Ŋikat. 16:20 - Ebaibul

²⁰ Tolimu nai Delila tema, “Samuson, apotu Ŋipilistin!” Ani ekyenyuni Samuson totamak ebe, “Alosi ayoŋ etiya lopite ŋolo etiyator ŋarwa ŋunace, aiun bon.” Nai pa ayeni iŋes atemar kedau Ekapolon aesikin iŋes.

Ŋikat. 16:20 Iomraidhean Croise

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

Isa. 42:24

Ŋae epotokini ŋiletok a Yakob neni a ŋikenyasak ka ŋae epotokini ŋiletok a Isirael neni a ŋikademanarak? Pa mono arae Ekapolon ŋolo aponi iwon tosecae neni keŋ a? Ekapolon ŋolo apotu ikes toŋero akiwuap ŋakiro keŋ ka ŋolo apotu ikes nyiwuapa ŋikisila keŋ a?

Osea 7:9

ademasi ŋigelae ikes agogoŋu kec, nai nyeyenete ikes, amojoŋa ikes apusyaketa ŋakyes kec nai nyeyenete ikes.

Ekim. 14:9

Nai, nyemaikina iyes toŋero Ekapolon ka nyikera ŋituŋa a akwap a ŋin, anerae epatana iwon amunyar ikes, alemar agogoŋu aneni kec, ido ikirukit iwon ke Ekapolon nyikuryaketa aŋuna kec.”

Mat. 17:16

Abu ayoŋ oyau iŋes lokasyomak kon, nai apotu nyepedosi akitaŋaleun.”

Mat. 17:20

Toboŋok Yesu ikes tema, “Anerae edit anupit kus. Akalimokini ayoŋ iyes kire atemar, ani iyakatar iyes anupit ŋina edit ikwa icokit ŋini ikoni ŋini ke ebobore, ilimokinete tari emoru lo atemar, ‘Kiyoto a ne, tolot ama,’ iyotori; ka emam ibore ŋini ikipiyori iyes akitiyakin. [

2 Ŋikor. 3:5

Emam ibore ŋini ikiyakar isua, ŋini ikitilimuni atemar ikiyakar isua apedor ŋinakitiyaet etic lo. Apedor ŋina ikiyakar isua ebunit aneni ka Akuj.

Ŋikis. 32:30

Ikokini ituŋanan ipei ilouni ŋituŋa aliput ai? Ikokinete ŋituŋa ŋiarei ebwaŋete ŋituŋa ŋalipyo ka ŋalipyo ai? Mati ejalit ikes ekaiunan kec, mati ipotorit ikes Ekapolon kec.

Yos. 7:12

Ŋakiro ŋun ikes nyewoikiniata Ŋisirael ŋimoe kec. Emanakis ikes ŋakausinei lomoe kec, anerae aruworosi ikes ŋulu ilamitae. Nyikiruki nabo ayoŋ ka iyes mati jik kilemasi iyes aneni kus ŋiboro ŋulu aponi ikiciki iyes atemar nyilemasi.

Ŋikat. 16:14

Aŋun, abu Delila apaki ŋina ajotoo Samuson, tooiyonok iwapei ŋaeneta a ŋitim a Samuson ŋuna arae ŋakanikaarei, ido kipitak a isuwat. Tolimok nai Delila Samuson tema, “Samuson apotu Ŋipilistin!” Tokyenyu nai Samuson tolema isuwat ŋini sek epitakinitere ŋitim keŋ iwapei, tolacak ŋitim keŋ ka tolaca ausi ŋina aenitere ŋitim.

Ŋikat. 16:19

Kimyek Delila Samuson tojotoor anakejen keŋ, tosodi tonyarau ekile epei, kitobanya ŋaeneta a ŋitim a Samuson ŋunakanikaarei. Togeu Samuson apalagag, todaun agogoŋu aneni keŋ.

Ŋikat. 16:21

Aŋun, kikamut Ŋipilistin Samuson, togoronosi ŋakonyen keŋ. Yaasi iŋes Gasa, toena iŋes a ŋiriko a ŋulu etiyaunitae a eburonis, inakinae akiryerea amoru a ŋinakiryeet alojera.

Ŋikat. 16:3

Nai abu Samuson tojoto akitodol kidiŋ akuwar bon. Ani edoli kidiŋ akuwar, tonyou iŋes, kikamu ŋipukei ŋulu ke etaun ka ŋipirin ŋuluarei todita ŋipirin ka ŋikekya daadaŋ, toryoŋak loseketa keŋ, ya kidiama ekamukumukut ŋolo eyai kiŋaren Eburon.

Ŋikat. 16:9

Apaki ŋin, adukito ŋikilyok analapatu a ŋina alokidiŋ akai, tema Delila neni a Samuson, “Samuson, apotu Ŋipilistin.” Nai abu Samuson toŋed ŋaunoi, totubutuboor ŋaunoi esibit ŋausi ŋuna anom akim. Aŋun, aponi nyeyenun neni eryamunitor iŋes agogoŋu keŋ.

1 Sam. 16:14

Apaki ŋin, keris etau ke Ekapolon kelot aneni a Saul, ido abu Ekapolon kiwuak ekipye neni a Saul, kisican iŋes.

1 Sam. 18:10

Akoloŋit ŋina atupakini ŋin, abu etau ŋolo aronon aneni ka Akuj bu neni a Saul egogoŋ nooi, kisyak iŋes akirworo bon ecela alokidiŋ akai keŋ. Apaki ŋin, abolya Daudi agita, lopite ŋolopei sek abolyaa a ŋinakoloŋit, ido atiŋit Saul apaki ŋin akwara keŋ;

1 Sam. 18:12

Tokuryaniar Saul aŋuna a Daudi, anerae ayai Ekapolon kaapei ka Daudi, ido aris Ekapolon keŋer Saul.