Ŋikat. 18:17 - Ebaibul

¹⁷ tolomasi ŋikilyok ŋulukan ŋulusek alosito akireb akwap, lore a Mika, tolemut etorube a akuj ŋolo etiyaunitae anasuwat, arapet ka ŋitorubei a ŋakujo, towoi esacaradoti alopuke a ere kaapei ka ŋikilyok ŋulu arae ŋamiae ŋakanikapei ŋulu ayakatar ŋiboro ŋulu ke ejie.

Ŋikat. 18:17 Iomraidhean Croise

Akisy. 31:19

Apaki ŋin, alosit Laban akitub ŋajul a ŋamesekin keŋ. Aŋun, abu Rakel kisitiya apaki ŋin akokoiyarya ŋakujo ŋuna a ekal a papa keŋ.

Akisy. 31:30

Tari ŋina amaikina iyoŋ tolosyo aŋuna ikiburitor nooi ekal a papa kon, nyo ikokoiyarya iyoŋ ŋakujo kaŋ.”

Awos. 32:20

Tolot nai Moses tolemu etorube a itaok a ŋini kepotu ŋituŋa kitiyaut, kimasak nakim kicuny, kiryaa todopirir, kipurupurak nakipi, ido inak Ŋisirael tomata ŋakipi ŋun.

Isa. 41:29

Mam ipei daŋ, erae ikes daadaŋ ŋikalyokonok; erae ŋiticisyo kec ŋikoŋinae; erae ŋitorubei kec ekuwuam koŋin.”

Isa. 46:7

Eryoŋeneneete ikes akuj ŋin aloseketa kec, kiwoko, tosodo tosipokis nakibois ŋina eseunito ikes aŋuna keŋ, kimyekinae ewoi a nen; nyepedori akuj ŋin akiyotokin a nen. Ani kilip ituŋanan neni keŋ, emam aboŋokinet eryamuni ituŋanan ŋin, kori nyepedori akuj ŋin alakun idiotuŋanan alocan.

Esek. 21:21

Apaki ŋina ebunio erwosit a Babilon, ewoi aneni iwuakinitae akitoodikinet ŋina itoodiunit etaun, anakikicaret a ŋirotin, ikotere eanyuni erot ŋolo emaikina kiwuapak. Iikikokini iŋes ŋikaleŋeleŋe a nen, iŋisi iŋes ŋakujo ŋakiro a nen ka isyeme iŋes ŋamoliteny a ajulot keŋ a nen.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Mika 5:13

Amunaari ayoŋ ŋakujo kus ka ŋipirin ŋulu a ŋitalyo kus; nyirubakinete nabo iyes ilipete neni a ŋiboorei a ŋulu itiyaunito iyes.

Ŋikat. 18:14

Apotu nai ŋikilyok ŋulukan, ŋulusek alosito akireb akwap (iŋes Lais) tolimokis ŋirukitos kec temasi, “Iyenete iyes atemar eyakasi nakais nu arapet ka ŋitorubei a ŋakujo ka etorube a akuj ŋolo itiyaunitae anasuwat a? Aŋun, totamatamata tokona ŋuna ilosete akitiya.”

Ŋikat. 18:16

Ani eriŋa ŋikilyok ŋulu arae ŋamiae ŋakanikapei ŋulu a ekabila a Dan ŋulu ayakatar ŋiboro ŋulu ke ejie ewuasi alopuke a ŋolo ke ere a Mika,

Ŋikat. 18:18

Ani elomarete ŋikilyok ŋulukan tooma akai a Mika ka elemunete etorube a akuj ŋolo etiyaunitae anasuwat ka ŋitorubei a ŋakujo ŋuluce ta arapet, kiŋit esacaradoti ikes tema, “Nyo itiyaete iyes?”

Ŋikat. 18:2

Aŋun, apotu ŋituŋa a ekabila a Dan kiyakiyasi ŋikilyok ŋikan ŋulu adedeŋak anatekerin kec a daadaŋ alo Sora ka Esitaol akireb akwap ka aanyun neni ikoni akwap ŋin. Tolimokis ŋituŋa a Dan ŋikilyok ŋul temasi, “Apesi, toanyutu neni ikoni akwap.” Ani edolete ŋikilyok ŋulu eyakiyaritae akireb akwap nakwap ŋina a ŋikamukumukui ŋina ke Epuraim, toloto kai a Mika, kiboiyoto a nen.

Ŋikat. 6:31

Nai tolimok Yoas ŋituŋa ŋulu acunakina ŋulu aŋoikinito iŋes tema, “Iriito mono iyes neni a Baal a? Icamito iyes aikin iŋes a? Ituŋanan daadaŋ ŋini eriit neni a Baal, emaikina toarae iŋes eriŋa nyiwalara akwap. Ani kerae iŋes akuj kimyekisi iŋes toiun bon aŋuna amunaarere namuroet keŋ.”

1 Sam. 19:13

Tolemu Mikal etorube a akuj ŋolo etiyaunito ŋituŋa, kiperik lokitaada; kiwuak ibore ŋini etiyaunitae a ŋajul a ŋamee nakou etorube a ŋol, kimuko a ŋilowi.

1 Sam. 4:11

Todemarae Ŋisirael Asaduku ŋina ka Akuj, toarae daŋ ŋidwe ke Eli ŋulusapa ŋuluarei, Opini ka Pineas.