Ŋikat. 15:6 - Ebaibul

⁶ Kiŋitanarosi nai Ŋipilistin ebasi, “Ŋae kitiyae ŋakiro nu?” temasi ikes, “Samuson, lokamuran a Etimanait, anerae kebu lokamuran a Samuson kipoto aberu a Samuson, inak neni alokone a Samuson.” Aŋun, apotu Ŋipilistin toloto lore a lokamuran a Samuson, kicunyakis aberu a Samuson ka lokamuran a Samuson.

Ŋikat. 15:6 Iomraidhean Croise

Ŋakit. 22:8

Ani kitiyae ituŋanan ŋakiro ŋuna nyiyookino, elomunete ŋican anakiro a ŋun, ido itasalunete ŋatyokisyo ŋun ŋakiro ŋuna isicanitor ituŋanan ŋin ŋuluce.

1 Ŋites. 4:6

Anakiro a ŋun nai, nyitemokino idiotuŋanan itiyae ŋuna aronok neni a lokaato keŋ alotooma Ekapolon, kori amodikin iŋes a ediopite. Adaun isua alimokin iyes ŋun ka agogoŋu eriŋa apaki, ikiteyenikin daŋ atemar ebuni Ekapolon akisican ŋulu itiyaete ŋun.

Ŋikat. 12:1

Apotu ŋituŋa a Epuraim kitemokinos aŋuna ke ejie, todokasi Sapon ekekwaye Yorodan, kiŋita Yepesa temasi, “Kaanukiro ibunio iyoŋ todoka ekekwaye akitijiore Ŋiamoni, ido nyikinyar isua daŋ alosit kaapei ka iyoŋ? Icunyakinio isua akai kon iyai iyoŋ tooma!”

Ŋikat. 14:15

Ani epete ŋirwa ŋiomwon, toloto ŋikilyok ŋul neni ka aberu a Samuson tolimokis iŋes temasi, “Tomodik ekile kon ikilimok isua apolou a ŋakiro a ŋuna ikitedokinit iŋes isua, pa kitiya iyoŋ ŋun ikicunyario isua iyoŋ kaapei ka ŋituŋa a ekal a papa kon daadaŋ. Ikinyaraunit iyoŋ isua nege akitukulyakan a?”

Ŋikat. 15:5

Kedau Samuson akinokakin akim nagilae, tomek ŋikweei lomanikorin a Ŋipilistin. Tonomiya akim ŋikinyom ŋulu awuasi, tonomiya ŋakasirim ka ŋikinyom kaapei ka ŋimanikorin a ŋikito a epiini ka ŋulu a ŋikito ka Olipa.

Ŋikat. 15:7

Tolimok Samuson ikes tema, “Ani kerae ŋakiro ŋuna itiyaete iyes ŋun, ekoŋi ayoŋ atemar nyeeŋuni tari ŋina enyaŋarya ŋakiro kus.”