Ŋikat. 14:16 - Ebaibul

¹⁶ Aŋun abu aberu a Samuson kigworok Samuson tema, “Ikiremokino iyoŋ ayoŋ, nyikimina iyoŋ ayoŋ kire. Itedok iyoŋ ŋituŋa kaŋ ŋakiro, nai nyelimokina iyoŋ ayoŋ apolou kec.” Tolimok Samuson aberu keŋ tema, “Kiira, nyelimokina ayoŋ papa kaŋ, kori toto kaŋ. Kaanukiro emaikina ayoŋ okolimok iyoŋ?”

Ŋikat. 14:16 Iomraidhean Croise

Akisy. 2:24

Aŋakiro aŋun, eesikini ekile papa keŋ ka toto keŋ, tosodi kimorikinos ka aberu keŋ; toruworos ikes apeikuwan.

Ŋikat. 14:17

Kigwor aberu a Samuson alokiŋaren keŋ ŋirwa ŋikanikaarei daadaŋ ŋulu a ŋasuban; nai a ŋuna ecania aberu ŋin Samuson, abu Samuson epete ŋirwa ŋikanikaarei tolimok aberu keŋ apolou a ŋakiro aŋuna atedokinit iŋes ŋituŋa ŋul. Abu nai aberu ŋin tolot tolimok ŋituŋa keŋ apolou a ŋakiro a ŋuna atedokinit Samuson ikes.

Ŋikat. 16:15

Tema nai Delila neni a Samuson, “Kaanukiro ibaakar iyoŋ ayoŋ ebe, ‘Akamina ayoŋ iyoŋ’ tomam bo etau kon aneni kaŋ? Ikijamuwa iyoŋ ayoŋ, adol tokona ŋarwa ŋauni ka nyelimokina iyoŋ ayoŋ ibore ŋini ikiinit iyoŋ agogoŋu kon ŋina apolon.”

Ŋikat. 16:16

Torubak Delila iŋita Samuson ŋakiro ŋun a ŋinakoloŋit, kisya Delila iŋes, kituup nooi kiitan tari atwanare.