Ŋikat. 17:12 - Ebaibul

¹² Kituruwo Mika esorokit ŋol esacaradoti keŋ, kiboi daŋ ekile ŋol alokai a Mika.

Ŋikat. 17:12 Iomraidhean Croise

1 Ŋirw. 12:31

Abu daŋ Yeroboam toduk ŋakais nakiboisyo ŋunamukur, ido toseununu ŋisacaradotin alokidiŋ ŋatekerin daadaŋ tari daŋ ŋina pa araakatar ikes ŋulu ka ateker a Lepi.

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 18:1

Kirwor Ekapolon neni ka Aron tema, “Ŋiyany daadaŋ ŋulu iyanyere akibois ŋina asegan, eruwor nakou kon ka nakyes a ŋidwe kon a ŋulusapa ta nakyes a ŋituŋa a daadaŋ a ŋulu a ekabila a papa kon; nai iyanyi ŋulu iyanyere asacaradotonu, eruwor nakou kon bon ka nakyes a ŋidwe kon a ŋulusapa bon.

Ŋikat. 17:11

Abu nai Elepait ŋol tocamu akiboi ka Mika, kiboi ekile ŋol alore a ŋol esibit epei a ŋidwe a Mika a ŋulusapa.

Ŋikat. 17:13

Tolimu nai Mika tema, “Ayeni ayoŋ tokona atemar eketerereŋi Ekapolon ayoŋ, anerae esacaradoti kaŋ Elepait.”

Ŋikat. 18:30

Apotu nai ŋituŋa a Dan kiwuakis etorube a akuj nen a ŋuna kec. Arae Yonasan lokoku a Gerisom, a ŋolo arae lokoku a Moses kaapei ka ŋidwe keŋ ŋulusapa ikes arae ŋisacaradotin a ŋituŋa ekabila a Dan akitodol apaki ŋina erikorere ŋituŋa kec nakwapin.

Ŋikat. 18:4

Abu iŋes tolimok ikes ŋakiro ŋuna abu Mika kitiya neni keŋ tema, “Abu Mika ekepaŋga ayoŋ ka arae tokona ayoŋ esacaradoti keŋ.”