Ŋikat. 12:4 - Ebaibul

⁴ Abu nai Yepesa tocunak ŋikilyok daadaŋ ŋulu alo Gilead, kitijikis ŋituŋa a Epuraim kilout ŋituŋa a Gilead ŋituŋa a Epuraim, anerae abasi ŋituŋa a Epuraim elimokinete ŋituŋa a Gilead ebe, “Iyes ŋituŋa a Gilead, iraakasi iyes ŋulu ipotu toema alo Epuraim ka alo Manase.”

Ŋikat. 12:4 Iomraidhean Croise

1 Ŋirw. 17:1

Tema Eliya Etisibait ŋolo alo Gilead neni ka Aab, “Ikwaŋinapei eyarya Ekapolon Akuj a Ŋisirael, ŋina arae ayoŋ eketiyan keŋ, emamukaun ŋakopi, kori akiru ŋikaru ŋulu eponito, mati kalimu ayoŋ.”

Neem. 4:4

Kiira, okoe Akuj kosi, anerae ikijamuwar isua, kimyek ajamuwanar kec toboŋok ikes pei, kimyek ikes toŋatarae torikoroe nakwap ŋina erikoryo.

Ŋikiru. 78:9

Apotu ŋikilyok ŋulu ke Epuraim ŋulu ayakatar ŋikaleŋeleŋe tobwaŋas akoloŋit ŋina ke ejie.

Ŋakit. 12:13

Isupanarete ŋakiro ŋuna aronok ŋituŋa ŋulu aronok, nai eiunun alocan ŋituŋa ŋulu iyookino.

Ŋakit. 15:1

Isililiŋiyari aboŋokinet ŋina iapunitae anyunyura, nai isiwuaŋi akikirikira akirworikin anyunyura.

Ŋikat. 11:10

Toboŋokis nai ŋikasikou ŋulu alo Gilead Yepesa temasi, “Eruwor Ekapolon esuuda yok kire jik, ikitiyae isua ikwapei ilimunio iyoŋ.”

Ŋikat. 12:3

Ani aanyuni ayoŋ atemar nyicamito iyes alakun ayoŋ, abu ojal akiyar kaŋ, odoka ekekwaye akitijiore Ŋiamoni, ido abu Ekapolon kipotok ikes napedor kaŋ. Kaanukiro nai iponitotor iyes neni kaŋ nakoloŋit na akitijiore ayoŋ?”

Ŋikat. 12:5

Apotu nai ŋituŋa a Gilead kikamasi ŋidoketa daadaŋ a Yorodan ŋulu edokanarere Epuraim. Ani keem ituŋanan alo Epuraim, ido tema, “Kimyekinae kareca ayoŋ odoka ekekwaye aŋolol,” iŋisete ŋituŋa a Gilead iŋes temasi, “Irae iyoŋ ŋolo alo Epuraim a?” Keboŋoki iŋes tema, “Mam”

1 Sam. 25:10

Nai toboŋok Nabal ŋiketiyak a Daudi tema, “Ŋae erae Daudi? Ŋae erae lokoku a Yese? Elalak ŋirwa lu ŋiketiyak ŋulu arotonokis aneni a ŋikapolok kec.