Ŋikat. 17:4 - Ebaibul

⁴ Aŋun, ani inyakakini Mika ŋisilipae neni a toto keŋ, abu toto keŋ tolemu ŋisilipae ŋamiae ŋaarei alo Silipae a ŋul inak neni a eketyakan esilipa, a ŋolo abu kitiyau etorube a akuj ŋolo etiyaunitae a esilipa, aponi kiwuakinae etorube a akuj ŋol kai a Mika.

Ŋikat. 17:4 Iomraidhean Croise

Isa. 30:22

Tosodi nai, inyasunete iyes ŋitorubei a ŋakujo kus ŋulu eburusiyaritae a esilipa ka ŋitorubei ŋulu eburisikinitae egolid. Icakarete iyes ikes esibito ŋaraco ŋuna asiilyanak, itemarete iyes neni kec, “Nyikicamit isua iyes!”

Isa. 44:13

Tosodi elemuni eketiyan ŋabaoi akipimet kipimya akitoe, ido kigerok a akalamu neni etubunio iŋes ibore ŋini ecamit iŋes akicieun, tosodi kisyak akiciere a erokon, ido kitiyau etorube ŋolo ikwaan ka ituŋanan, kibus daŋ lopite ŋolo ibusya ituŋanan, itiyauni iŋes etorube ŋol aŋuna ka asipokin neni ilipya iŋes.

Abak. 2:18

Nyo epoida a akuj a ŋina itiyaunitae? Erae iŋes ibore koŋin ŋini erae ituŋanan itiyaunit, emam ŋakiro ŋuna ikilimokini, nai irworosi ŋiketiyaunak kec alyokonu aŋuna kec. Anijokis itiyae iŋes neni a ŋini abu kiceu iŋes, ikotere kikinyomae iŋes? Erae iŋes akuj ŋina itiyaunitae ka erae iŋes koŋin, nyirworo.

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’

Ŋikat. 17:3

Abu nai Mika kinyakak ŋisilipae ŋulu arae aliput ka amiat neni a toto keŋ, tosodi toto keŋ tolimu tema, “Etaleikini ayoŋ ŋisilipae lu neni ke Ekapolon aŋuna alokoku kaŋ, kitiyaunere etorube a akuj ŋolo itiyaunitae anasuwa.”

Ŋikat. 17:5

Ayakar ekile ŋolo anyaritae Mika ŋol akibois ŋinakilipet, tosodi kitiyau arapet ka ŋitorubei a ŋakujo, ido kituruwo lokoku keŋ epei esacaradoti keŋ.

Ŋikat. 18:17

tolomasi ŋikilyok ŋulukan ŋulusek alosito akireb akwap, lore a Mika, tolemut etorube a akuj ŋolo etiyaunitae anasuwat, arapet ka ŋitorubei a ŋakujo, towoi esacaradoti alopuke a ere kaapei ka ŋikilyok ŋulu arae ŋamiae ŋakanikapei ŋulu ayakatar ŋiboro ŋulu ke ejie.