Ŋikat. 16:6 - Ebaibul

⁶ Aŋun, abu Delila tema neni a Samuson, “Ekelipit ayoŋ iyoŋ, tolimokinae ayoŋ ibore ŋini ikiinit iyoŋ agogoŋu ŋina apolon nooi ka epite ŋolo epedorya ituŋanan akien iyoŋ, ikotere ikilouni iyoŋ.”

Ŋikat. 16:6 Iomraidhean Croise

Neem. 6:4

Kiyakuut ikes ŋituŋa neni kaŋ ŋarwa ŋaomwon, ebasi neni pei, ido abu ayoŋ daŋ oboŋok ikes ŋuna pei sek.

Ŋikiru. 12:2

Irworo ŋinituŋanan alyokonu neni a ŋinice; itoboboto ikes ŋakituka kec ka itojokasi make.

Ŋakit. 22:14

Erae ŋakiro a aberu a ŋina emalaana akipany ŋina ecukul nooi, ituŋanan daadaŋ ŋini elomari nanyunyura ŋina a Ekapolon elomari nakiro a aberu a ŋin.

Ŋakit. 26:28

Ituŋanan ŋini irworo alyokonu, epedori akiman ŋini elimokini iŋes atemar nyirwor alyokonu, ido ituŋanan ŋini nyirworo ŋuna a kire, eauni amunyaro.

Ŋakit. 6:26

Epedori ekile akipaŋgaun amalaat a ŋisiliŋa a ŋulu etya ŋulu egyelere amukat, nai epedori akaloman akitasalun akiyar a ekile a ŋolo aloma ka iŋes.

Ŋakit. 7:21

Abu nai aberu ŋin kimaimaa esorokit ŋol a ŋakiro keŋ a ŋuna abobok a ŋun, kisupa iŋes a erwor keŋ a ŋolo abobon a ŋol.

Mika 7:2

Adaun anakwap ŋituŋa ŋulu enupito Akuj, adaun ipei daŋ ŋini iyookino ŋini eriŋa eyari; iwarito ŋituŋa daadaŋ akiar, iwuarit ŋinituŋanan akiar ituŋanan keŋ pei.

Mika 7:5

Nyikinyom ekone, nyikinyom neni a ŋini imina iyoŋ; tocoik ŋakiro ŋuna irworo iyoŋ tari neni ka aberu kon,

Ŋikat. 14:17

Kigwor aberu a Samuson alokiŋaren keŋ ŋirwa ŋikanikaarei daadaŋ ŋulu a ŋasuban; nai a ŋuna ecania aberu ŋin Samuson, abu Samuson epete ŋirwa ŋikanikaarei tolimok aberu keŋ apolou a ŋakiro aŋuna atedokinit iŋes ŋituŋa ŋul. Abu nai aberu ŋin tolot tolimok ŋituŋa keŋ apolou a ŋakiro a ŋuna atedokinit Samuson ikes.

Ŋikat. 16:5

Toloto ŋikapolok a Ŋipilistin neni a Delila tolimokis iŋes temasi, “Tomodik ekile kon, toyenu ibore ŋini einakinit iŋes agogoŋu ŋina apolon nooi, toyenu daŋ epite ŋolo ilounere isua iŋes, ikotere ikipedori isua akien iŋes, ido kilounae iŋes. tosodi ikiinakinio isua iyoŋ ŋisilipae aliput ka amiat a ŋinituŋanan.”

Ŋikat. 16:7

Tolimok Samuson Delila tema, “Ani kakaena ikes ayoŋ a ŋaunoi a ŋakanikaarei a ŋunakitet, a ŋuna nyeokito, a ŋuna a ŋakawo a ŋikaleŋeleŋei, edaun agogoŋu kaŋ, ido ikikwaanikin ayoŋ ka ŋituŋa ŋuluce.”