Ŋikat. 16:10 - Ebaibul

¹⁰ Tolimok nai Delila Samuson tema, “Ikijamuwarit iyoŋ ayoŋ, aŋuna ikilimokinia ŋakiro ŋuna erae alyokonu, ekelipit tolimokinae ayoŋ epite ŋolo epedorere akien iyoŋ.”

Ŋikat. 16:10 Iomraidhean Croise

Neem. 6:4

Kiyakuut ikes ŋituŋa neni kaŋ ŋarwa ŋaomwon, ebasi neni pei, ido abu ayoŋ daŋ oboŋok ikes ŋuna pei sek.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Esek. 33:31

Eponeneete neni kon ŋituŋa kaŋ lopite ŋolopei sek eponianiata, iboiyonokin ikes kiŋaren kon topupokis ŋakiro ŋuna irworo iyoŋ, nai nyitiyaete ikes iwuapito ŋakiro ŋun. Irworosi ikes esibit einakina nooi akiwuap ŋakiro ŋun, nai ileleba arorokanut lotai kec ŋina ka aryamun ibore alopite a ŋolo nyiyookino.

Luk. 22:48

Tolimu Yesu tema, “Yuda, iluki iyoŋ Lokoku a Ituŋanan ka akinu a?”

Ŋikat. 16:11

Tolimok Samuson Delila tema, “Ani kakaena ikes ayoŋ a ŋaunoi aŋuna kitet a ŋuna nyisitiyatae, edaun agogoŋu kaŋ, ido ikikwaanikin ayoŋ ka ŋituŋa ŋuluce.”

Ŋikat. 16:13

Tolimok nai Delila Samuson tema, “Tari tokona eriŋa iyoŋ ikijamuwarit ayoŋ ka irworo neni kaŋ alyokonu, tolimokinae epite ŋolo epedorere akien iyoŋ.” Tolimok Samuson iŋes tema, “Ani kioiyonok iyoŋ iwapei ŋaeneta a ŋitim kaŋ ŋuna erae ŋakanikaarei, tosodi kipitak ikes a isuwat, edaun agogoŋu kaŋ, ido ikikwaanikin ayoŋ ka ŋituŋa ŋuluce.”

Ŋikat. 16:7

Tolimok Samuson Delila tema, “Ani kakaena ikes ayoŋ a ŋaunoi a ŋakanikaarei a ŋunakitet, a ŋuna nyeokito, a ŋuna a ŋakawo a ŋikaleŋeleŋei, edaun agogoŋu kaŋ, ido ikikwaanikin ayoŋ ka ŋituŋa ŋuluce.”

Ŋikat. 16:9

Apaki ŋin, adukito ŋikilyok analapatu a ŋina alokidiŋ akai, tema Delila neni a Samuson, “Samuson, apotu Ŋipilistin.” Nai abu Samuson toŋed ŋaunoi, totubutuboor ŋaunoi esibit ŋausi ŋuna anom akim. Aŋun, aponi nyeyenun neni eryamunitor iŋes agogoŋu keŋ.