Ŋikat. 14:3 - Ebaibul

³ Nai tolimokis papa keŋ ka toto keŋ Samuson temasi, “Emam mono aberu eyai nateker kus, kori alotuŋa yok a daadaŋ ilosyo iyoŋ aryamun aberu alo Pilistia, alotuŋa a ŋulu nyileŋeritae a?” Nai tolimok Samuson papa keŋ tema, “Kiitakinae ayoŋ iŋes, anerae akaminarit iŋes ayoŋ.”

Ŋikat. 14:3 Iomraidhean Croise

Akisy. 13:8

Tolimok Aburam Lot tema, “Nyemaikina ebura edio min kidiŋ kaŋ ka iyoŋ, kori kidiŋ ŋikeyokok kaŋ ka ŋikeyokok kon, anerae ikirae iwon ŋikilyok ka ikirae ŋikaitotoi.

Akisy. 21:27

Tolemu Aburaam ŋamesekin ka ŋimoŋin inak Abimelek, tocamunos nai ikes ŋiarei make.

Akisy. 34:14

Tolimokis ikes temasi, “Nyikipedori isua akitiya ŋun; nyeinio isua ekile ŋolo nyileŋeritae nakaato kosi, anerae eruwor ŋun ŋuna a ŋileec aneni kosi.

2 Sam. 1:20

Nyemaikina ŋakiro nu tolimoroe alo Gas, kori kiserae alorotin a ŋulu ka Asikelon; anerae epedorete ŋidwe a Ŋipilistin ŋulupesur alelyan, epedorete ŋidwe a ŋul a ŋulu nyileŋeritae alakar.

Yos. 23:12

Ani kiŋero iyes Ekapolon toruko ka ŋipiya ŋulu a ŋituŋa a ŋakwapin, ŋipiya ŋulu idoŋito nakiboisyo ŋuna iboiyoto iyes ka ani kiitakinosi iyes ka ikes,

Ŋikat. 14:2

Ani eboŋori iŋes lore kec, tolimok papa keŋ ka toto keŋ tema, “Eŋolikinit ayoŋ aberu ŋina Pilistait alo Timina, kiitakinae ayoŋ iŋes toruwor aberu kaŋ.”

Ŋikat. 15:18

Apaki ŋin anyamit akure Samuson nooi, kilip iŋes neni ke Ekapolon tema, “Ikiinak iyoŋ ayoŋ akiloun ŋina apolon na anapedor kaŋ a eketiyan kon. Emaikina mono tokona ayoŋ okoar akure ekekamasi ŋituŋa ŋulu nyileŋeritae lu a?”

1 Sam. 14:6

Tema Yonasan neni a ekile a ŋolo aryoŋit ŋiboro keŋ ŋulu ke ejie, “Bua, apena najore a ŋul a ŋulu nyileŋeritae; acepaki epedori Ekapolon ajiore aŋuna yok, anerae mam ŋuna iretakinete Ekapolon anaiun ŋituŋa kelalak, kori kekudyoko.”

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”

1 Sam. 17:36

Adau ayoŋ eketiyan kon akiar ŋiŋatunyo ka ŋityaŋ ŋice ŋulu adedeŋak; esikwaanikini ayoŋ Epilistait ŋol ŋolo nyileŋeritae ka epei a ŋityaŋ a ŋul, anerae adau iŋes ajamuwar ŋajorei a Akuj a ŋina eyari.”

1 Sam. 31:4

Tema nai Saul neni a ekile a ŋolo aryoŋit ŋiboro keŋ ŋulu ke ejie, “Tolemu ekileŋ kon ikicumya ayoŋ, ikotere nyepotu ŋituŋa ŋul ŋulu nyileŋeritae akicum ayoŋ, ido okokyanatar.” Nai abu ŋolo aryoŋit ŋiboro a Saul ŋulu ke ejie nyecamu akicum Saul, anerae eilit iŋes. Aŋun, abu Saul tolemu ekileŋ keŋ a elope toramakin lokileŋ kicumakin bon.