Ŋikat. 13:5 - Ebaibul

⁵ anerae ipotiuni iyoŋ ka idouni ikoku ŋinisapat. Emam ebanyet emaikina totap akou keŋ, anerae eruwor Enasarait, edya ŋolo italeoritae aŋuna ka akitiyanakin Akuj ameun anakidouno keŋ. Iŋes ebuni ageikin alakun Ŋisirael anapedor a Ŋipilistin.”

Ŋikat. 13:5 Iomraidhean Croise

2 Sam. 8:1

Ekaku ka apaki a ŋina auruwuana, kitijik Daudi Ŋipilistin kilou ikes, todemu Ŋipilistin akwap ŋina anyaritae Meseg-Ama.

1 Ŋakiro a ŋirwa 18:1

Ekaku ka apaki a ŋina auruwuana, kitijik Daudi Ŋipilistin kilou ikes, todemu Ŋipilistin etaun ŋolo enyaritae Gas ka ŋirerya ŋulu edunyatar.

Amos 2:11

Abu daŋ ayoŋ oseu ŋidwe kus ŋice eturuwo ŋikadwarak, eturuwo ŋisorok kus ŋice Ŋinasari Okoe ŋituŋa a Isirael, nyeriyan mono ŋakiro ŋun a?’ ”

Ekim. 6:5

“‘Ŋirwa daadaŋ ŋulu eraakatar ikes Ŋinasari ŋulu ikoŋito aŋuna ka akitiyanakin Ekapolon, nyemaikina ikes totubo ŋitim kec, emaikina ikes kipinya ŋitim kec kimyekis tooyata akitodol apaki ŋina edaunotor ŋirwa ŋulu ikoŋitotor ikes araakau Ŋinasari, emaikina ikes erae ŋulu esegak.

Luk. 1:15

anerae erwoniar iŋes alokiŋaren Ekapolon. Nyitemokino iŋes tomat epiini kori idiobore ŋini ikitemerakini, ilelebun iŋes Etau ŋolo Asegan, tari eriŋa eyai nakook a toto keŋ.

Ŋikat. 16:17

Aŋun, abu Samuson tolimok Delila neni eryamunitor iŋes agogoŋu keŋ, tolimok tema, “Nyetapa ebanyet akou kaŋ ŋinapei koloŋ, anerae arae ayoŋ Enasarait ŋolo eketaleoritae ŋinapei eriŋa ayai nakook a toto kaŋ aŋuna ka akitiyanakin Akuj. Ani kebanyi akou kaŋ, edaun agogoŋu kaŋ, apalagagiar ayoŋ, ikikwaanikin ka ŋituŋa ŋuluce.”

1 Sam. 1:11

Tolimu akikoŋet na ebe, “Okoe Ekapolon ŋolo Etiron, kerae ca kiŋolikini akitiditeuna kaŋ a aketiyan kon, ido itotamu iyoŋ ayoŋ, nyikimuryak ayoŋ aketiyan kon, nai ikiinak ayoŋ ŋina arae aketiyan kon ikoku ŋinisapat, ayauni ayoŋ iŋes kiŋaren kon erae ŋini italeunitoe, ŋini nyebanyio akitodol natwanare keŋ. Nyemasi iŋes epiini, kori ibore daadaŋ ŋini ikitemerakini, mam ituŋanan emaikina totapak ebanyet nakou keŋ.”

1 Sam. 7:13

Aŋun, apotu ikes toreut Ŋipilistin, ido apotu Ŋipilistin nyeboŋut nabo jik nakwap a Ŋisirael; atiŋit Ekapolon Ŋipilistin erono nooi ŋirwa daadaŋ ŋulu apolokinitor Samuel Ŋisirael.