Ŋikat. 18:20 - Ebaibul

²⁰ Tocamu nai esacaradoti alosit ka ikes. Totiŋ iŋes arapet, ŋitorubei a ŋakujo ka etorube a akuj ŋolo etiyaunitae anasuwat, torukosi kaapei ka ŋikilyok ŋul.

Ŋikat. 18:20 Iomraidhean Croise

Ŋakit. 30:15

Eyakar ediket ŋitak ŋiarei ŋulu igworosi ebasi, ‘Inakinae, inakinae.’ Eyakasi ŋiboorei ŋiuni ŋulu nyimwokeneneete; eyakasi ŋiboorei ŋiomwon ŋulu eriŋa nyetemara ‘Etemokin’:

Isa. 56:11

Ikwaan ikes ka ŋiŋokwo ŋulu edakaka, nyimwokeneneete ikes. Erae ikes ŋikeyokok ŋulu emamukatar ayenut, iwuapito ikes ŋuna kec a ŋilopeyek; iwarit ŋinituŋanan aryamun ŋini keŋ a ilope.

Esek. 13:19

Idaut iyes akiyany ayoŋ alotuŋa kaŋ aŋuna ca ka aryamunia ŋikinyom ŋulu ikote erau ŋidi ka ŋanyile a ŋamugati ŋadi. Idaut iyes anamodyanakin ŋituŋa kaŋ ŋulu eminasi akipup ŋakiro ŋuna erae amodiyo, akiar ŋituŋa ŋulu pa amaikina toarae ka akimyekin ŋulu pa amaikina kimyekinae eyarete.’

Esek. 21:21

Apaki ŋina ebunio erwosit a Babilon, ewoi aneni iwuakinitae akitoodikinet ŋina itoodiunit etaun, anakikicaret a ŋirotin, ikotere eanyuni erot ŋolo emaikina kiwuapak. Iikikokini iŋes ŋikaleŋeleŋe a nen, iŋisi iŋes ŋakujo ŋakiro a nen ka isyeme iŋes ŋamoliteny a ajulot keŋ a nen.

Osea 4:3

Aŋun, idoŋi Isirael emam ibore eyai, emunyar ŋituŋa daadaŋ ŋulu eya nen, kaapei ka ŋityaŋ daadaŋ ka ŋikyeny tari ŋikolya emunyarosi.

Ŋilep. 26:1

“‘Nyitiyaut ŋitorubei a ŋakujo aŋuna kus, nyisiponokis ŋitorubei ŋulu iceunitae, kori ŋipirin, nyiwuanakis ŋamoru ŋuna iceunitae nakwap kus, ido kilipa neni kec; anerae arae ayoŋ Ekapolon Akuj kus.

Ŋitic. 20:33

Iyenete iyes ŋilopeyek atemar nyiwuakina ayoŋ ekibure losilipa a ituŋanan a idio, logolid kori lolowi,

Ŋipil. 3:19

Inyasunio ikes, anerae ekibure ŋolo a ŋawat kec iŋes erae akuj kec; iturosi ikes kan ibore ŋini itemokino kirumyata ŋileec ikes, ka eyakasi ŋatameta kec loboro ŋulu ka akwap a na bon.

2 Pet. 2:3

Aŋuna ka arorokanut kec, eryamunete ŋiketatamak lu epoida aloemuto a ŋulu isudete ikes. Adol tokona apaki ŋina aoyan etenit ekatubokinan kec ka nyejotoe ekamunyaran kec!

Ŋikat. 17:10

Tolimok nai Mika iŋes tema, “Eboiyoto ka ayoŋ, toruwor iyoŋ papa kaŋ ka esacaradoti. Akainakini ayoŋ iyoŋ ŋisilipae ŋitomon a ŋolokaru, ŋilowi ŋulu inapi iyoŋ ka akimuj ŋina iitanit iyoŋ aŋuna ka ayarya.”

Ŋikat. 18:19

Toboŋokis ikes temasi, “Kililiŋ! Nyilimu akirot adio, bua orukosi ka isua, ido toruwor papa kosi, ejok mono iyoŋ araakau esacaradoti a ekal a ituŋanan a ipei, kori araakau esacaradoti aŋuna a ekabila ka a ateker alo Isirael a?”

Ŋikat. 18:21

Togeut nai nabo ikes alosit; ayakasi kiŋaren kec ŋidwe ka ŋibaren ta ŋiboro kec.