŋajoresyo; etiyae iŋes ŋun alo Silo aneni ayakasi Opini ka Pineas ŋidwe a Eli ŋulusapa ŋulu arae ŋisacaradotin ŋulu a Ekapolon.

1 Sam. 1:7

Apotu ŋun torubakis itiyasi a ŋolokaru. Apaki daadaŋ ŋina elosyo Ana Kai a Ekapolon, amina nakain keŋ akitoŋoyenen iŋes, akitodol tari ŋina igworyo toŋer akimuj.