Ŋikat. 15:15 - Ebaibul

¹⁵ Anenipei, kiŋolik iŋes akoit ŋina a eŋitinyo ŋina a esigirya ŋina ariŋa epapal, tokukokin Samuson, tolemu akoit ŋin, kisitiya Samuson akoit ŋin toarya ŋikilyok aliput.

Ŋikat. 15:15 Iomraidhean Croise

2 Sam. 23:8

Ŋirorwa a ŋikajiok a Daudi a ŋulu arwok ikes lu: Yosebibasebes ŋolo abunit alo Takemon. Arae iŋes apol alokidiŋ ŋikapolok ŋuluce ŋiuni. Abu iŋes akoloŋit apei toar ka akwara keŋ ŋimoe ŋamiae ŋakanikauni.

Ŋilep. 26:7

Iwuapete iyes ŋimoe kus, tomunyasi alokiŋaren kus.

Ŋilep. 26:8

Irisete ŋikan bon alokidiŋ kus ŋimoe amiat, ido irisete amiat alokidiŋ kus ŋimoe ŋalipyo ŋatomon, ido imunyarete iyes ikes alokiŋaren kus.

Ŋibur. 11:34

Kituduŋeto ikes ŋakimya ŋuna ariraete nooi, tobucunos anatumyo. Apalag ikes, nai apotu togogoŋioto; ajioko ikes nooi akilo, tobwaŋa ŋajorei a ŋakwapin a ŋunace.

Yos. 23:10

Abu epei alokidiŋ kus kirit ŋimoe aliput, anerae abu Ekapolon ŋolo erae Akuj kus toji aŋuna kus lopite ŋolo eikinitor.

Ŋikat. 15:16

Tolimu nai Samuson tema, “A akoit a eŋitinyo a esigirya aar ayoŋ ikes atukonokin a ŋatukon. A akoit a eŋitinyo a esigirya aar ayoŋ ŋikilyok aliput.”

Ŋikat. 15:17

Kedau Samuson erwor, tocaka akoit a eŋitinyo a esigirya. Aponi tolimokinae akibois ŋin Ramas-Lei.

Ŋikat. 3:31

Ekaku a Eud abu Samegar lokoku ka Anas toruwor ekarikon a Ŋisirael, abu iŋes toar Ŋipilistin ŋamiae ŋakanikapei a ebela a ŋolo emetere ŋicugae. Abu Samegar daŋ tolaku Ŋisirael.

Ŋikat. 4:21

Nai abu Yael aberu a Eber tolemu asesit ŋina ke eema ka enyodo, toniemar ekililiŋat neni ayai Sisera ŋolo ajotoe nooi apaki ŋin aŋuna adounitor, kibubuk Yael asesit namateŋen a Sisera kiropo lowae ŋoloce todol tari nalup, totwan Sisera.

Ŋikat. 7:16

Totyak nai Gideon ŋirukitos keŋ ŋulu arae ŋamiae ŋauni toruworos ŋajorei ŋauni, tokorak ikes daadaŋ ŋamomwar a ŋimesekin ka ŋitwol ŋulu amam ibore ayai ka ŋagilae ŋuna ewuakinitae lotwol.

1 Sam. 14:14

alokiryam kec a ŋolo ke ekiŋaren a ŋol, apotu Yonasan ka ŋolo ariyoŋit ŋiboro keŋ ŋulu ke ejie toarakis ŋikilyok ŋatomoniarei nakibois ŋina arae atutubet ŋina ke eeka.

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”