Ŋikat. 18:4 - Ebaibul

⁴ Abu iŋes tolimok ikes ŋakiro ŋuna abu Mika kitiya neni keŋ tema, “Abu Mika ekepaŋga ayoŋ ka arae tokona ayoŋ esacaradoti keŋ.”

Ŋikat. 18:4 Iomraidhean Croise

Ŋakit. 28:21

Nyejok akitoodiun atemar iriito iyoŋ ka ituŋanan ipei itubi ŋakiro torae bo epedori ituŋanan aruwor ŋini edyakarit tari kerae atap elemarit.

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Mal. 1:10

Ebala Ekapolon ŋolo etiron ebe, “Okoe kerae ca topedori epei alokidiŋ kus agolokin ŋikekya ŋulu ka Akai ka Akuj, itogolo iyes tojoŋoto akinok ŋakimya ŋuna emam ajokis Namuroet kaŋ! Nyalakara ayoŋ aŋuna kus; nyacamuni ayoŋ ŋainakineta ŋuna iyaunete iyes neni kaŋ.

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,

1 Tim. 3:3

Itemokino nyerae ŋolo emerana, ŋolo eryenyaana, nai torae ŋolo iyapara, meere ŋolo iburana ka ŋolo emina ŋisiliŋa.

Tito 1:11

Emaikina kiretakinae ikes alorwor kec, anerae eguryakis ikes ŋikalya daadaŋ, aŋuna itatamyata ŋakiro ŋuna nyitemokino kitatamae. Itatamete ikes ŋakiro ŋun aŋuna ca ka aryamunia ŋisiliŋa.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Ŋikat. 17:10

Tolimok nai Mika iŋes tema, “Eboiyoto ka ayoŋ, toruwor iyoŋ papa kaŋ ka esacaradoti. Akainakini ayoŋ iyoŋ ŋisilipae ŋitomon a ŋolokaru, ŋilowi ŋulu inapi iyoŋ ka akimuj ŋina iitanit iyoŋ aŋuna ka ayarya.”

Ŋikat. 17:12

Kituruwo Mika esorokit ŋol esacaradoti keŋ, kiboi daŋ ekile ŋol alokai a Mika.

Ŋikat. 18:3

Ani eriŋa ikes eyakasi kai a Mika, toyena etoil a esorokit a ŋolo arae Elepait, aŋun toloto ikes neni keŋ, kiŋita iŋes temasi, “Ŋae ikiyauni iyoŋ ne? Nyo itiyae iyoŋ anakibois a na? Alitic itiyae iyoŋ a ne?”

Ŋikat. 18:5

Tolimokis nai ŋikilyok ŋulu alosete akireb akwap esorokit ŋolo arae Elepait temasi, “Kiŋit Akuj, aŋuna kosi ikotere isua ikiyenuni kiyookin ŋakiro ŋuna elosere isua, kori kemam.”