Ŋikat. 18:28 - Ebaibul

²⁸ Amam ituŋanan apedori alakun ikes, anerae alwanikina ikes alo Sidon ka amam ŋakiro amorete ikes ka ŋituŋa ŋuluce. Etiyakin ŋun anakadipaalat a ŋina arae ŋina ka Bes-Reob. Apotu ŋituŋa a ekabila a Dan toduko nabo etaun Lais, kiboiyoto a nen.

Ŋikat. 18:28 Iomraidhean Croise

2 Sam. 10:6

Ani eanyunete Ŋiamoni atemar aremokin daudi ikes, kiyakiyata ikes ŋituŋa akipaŋgaun ŋituŋa ŋice kiŋarakis ikes. Apotu ikes kipaŋgaut: Ŋiarameani ŋulu alo Bes-Reob ka Ŋiarameani ŋulu alo Soba; potu ŋul erae ŋasigarya ŋalipyo ŋatomoniarei ŋulu alosete a ŋakejen, kipaŋgaut ikes tari erwosit ŋolo a Maaka ka ŋasigarya keŋ aliput; kipaŋgaut ikes ŋikilyok ŋice ŋalipyo ŋatomon ka ŋiarei alo Tob.

2 Sam. 14:6

Ayakasi ayoŋ aketiyan kon ŋidwe ŋulusapa ŋiarei, kepotu ikes make ŋiarei tojioto anariet, ido kemam a nen ituŋanan ŋini kerae totyak ikes, aŋun, kebu epei kidic ŋoloce toar.

2 Sam. 24:6

Toboŋut nai aina potu Gilead ka Kades nakwap ŋina a Ŋiitaiti; tonyout a nen potu Dan, ido alo Dan, apotu toloto To, lotaun Sidon.

Ŋikiru. 50:22

“Totamatamata ŋakiro ŋun, iyes idaut ajamuwar ayoŋ, ani kemam, akamunyari ayoŋ iyes, emam ituŋanan ikiuni.

Ŋikiru. 7:2

anerae epedorete ikes anyilinyiliyar ayoŋ lopite ŋolo enyilinyiliyarya eŋatuny etyaŋ; epedorete ikes arikor ayoŋ nariet todaun ituŋanan akaiuni.

Isa. 23:12

Ebala Ekapolon, “Nyilakarosi iyes nabo, okoe ŋituŋa a Sidon ŋulu ikisicanitae, tonyoutu, todokasi Kupuro, tari alo Kupuro nyiryamunete iyes akieŋun.”

Isa. 23:4

Okoe ŋituŋa a Sidon, emaikina iyes ikiruma ŋileec, anerae erworo anam ka aduketait ŋinajiet ŋina eyai diyete anam ebasi, “Nyeryabakina ayoŋ, kori nyidouno, nyitanuna ayoŋ ŋikilyok ŋulusorok, kori nyitopolouno ayoŋ ŋaberu ŋunasorok.”

Ekim. 13:21

Apotu nai ŋikilyok ŋul toloto torebo akwap ŋin ameun analoŋisat a Sin akitodol Reob diyete Leboamas.

Yos. 11:8

kipotok nai Ekapolon ŋirwosi ŋul ka ŋasigarya kec nakan a Ŋisirael, toarae ikes kiritarae lowae ŋolo alo Kuju, todolo neni enyaritae Sidon ka Misirepoti-Maim, todolo tari Kide nakadipaalat ŋina enyaritae Misipa. Toarae ŋimoe ŋuk nyidoŋ tari ipei.

Yos. 19:28

tolunyar a nen kitor Eburon, Reob, Amon, Kana todoiyo tari Sidon,

Ŋikat. 18:1

Alorwa a ŋul, amam erwosit ayai Isirael, alorwa a ŋul, apotu ŋituŋa ŋulu ekabila a Dan kiwara akwap ŋina epedoryata ikes akiboiyo, anerae akitodol apaki ŋin, mam akwap aponi tokorakinae ikes aruwor ŋina kec, alokidiŋ ŋikabilae a Ŋisirael ŋuluce.

Ŋikat. 18:29

Tolimokis ikes ekiro a etaun a ŋol Dan, ekiro a papaa kec Dan a ŋolo arae lokoku a Isirael, nai arae sek ekiro a etaun a ŋol Lais.

Ŋikat. 18:7

Toloto nai ŋikarebok ŋulukan ŋul, todolo Lais, kiŋolikis ikes ŋituŋa ŋulu eboiyete a nen iboiyete emam ŋace, lopite ŋolo eboiyoto Ŋisidoniani. Arae ikes ŋituŋa ŋulu eboiyete emam ecelet ka emam ŋini imanatar, ayakatar ikes ibore daadaŋ ŋina eitanito ikes anakwap ka ayakatar abaru. Nabo daŋ, alwaka ŋituŋa a Lais aneni a Ŋisidoniani ka amam ŋakiro amorete ikes ka ŋituŋa ŋuluce.