Ŋikat. 13:20 - Ebaibul

²⁰ Ani ikyaar arira ŋina ka akim kidiama anamuroet, kikyaar emalaika ŋolo ke Ekapolon kaapei ka arira ŋina anamuroet kiteete Manoa ka naberu keŋ; toryediko nai ikes kijuuroto todolo ŋireetin kwap.

Ŋikat. 13:20 Iomraidhean Croise

Akisy. 17:3

Toryedik Aburam, kijuuru todol ereet kwap, tosodi Akuj tema,

2 Ŋirw. 2:11

Apaki ŋin, ŋina erworotor ikes tolosete, apotu ŋagaari ka ŋaŋolei ŋuna anepete ikwa arira totyaka ikes, ya ekuwuam ŋolo epiripiri idirisiriyarit kidiama Eliya nakuj.

1 Ŋakiro a ŋirwa 21:16

Kiŋoliya Daudi kidiama, kiŋolik emalaika ke Ekapolon ewoi alokidiŋ nakuj ka akwap, etiŋit ekileŋ ŋolo alemunitae anakuraro aarya ŋituŋa a Yerusalem. Apotu nai Daudi ka ŋikasikou tonapa ŋilowi ŋulukigworyet, toramakinos kwap, kijuuroto.

1 Ŋakiro a ŋirwa 21:21

Bu Daudi neni ayai Orenan, ani iŋolikini Orenan Daudi, toesik alos, tolot kijuuru alokiŋaren Daudi todol ereet keŋ kwap.

1 Ŋakiro a ŋirwa 21:26

Abu Daudi todukok Namuroet a Ekapolon nen, ido inak Ekapolon ŋainakineta ŋuna epeyo ka ŋuna ke ekisil. Kilip Daudi neni ke Ekapolon, ido abu Ekapolon toboŋok ŋakilipasinei keŋ, kiyaku akim anakuj, min Namuroet ŋina a ŋainakineta a ŋuna epeyo.

Ŋikiru. 47:5

Adakar Asaduku ŋina ka Acamunet kidiama emukura Kai ka Akuj, adakar Asaduku ŋin ecelasi ŋituŋa ka ekusete ŋabureryaŋae a ŋimeesekin.

Esek. 1:26

Yaye ariwo ŋina ayai kidiama ŋakyes kec, ayai ibore ŋini ekwaan ka ekicoloŋ ŋolo ka apolou, atakani itiyaunitae a amoru a ŋinapus a ŋina enyaritae Sapire. Eboi alokicoloŋ a ŋol etorube ŋolo ekwaan ka ŋolo a ituŋanan.

Esek. 1:28

Ekoni akica ŋin ileere neni ileereo alokakinet apaki ŋina eyakar akiru tocai akoloŋ. Ayai etorube ŋol kidiŋ akica ŋin. Arae ŋol etakane ŋolo ka apolou a ŋina ke Ekapolon. Ani eŋolikini ayoŋ akica ŋin, abu omin kwap, oper obuburiyar, eiira etoil a ice irworo neni kaŋ.

Dan. 10:9

Abu nai eira etoil, ani eirari ayoŋ ŋakiro ŋuna erworo ekile ŋol, apotu ŋajo ekekamut ayoŋ ojotoor nooi, oper ayoŋ alokwap abuburiyara.

Ŋilep. 9:24

Bu akim aneni ke Ekapolon, tonyamuwa ainakinet ŋina epeyo ka asepwae alokidiama namuroet; ani iŋolikinete ŋituŋa daadaŋ ŋun, tocelut elelyanete, ido toryediko kijuuroto.

Mat. 17:6

Ani iirarete ŋikasyomak ŋakiro ŋun, toramakinos kwap kijuuroto ebulit.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋikat. 6:19

Aŋun, abu Gideon tolot kai keŋ toar ikale kipou, kipou ŋamugati daŋ ŋuna amam ŋakinyalet kipou a ŋakirya a ŋuna arae ŋakiloi ŋatomon, kiwuak akiriŋ a ikale lobukit ka kiwuak ŋapoko namot, tosodi ya neni a emalaika a Ekapolon a ŋolo edarit iŋes alokwap ekuyon, inak Gideon iŋes ŋainakineta keŋ.

Ŋikat. 6:21

Tolemu nai emalaika ŋolo ke Ekapolon ebela keŋ ŋolo sek atiŋit iŋes, totapak ebela ŋol nakiriŋ ka namugati ŋuna amam ŋakinyalet, tonoku akim anataaba, tonomiya akiriŋ ka ŋamugati ŋuna amam ŋakinyalet, tosodi abu emalaika ŋolo ke Ekapolon toŋopiya alokiŋaren keŋ.