Ŋikat. 17:5 - Ebaibul

⁵ Ayakar ekile ŋolo anyaritae Mika ŋol akibois ŋinakilipet, tosodi kitiyau arapet ka ŋitorubei a ŋakujo, ido kituruwo lokoku keŋ epei esacaradoti keŋ.

Ŋikat. 17:5 Iomraidhean Croise

Akisy. 31:19

Apaki ŋin, alosit Laban akitub ŋajul a ŋamesekin keŋ. Aŋun, abu Rakel kisitiya apaki ŋin akokoiyarya ŋakujo ŋuna a ekal a papa keŋ.

Akisy. 31:30

Tari ŋina amaikina iyoŋ tolosyo aŋuna ikiburitor nooi ekal a papa kon, nyo ikokoiyarya iyoŋ ŋakujo kaŋ.”

1 Ŋirw. 12:31

Abu daŋ Yeroboam toduk ŋakais nakiboisyo ŋunamukur, ido toseununu ŋisacaradotin alokidiŋ ŋatekerin daadaŋ tari daŋ ŋina pa araakatar ikes ŋulu ka ateker a Lepi.

1 Ŋirw. 12:32

Totub Yeroboam atemar kitiyaeneneetei ŋasuban ŋuna ka akwap keŋ ŋirwa ke elap ŋitomon ka ŋikan elap ŋolo a ŋikanikauni, lopite ŋolo etiyata ŋulu a Yudaya. Ya Yeroboam ŋamuronisya Namuroet ŋina ayai Besel, inak ŋamuronisya ŋun neni a ŋitak a ŋulu abu iŋes kitiyau.

Esir 1:7

Abu erwosit Kirus elope tolemu anakais a ŋakujo a papa keŋ ŋiboro ŋulukimujet ŋulu ka Akai ke Ekapolon ŋulu kebu papa keŋ Nebukadinesar yau alo Yerusalem kiwuak kai a ŋakujo keŋ.

Awos. 24:5

Ani kedau ŋun, abu kiyakiya ŋisorok a Ŋisirael, toloto ŋul inakis Ekapolon ŋainakineta ŋuna epeyo ka ŋamuronisya ŋuna a ŋimoŋin a ŋulu apolounok ikwapei ŋainakineta ŋuna ka akimorikina ke Ekapolon.

Awos. 28:15

“Inak ituŋanan ŋini eyeni akitiya ejok nooi, kitiyau eboli ŋolo enapyo etubio ŋakiro, emaikina kitiyaunae ikwaan ka arapet, eyai egolid, kitiyaunitetei a ŋanaŋgae a ŋunapusiyek, a ŋunakipura-areŋak ka a ŋuna areŋak ta ŋuna amilimilak ŋuna edonyuno ejok.

Awos. 28:4

Ŋilowi lu ikes emaikina ŋituŋa ŋul kitiyaut: Eboli ŋolo ka atorobu, arapet, ekaaso, esati ka akopiya ta arokoba. Emaikina ikes kitiyaut ŋilowi ŋul aŋuna ka Aron alokaato kon ka ŋidwe keŋ ŋulusapa eketiyanakiniata ayoŋ ikwapei ŋisacaradotin.

Awos. 29:9

toenik nai nacirin kec ŋarokobae, ido kiwuak nakyes kec ŋakopiyae, toruworos ikes ŋisacaradotin. Epite ŋol iŋes ituruworya iyoŋ Aron ka ŋidwe keŋ ŋulusapa ŋisacaradotin, eruwor asacaradotonu etal a ŋiletok ka Aron ŋoloruba.

Isa. 44:13

Tosodi elemuni eketiyan ŋabaoi akipimet kipimya akitoe, ido kigerok a akalamu neni etubunio iŋes ibore ŋini ecamit iŋes akicieun, tosodi kisyak akiciere a erokon, ido kitiyau etorube ŋolo ikwaan ka ituŋanan, kibus daŋ lopite ŋolo ibusya ituŋanan, itiyauni iŋes etorube ŋol aŋuna ka asipokin neni ilipya iŋes.

Esek. 21:21

Apaki ŋina ebunio erwosit a Babilon, ewoi aneni iwuakinitae akitoodikinet ŋina itoodiunit etaun, anakikicaret a ŋirotin, ikotere eanyuni erot ŋolo emaikina kiwuapak. Iikikokini iŋes ŋikaleŋeleŋe a nen, iŋisi iŋes ŋakujo ŋakiro a nen ka isyeme iŋes ŋamoliteny a ajulot keŋ a nen.

Esek. 21:26

alimu Ekapolon Akuj atemar, tolaca akopiya kon, tolaca ebokot kon, nyerubakinete ŋakiro ikote neni sek ekote. Itopolooryo ŋulucaryo ka itiditeunio ŋuluarwok.

Osea 3:4

Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

Osea 8:14

Emuryak ŋituŋa a Isirael ekasubunan kec, adukokis ikes ŋakais a ŋapukasinei kec, alalata ŋitaunio a Yudaya ŋulu eyakatar ŋaduketa ŋunajiet, nai ecunyari ayoŋ a akim ŋitaunio ŋul daadaŋ, enomiyari akim ŋaduketa ŋunajiet ŋun.

Ekim. 3:10

Nai Aron bon ka ŋiletok keŋ ikes iinakini iyoŋ akitiya loeema ŋolokilipet ikwapei ŋisacaradotin. Ituŋanan daadaŋ ŋini elomari neni itiyaete ikes, emaikina toarae.”

Ŋibur. 5:4

Nyeseun ituŋanan bon tema apoloor iŋes oruwor Esacaradoti ŋolo Apolon nooi. Akuj bon enyarae ituŋanan kituruwo Esacaradoti ŋolo Apolon nooi--ikwapei anyaraa koloŋ Aron.

Ŋikat. 17:4

Aŋun, ani inyakakini Mika ŋisilipae neni a toto keŋ, abu toto keŋ tolemu ŋisilipae ŋamiae ŋaarei alo Silipae a ŋul inak neni a eketyakan esilipa, a ŋolo abu kitiyau etorube a akuj ŋolo etiyaunitae a esilipa, aponi kiwuakinae etorube a akuj ŋol kai a Mika.

Ŋikat. 18:14

Apotu nai ŋikilyok ŋulukan, ŋulusek alosito akireb akwap (iŋes Lais) tolimokis ŋirukitos kec temasi, “Iyenete iyes atemar eyakasi nakais nu arapet ka ŋitorubei a ŋakujo ka etorube a akuj ŋolo itiyaunitae anasuwat a? Aŋun, totamatamata tokona ŋuna ilosete akitiya.”

Ŋikat. 18:24

Toboŋok Mika ikes tema, “Iyaasi iyes ŋakujo kaŋ ŋuna etiyauni ayoŋ ka esacaradoti kaŋ ilosyoto, anibore nai ikidoŋio ayoŋ? Nyo nai ikiŋisitotor iyes ayoŋ ebe, ‘Anukiro eya?’ ”

Ŋikat. 18:30

Apotu nai ŋituŋa a Dan kiwuakis etorube a akuj nen a ŋuna kec. Arae Yonasan lokoku a Gerisom, a ŋolo arae lokoku a Moses kaapei ka ŋidwe keŋ ŋulusapa ikes arae ŋisacaradotin a ŋituŋa ekabila a Dan akitodol apaki ŋina erikorere ŋituŋa kec nakwapin.

Ŋikat. 8:27

Abu Gideon kitiyau etorube a akuj a egolid a ŋol, kiwuak lotaun keŋ Opura, ido apotu Ŋisirael daadaŋ kilipa neni a etorube. Apotu ŋun kitojamakis Gideon ka ekal keŋ akikinyomit Akuj.

1 Sam. 19:13

Tolemu Mikal etorube a akuj ŋolo etiyaunito ŋituŋa, kiperik lokitaada; kiwuak ibore ŋini etiyaunitae a ŋajul a ŋamee nakou etorube a ŋol, kimuko a ŋilowi.

1 Sam. 23:6

Apaki ŋina alosyo Abiasar lokoku ka Aimelek Keila neni ayai Daudi, kebu iŋes ya nen arapet.