Ŋikat. 16:28 - Ebaibul

²⁸ Apaki ŋin, tonyara Samuson Ekapolon tema, “Ekapolon Akuj totamunae ayoŋ, okoe Akuj kitogogoŋoi ayoŋ apaki na bon, ikotere anakiro a ŋuna apedori akitiya tokona enyaŋi Ŋipilistin aŋuna a ŋakonyen a ŋunaarei.”

Ŋikat. 16:28 Iomraidhean Croise

2 Ŋakiro a ŋirwa 20:12

Okoe Akuj kosi! Kisican ikes, anerae nyikipedori isua akitijiore ŋasigarya ŋuna alalak nooi ŋun, ŋuna eponito akitijiore isua. Nyikiyeni isua ŋuna kitiyakina, nai ikigeno isua neni kon.”

Ŋikiru. 10:12

Tonyou, okoe Ekapolon, okoe Akuj, kisican ikes; toiu ŋulu epalag.

Ŋikiru. 116:4

Abu nai ayoŋ onyara ekiro ŋolo ke Ekapolon otema, “Okoe Ekapolon, ekelipit toiunae ayoŋ!”

Ŋikiru. 143:12

Alotooma amina kon ŋina nyiryaŋiryaŋa, toar ŋimoe kaŋ; tomunya daadaŋ ŋulu akaremokino ayoŋ, anerae arae ayoŋ eketiyan kon.

Ŋikiru. 50:15

Tonyarae ayoŋ anapakio a ŋuna a ŋican; akaiuni ayoŋ iyes, ido ikitopoloorete iyes ayoŋ.”

Ŋikiru. 91:15

Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

Yer. 15:15

Abu nai ayoŋ otema, “Okoe Ekapolon, iyeni iyoŋ, totamunae ayoŋ, ido kiyokoi ayoŋ, inakinae akinyaŋar aronis a ŋulu ekesicanito ayoŋ, anapatanu kon nyimyek ikes elemarete akiyar kaŋ; toyeni atemar edaŋidaŋi ayoŋ ŋiyany aŋuna kon.

Yona 2:7

Apaki ŋina abunio ayoŋ otamak atemar atwana, abu ayoŋ okotamu iyoŋ Ekapolon; ido ibu iyoŋ kiira akilip kaŋ alo Kai kon a ŋina Asegan.

2 Tim. 4:14

Abu Alekisanda ŋolo etyekan ŋasuwa kitiya ŋaronisya ŋuna alalak neni kaŋ. Etacakini Ekapolon iŋes ŋuna eriyan ka ŋuna abu iŋes kitiya.

Ŋibur. 11:32

Kapedo ayoŋ alimun ŋuna a ŋikalalak, nai emam ayoŋ apaki ŋina limunet ŋuna a Gideon, ŋuna a Barak, ŋuna a Samsom, ŋuna a Yepesa, ŋuna a Daudi ka ŋuna a Samuel ta ŋuna a ŋikadwarak.

Akis. 6:10

Apotu ŋitai ŋul kiworout a etoil a ŋolo apolon temasi, “Ekapolon ŋolo etiron, ŋolo Asegan ka ŋolo a kire! Apaki mono ŋina etya ai iyai iyoŋ eriŋa nyebuno atubokin ŋituŋa ŋulu ka akwap, ido kisican ikes aŋuna ikiaryata isua?”

Ŋikat. 15:18

Apaki ŋin anyamit akure Samuson nooi, kilip iŋes neni ke Ekapolon tema, “Ikiinak iyoŋ ayoŋ akiloun ŋina apolon na anapedor kaŋ a eketiyan kon. Emaikina mono tokona ayoŋ okoar akure ekekamasi ŋituŋa ŋulu nyileŋeritae lu a?”

Ŋikat. 16:27

Apaki ŋin, eleleba ŋituŋa kai ŋin, ŋikilyok ka ŋaberu, ayakasi neni ŋikapolok daadaŋ ŋulu a Ŋipilistin ka ayakasi kidiama akai ŋaberu ka ŋikilyok, ŋituŋa ŋulu aapikinit ekimar kec ŋalipyo ŋauni, ŋulu eteete Samuson ebolya aŋuna ka akitalakar ŋituŋa.

Ŋikat. 16:29

Kikamu Samuson a ŋakan keŋ ŋipirin ŋuluarei ŋulu alokidiŋ akai, ŋulu arae ikes awuar akai, togwaŋakin iŋes lopirin ŋul totapite akan a ŋina aloteten epir ka a ŋina alo kedyeny epir ŋoloce.

Ŋikat. 5:31

Okoe Ekapolon, elipi tomunyaros ŋimoe kon daadaŋ lopite ŋol! Nai elipi kiyata agogoŋu a ŋituŋa a ŋulu ikiminasi iyoŋ, lopite ŋolo iyatar amwanis elomuni akoloŋ.” Abu akwap kieŋa ejie ŋikaru ŋatomoniomwon.