Ŋikat. 14:6 - Ebaibul

⁶ Atipei toloma etau ŋolo ke Ekapolon neni a Samuson, tonyilinyiliya Samuson iŋatuny ŋin a ŋakan bon, lopite ŋolo enyilinyiliya ituŋanan ikale koŋin. Nai nyelimokina iŋes papa keŋ, kori toto keŋ ŋuna abu iŋes kitiya.

Ŋikat. 14:6 Iomraidhean Croise

Ŋikiru. 91:13

Ipudaari iyoŋ ŋiŋatunyo, ŋimuno ka ŋapomya, ipudaari iyoŋ ŋiŋatunyo ŋulu adedeŋak ka ŋimuno ŋulu eyakatar akisorit.

Isa. 42:2

Mam ŋiworouni iŋes, kori nyeceluni, kori nyiiraryo iŋes ecela alorotin a ŋulu ke etaun,

Sakar 4:6

Aŋun, abu iŋes tema neni kaŋ, “Erae ŋin akirot ke Ekapolon neni a Serubabel. Ebala Ekapolon ŋolo Etiron, nyilouni iŋes alotooma agogoŋu, kori apedor, nai alotooma Etau kaŋ.

Mat. 11:29

Tolemasi ayokot kaŋ tonapa ka kisisyata aneni kaŋ; anerae apatana ka eyapara ayoŋ alotau, ido iryamunete akieŋun ŋina a ŋitai kus.

Ŋibur. 11:33

Anupit iŋes etijiyoto ikes ŋakwapin ŋuna gelae kilout. Apotu ikes towua aŋuna ka akiyookino, ido toryamut ŋuna eikinit Akuj. Apotu ikes kitubutasi ŋiŋatunyo ŋakituka.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Ŋikat. 11:29

Abu nai etau ŋolo ke Ekapolon min neni a Yepesa, tolot iŋes kitor kidiŋ akwap a Gilead ka Manase. Tolot kiŋaren tari Misipa lotaun ŋolo alo Gilead, tolot nabo kiŋaren todol nakwap a Ŋiamoni.

Ŋikat. 13:25

Togeu etau ŋolo ke Ekapolon akitogogoŋ iŋes apaki ŋina ayakar iŋes Manedan kidiŋ Sora ka Esitaol.

Ŋikat. 14:19

Toloma atipei etau ŋolo ke Ekapolon neni a Samuson, totiyaar iŋes Asikelon. Toar alotaun a ŋol ŋikilyok ŋatomoniuni, toŋata ŋiboro kec, inak ŋilowi ŋulu a ŋasuban neni a ŋikilyok a ŋulu atedorete ŋakiro keŋ. Toboŋo lore a papa keŋ eŋoit nooi.

Ŋikat. 14:5

Aŋun, apotu Samuson toloto Timina kaapei ka papa keŋ ta toto keŋ. Ani edolete ikes lomanikorin ŋulu a ŋikito a epiini ŋulu alo Timina, kirurumak itaok a eŋatuny neni keŋ.

Ŋikat. 14:7

Tolot nai Samuson kiyana ka aberu ŋina arae Apilistait, ŋina sek eŋolikinit iŋes alo Timina, tonira Samuson aberu ŋin.

Ŋikat. 15:15

Anenipei, kiŋolik iŋes akoit ŋina a eŋitinyo ŋina a esigirya ŋina ariŋa epapal, tokukokin Samuson, tolemu akoit ŋin, kisitiya Samuson akoit ŋin toarya ŋikilyok aliput.

Ŋikat. 15:8

Abu Samuson kitijik Ŋipilistin eryenyaana nooi, toar ikes ŋulu alalak, tosodi totiyaar akiboi kidiŋ ŋatabab ŋuna aya Etam.

Ŋikat. 16:30

Tolimu Samuson tema, “Kimyekisi otwaka ayoŋ ka Ŋipilistin.” Kiketakin Samuson ka agogoŋu keŋ a daadaŋ toritakin akai, totik ŋikapolok a Ŋipilistin ka ŋituŋa daadaŋ ŋulu aya tooma akai ŋin. Aŋun, ŋituŋa ŋulu abu Samuson toar akoloŋit ŋina atwania iŋes alalak akilo ŋituŋa ŋulu abu iŋes toar apaki ŋina ayarya.

Ŋikat. 3:10

Abu etau ŋolo ke Ekapolon min neni ka Osiniel, toruwor iŋes ekatubon ŋakiro alo Isirael, abu tolot lojie, ido abu Ekapolon kipotok erwosit Kusan-Risasaim ŋolo ka Aram napedor ka Osiniel, abu iŋes kilou Kusan-Risasaim.

1 Sam. 10:16

Tema Saul neni a mamae keŋ, “Abu Samuel itolimok isua atemar adaun aryamun ŋisigirya.” Nai ŋakiro ŋuna ka aruwor erwosit ŋuna abu Samuel kirwor, abu Saul nyelimok mamae keŋ ŋadi daŋ.

1 Sam. 10:6

Elomari nai etau ke Ekapolon neni kon, ido kisyak iyoŋ akidwar kaapei ka ikes, igelaniar iyoŋ alopite a ŋolo sek iyakar.

1 Sam. 11:6

Min etau ŋolo ka Akuj neni a Saul inak, apedor apaki ŋina eirarya ŋakiro ŋun, tonepu aŋoit aneni keŋ nooi.

1 Sam. 14:1

Apei koloŋit, tema Yonasan lokoku a Saul neni a ekile a ŋolo aryoŋit ŋiboro keŋ ŋulu ke ejie ebe, “Bua, apena najore a Ŋipilistin ya ŋina eyai yaye akadipaalat.” Nai abu Yonasan nyelimok papa keŋ ŋakiro ŋun.

1 Sam. 17:46

Ikipotokini iyoŋ Ekapolon nakoloŋit na napedor kaŋ, ido akaari ayoŋ iyoŋ ekemasak kwap, otubo akou kon. Aarakini ayoŋ ŋataruk ka ŋityaŋ a akwap ŋajorei a Ŋipilistin nakoloŋit na, ikotere nai akwap daadaŋ eyenuni atemar eyai Akuj Isirael.