Ŋikat. 15:14 - Ebaibul

¹⁴ Ani edoluni Samuson Lei, potu Ŋipilistin akisiryam iŋes ecelasi, atipei toloma etau ŋolo ke Ekapolon neni a Samuson, tosubut ŋaunoi ŋuna aenitere ŋakan keŋ ausi ŋina anom akim, totubutuboor ŋaunoi anakan keŋ.

Ŋikat. 15:14 Iomraidhean Croise

Yob 20:5

atemar erae alakara a ŋulu aronok ŋina euruwuana ka atemar erae alelyanu a ŋulu nyekerito Akuj adio cici a?

Ŋikiru. 118:11

Apotu ekerikaut ayoŋ alowaetin a daadaŋ, nai abu ayoŋ alokiro ke Ekapolon omunya ikes.

Ŋikiru. 18:34

Abu iŋes eketatam ayoŋ epite ŋolojiet, ikotere ayoŋ apedori akiketakin akau a ŋikaleŋeleŋe ŋina agogoŋon.

Awos. 14:3

Einakini nen Parao atamakin ebe, ‘Irimirimete Ŋisirael akwap pa eyenete neni lotot; eretak ikes aloŋisat.’

Awos. 14:5

Ani elimokinio erwosit a Ijipit atemar kesiwa Ŋisirael, kibelekis iŋes ka ŋulu epukatotor ŋatameta kec, temasi iŋitasi, “Nyo etiyae iwon, ŋini ikisimyek iwon Ŋisirael torotokis anakitiyanakin iwon?”

Mika 7:8

Okoe iyes ŋimoe kaŋ, nyilelyana aŋuna ka akiloun ayoŋ; ani apapanuni ayoŋ, aryamuni nabo agogoŋu, ani amini ayoŋ nakiryonut, Ekapolon eruwor akica kaŋ.

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Ŋipil. 4:3

Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

Ŋikat. 14:19

Toloma atipei etau ŋolo ke Ekapolon neni a Samuson, totiyaar iŋes Asikelon. Toar alotaun a ŋol ŋikilyok ŋatomoniuni, toŋata ŋiboro kec, inak ŋilowi ŋulu a ŋasuban neni a ŋikilyok a ŋulu atedorete ŋakiro keŋ. Toboŋo lore a papa keŋ eŋoit nooi.

Ŋikat. 14:6

Atipei toloma etau ŋolo ke Ekapolon neni a Samuson, tonyilinyiliya Samuson iŋatuny ŋin a ŋakan bon, lopite ŋolo enyilinyiliya ituŋanan ikale koŋin. Nai nyelimokina iŋes papa keŋ, kori toto keŋ ŋuna abu iŋes kitiya.

Ŋikat. 15:13

Temasi ikes, “Mam! Erae akien bon ikienio isua iyoŋ, ido ikipotokin neni a Ŋipilistin, nyikiari isua iyoŋ.” Aŋun, apotu ikes toena Samuson a ŋaunoi a ŋaarei a ŋunakitet kitipeunioto iŋes nataaba.

Ŋikat. 15:9

Apotu nai ŋajorei a Ŋipilistin kitipeiyosi kiboiyosi nakwap a Yudaya, toremo Lei.

Ŋikat. 16:12

Aŋun, abu Delila tolemu ŋaunoi ŋunakitet, kisitiya ikes aenia Samuson tosodi kiworou tema, “Samuson, apotu Ŋipilistin!” (Ayakasi ŋikilyok ŋulu adapito Samuson nalapatu ŋina alokidiŋ akai.) Nai toŋedeŋedaya Samuson anakan keŋ ŋaunoi esibit erae ŋausi koŋin.

Ŋikat. 16:24

Ani iŋolikinete Ŋipilistin Samuson, kipuro akuj kec, anerae abasi ikes, “Ikipotok akuj yok iwon emoit yok, ekenyasan a akwap yok, ŋolo abu toar ŋituŋa yok ŋulu alalak.”

Ŋikat. 16:9

Apaki ŋin, adukito ŋikilyok analapatu a ŋina alokidiŋ akai, tema Delila neni a Samuson, “Samuson, apotu Ŋipilistin.” Nai abu Samuson toŋed ŋaunoi, totubutuboor ŋaunoi esibit ŋausi ŋuna anom akim. Aŋun, aponi nyeyenun neni eryamunitor iŋes agogoŋu keŋ.

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

Ŋikat. 5:30

‘Eriŋa tokona ikes eŋatanarete ŋiboro ka eriŋa ekorete ŋiboro ŋulu aŋatunete; ekoranakinosi tokona ikes ŋapesur apei, kori ŋaarei aŋuna aŋolosigarit, eŋasete tokona aŋuna a Sisera ŋilowi ŋulu isibusitae, ŋinapito ŋulu isibusitae ka edonyokinitoe ŋausyo ŋuna ebusak, eŋasete tokona ikes ŋinapito ŋiarei ŋulu anapi ayoŋ ŋulu isibusitae ka edonyokinitoe ŋausyo ŋuna ibusak.’

1 Sam. 10:10

Ani erotokinete Saul ke eketiyan keŋ a nen elosete lomukura Gibea, kiryamunos iŋes ka atukot a ŋikadwarak, toloma etau ka Akuj neni a Saul, kisyak akidwar kaapei ka ŋikadwarak ŋul.

1 Sam. 10:6

Elomari nai etau ke Ekapolon neni kon, ido kisyak iyoŋ akidwar kaapei ka ikes, igelaniar iyoŋ alopite a ŋolo sek iyakar.

1 Sam. 11:6

Min etau ŋolo ka Akuj neni a Saul inak, apedor apaki ŋina eirarya ŋakiro ŋun, tonepu aŋoit aneni keŋ nooi.

1 Sam. 17:35

ewuapanakini ayoŋ etyaŋ ŋol oar, oiu amesek ŋin nyenyam iŋes. Ani keboŋ etyaŋ ŋol akitijiore ayoŋ, apedori ayoŋ akijak iŋes eketa ŋiŋitiny, ebusok kwap, ido oar.

1 Sam. 4:5

Ani edolunere Asaduku ŋina ka Acamunet a Ekapolon neni eboiyoto Ŋisirael, tocelut Ŋisirael daadaŋ nooi, kituruturokin akwap.