Ŋikat. 11:24 - Ebaibul

²⁴ Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?

Ŋikat. 11:24 Iomraidhean Croise

1 Ŋirw. 11:7

Abu nai Solomon todukok akai a Cemes akuj a Ŋimoabi ka todukok akai a Milikom a akuj a Ŋiamoni kidiama emukura ŋolo eyai Kide Yerusalem.

Ŋikiru. 44:2

Kibu iyoŋ anapedor kon kirita ŋituŋa a ŋakwapin, ido kiwuak atapapaa kosi nakwapin kec; kibu iyoŋ kisican ŋituŋa a ŋakwapin, ido kitobar atapapaa kosi.

Ŋikiru. 78:55

Abu Akuj kirita ŋituŋa ŋulu ka akwap a ŋin alokiŋaren ŋituŋa keŋ, ido tokorak akwap kec neni a ŋikabilae a Ŋisirael toruwor ŋina kec; kisiboik ŋikabilae a Ŋisirael lorerya a ŋituŋa a ŋul.

Yer. 48:13

Irumete nai ŋituŋa a Moab ŋileec aŋuna a akuj kec Kemos lopite ŋolo erumyata ŋituŋa a Isirael ŋileec aŋuna a akuj Besel a ŋina ekinyomito ikes.

Yer. 48:46

Ekaŋ iyes, okoe iyes ŋituŋa a Moab! Amunyar ŋituŋa a akuj Kemos anerae ekamar ŋidwe kus ŋulusapa ka arikor ŋidwe kus ŋulupesur.

Yer. 48:7

“Kire jik, aŋuna iponiata iyes kikinyoma ŋaduketa kus ŋunajiet ka abaru kus, iyes daŋ ikikamaryo. Eyaaryo akuj kus Kemos nakwap ace kaapei ka ŋisacaradotin keŋ ka ŋiketiyak keŋ.

Mika 4:5

Elosete ŋakwapin daadaŋ iwuapit ŋinakwap akuj keŋ ka ilipi ŋinakwap neni ka akuj keŋ, nai iwon ikiwuapi ŋuna a Ekapolon ka ikilipi neni a Ekapolon Akuj yok ŋikaru ka ŋikaru.

Ekim. 21:29

Ekaŋ iyoŋ, okoe Moab! Ikimunyar iyes, okoe ŋituŋa a akuj Kemos! Eturuwo akuj ŋin ŋikilyok ŋulu ikinyomito iŋes ŋikayarak anakwapin ka aruworosi ŋaberu ŋuna ikinyomito iŋes ŋarikon a erwosit Sikon, erwosit a Ŋiamori.

Ŋikis. 18:12

Eŋerit Ekapolon ituŋanan daadaŋ ŋini itiyae ŋakiro ŋun. Erae aŋuna etiyaata ŋituŋa a ŋakwapin ŋuna eŋerit Ekapolon, iŋes eritarya Ekapolon ikes alokiŋaren kus.

Yos. 21:43

Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Ŋikat. 10:6

Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.

Ŋikat. 11:23

Aŋun, adau Ekapolon Akuj a Ŋisirael akikamar akwap a Ŋiamori aŋuna a Ŋisirael. Icamit tokona iyoŋ ademar ikes akwap kec a?

Ŋikat. 2:1

Abu emalaika ŋolo ke Ekapolon kitipeiyo alo Gilgal tari Bokim, tosodi tema, “Abu ayoŋ okoyau iyes alo Ijipit ka okoyau iyes nakwap ŋina abu ayoŋ eik neni atapapaa kus. Abu ayoŋ otema, ‘Erici ayoŋ jik acamunet kaŋ ka iyes.

Rus. 1:15

Tolimok Naomi Rus tema, “Kiŋolik, aboŋo nakain kon lotuŋa keŋ ka nakujo keŋ. Toboŋo kiwuapak nakain kon.”