Ŋikat. 18:29 - Ebaibul

²⁹ Tolimokis ikes ekiro a etaun a ŋol Dan, ekiro a papaa kec Dan a ŋolo arae lokoku a Isirael, nai arae sek ekiro a etaun a ŋol Lais.

Ŋikat. 18:29 Iomraidhean Croise

Akisy. 14:14

Ani iirari Aburam atemar ariko ŋimoe lokoku alokaato keŋ, ya ŋikilyok ŋamiae ŋauni ka ŋitomon ka ŋikanikauni ŋulu etatamitae epite ŋolojiet, ŋulu arae ŋiyeneta keŋ; toloto kiwuapakis ŋimoe ŋul, todolo tari Dan.

Akisy. 30:6

Tolimu nai Rakel tema, “Etiya Akuj neni kaŋ eriyan, eira daŋ etoil kaŋ, akainaki ikoku ŋinisapat”; aŋun, abu tolimok ekiro a ikoku a ŋin Dan.

Akisy. 32:28

Tema iŋes neni a Yakob, “Nyenyarao nabo ekiro kon Yakob, nai enyarao Isirael, anerae idayu iyoŋ akisilek Akuj ka ŋituŋa, ido ibu iyoŋ kidaŋidaŋ.”

2 Sam. 17:11

Nai ŋuna alimuni ayoŋ ikes nu, ‘Emaikina tocunakinos Ŋisirael daadaŋ neni kon ameun alo Dan tari Beeriseba. Emaikina ikes elalak nooi ikwa asinyon alokipetot ka anam. Emaikina iyoŋ elope torik ikes iyai lojie.

1 Ŋirw. 15:20

Kiira Ben-Adad ŋakiro ka Asa a erwosit, ido kiyakiya ŋikarikok a ŋajorei keŋ akirem ŋitaunio ŋulu a Isirael. Toreu iŋes ŋitaunio lu: Ijon, Dan, Abel-Bes-Maaka ka akwap ŋina anyaritae Keneres daadaŋ ta akwap a Naputali daadaŋ.

Yer. 8:16

“‘Epupyo iwon eruye a ŋaŋolei a ŋimoe a lotaun a Dan epupyo iwon ŋaŋolei kec erubakinito irukosi, ido amaraniki akwap daadaŋ. Eponito ŋimoe yok akinyasun akwap ka amunyar ŋinibore daadaŋ eyai tooma keŋ, eponito ikes akinyasun etaun yok ka ŋituŋa daadaŋ ŋulu iboiyete a nen.’

Ŋikis. 34:1

Abu nai Moses torotok anadipoe a Moab, kitipeiyo lomoru Nebo, tari naita Pisiga ŋina iteosi ka Yeriko. Abu Ekapolon a nen kitoodik Moses akwap daadaŋ ameun alo Gilead tari Dan.

Yos. 19:47

Aŋuna adidiŋia akwap ŋina akorakinitae ŋituŋa a ekabila a Dan; apotu ikes kicodosi toremo etaun Lesem, kikamasi ka tomunyasi ŋituŋa keŋ. Toloma ikes nen, tolimokis ekiro a etaun a ŋol Dan, ekiro ŋolo arae ŋolo a papaa kec.

Ŋikat. 18:7

Toloto nai ŋikarebok ŋulukan ŋul, todolo Lais, kiŋolikis ikes ŋituŋa ŋulu eboiyete a nen iboiyete emam ŋace, lopite ŋolo eboiyoto Ŋisidoniani. Arae ikes ŋituŋa ŋulu eboiyete emam ecelet ka emam ŋini imanatar, ayakatar ikes ibore daadaŋ ŋina eitanito ikes anakwap ka ayakatar abaru. Nabo daŋ, alwaka ŋituŋa a Lais aneni a Ŋisidoniani ka amam ŋakiro amorete ikes ka ŋituŋa ŋuluce.

Ŋikat. 20:1

Apotu nai Ŋisirael daadaŋ ameun alo Dan tari Bee-Seba akitodol Gilead, tocunakin daadaŋ kiŋaren Ekapolon nakibois apei alo Misipa.