Ŋikat. 18:10 - Ebaibul

¹⁰ Ani ilosete iyes iryamunete iyes ŋituŋa ŋulu emam ŋini imanatar. Elal akwap ŋin, kire adau Akuj ainakin akwap ŋin napedor kus, erae akibois ŋina eyai ibore daadaŋ ŋini iitanit ituŋanan anakwap.”

Ŋikat. 18:10 Iomraidhean Croise

Awos. 3:8

ka adau ayoŋ abunore kwap ne aiun ikes anakan a Ŋijipitian ka ayaun ikes anakwap a ŋin, toloto nakwap ŋina ajokan ŋina aloloman, nakwap ŋina elelyaata ŋakile ka ao, nakwap ŋina a Ŋikanaani, a Ŋiitaiti, a Ŋiamori, a Ŋiperisi ka a Ŋiipi ta a Ŋiyebusi.

Esek. 20:6

Akoloŋit ŋin, iŋes abunio ayoŋ ekoŋ neni kec atemar ayauni ikes anakwap a Ijipit ewuak nakwap ŋina adau ayoŋ akiwarun aŋuna kec, nakwap ŋina elelyaata ŋakile ka ao, nakwap ŋina ibus nooi akilo ŋakwapin ŋunace daadaŋ.

Ŋikis. 2:29

lopite ŋolo aponiata ŋiletok a Esau ŋulu iboiyete alo Seir kitiyaata aŋuna kosi ka lopite ŋolo aponiata Ŋimoabi daŋ ŋulu iboiyete alo Ar kitiyaata, kimyekinae isua olunyar tari ŋina ikidokarya ekekwaye a ŋolol Yorodan olomasi nakwap ŋina ikiinakinit Ekapolon Akuj isua.”

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

1 Tim. 6:17

Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

Yos. 2:23

Tosodo nai ŋirototin ŋuluarei ŋul todokut alokamukumukui, totuboros ekekwaye aŋolol Yorodan neni ayai Yosua lokoku a Nun, tolimonokis iŋes ŋakiro daadaŋ ŋuna apotu kitiyakinos analosit kec.

Yos. 2:24

Ekaku kirworo ikes, temasi neni a Yosua, “Adau Ekapolon Akuj ainakin Kanaan daadaŋ nakan yok. Elelebun tokona ekabule lotai a ŋituŋa ka akwap a Kanaan daadaŋ.”

Yos. 6:16

Ani edoli akirimokinet ŋina a ŋakanikaarei, ituruunete ŋisacaradotin ŋamomwar a ŋimeesekin, tolimok Yosua ŋituŋa tema, “Tocelutu, anerae adau Ekapolon ainakin iyes etaun.

Ŋikat. 18:11

Apotu ŋikilyok ŋamiae ŋakanikapei ŋulu a ekabila a Dan torotokis alo Sora ka Esitaol torotokis eyakatar ŋiboro ŋulu ke ejie,

Ŋikat. 18:27

Kedaut ŋituŋa a ekabila a Dan akiya ŋiboro ŋulu kitiyauni Mika ka akiya esacaradoti keŋ, apotu todolo Lais, neni a ŋituŋa a ŋulu eliliŋak, a ŋulu amam ituŋanan imanatar. Toara ŋituŋa a Dan ŋituŋa ŋul a ekileŋ kicunyakis etaun kec.

Ŋikat. 18:7

Toloto nai ŋikarebok ŋulukan ŋul, todolo Lais, kiŋolikis ikes ŋituŋa ŋulu eboiyete a nen iboiyete emam ŋace, lopite ŋolo eboiyoto Ŋisidoniani. Arae ikes ŋituŋa ŋulu eboiyete emam ecelet ka emam ŋini imanatar, ayakatar ikes ibore daadaŋ ŋina eitanito ikes anakwap ka ayakatar abaru. Nabo daŋ, alwaka ŋituŋa a Lais aneni a Ŋisidoniani ka amam ŋakiro amorete ikes ka ŋituŋa ŋuluce.

Ŋikat. 18:9

“Toboŋokis ikes temasi, potu oloto akitijikin ikes, anerae aanyun isua akwap ka ejok akwap ŋin nooi. Nyitiyakinete iyes idiobore a? Nyididyoto alosit, nai toloto kikamasi akwap ŋin.