Ŋikat. 10:6 - Ebaibul

⁶ Apotu nabo Ŋisirael kitiyata ŋuna aronok alokiŋaren Ekapolon, toloto akilipenen neni ata Baal ka Asitares, neni a ŋakujo ka Aram, a ŋakujo a Sidon, a ŋakujo a Moab, a ŋakujo a Ŋiamoni ka a ŋakujo a Ŋipilistin. Aŋun, apotu ikes toŋero Ekapolon ka tojoŋoto akilipenen neni keŋ.

Ŋikat. 10:6 Iomraidhean Croise

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 11:5

Arae ŋun aŋuna abunio Solomon kiwuapya Asitores akuj ŋina a ŋisidoniani ka Milikom akuj ŋina a Ŋiamoni.

1 Ŋirw. 11:7

Abu nai Solomon todukok akai a Cemes akuj a Ŋimoabi ka todukok akai a Milikom a akuj a Ŋiamoni kidiama emukura ŋolo eyai Kide Yerusalem.

1 Ŋirw. 16:31

Ikwapei atakania aneni ka Aab esibit edit ŋina abunio iŋes kiwuapya ŋuna etiyat Yeroboam alokoku a Nebat, abu Aab kiit Yesebel nakoku a Esibaal a erwosit a ŋolo a Sidon, ido kisyak akitiyanakin Baal ka akilip neni a Baal.

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

2 Ŋirw. 23:13

Tomunaiya iŋes ŋaduketa ŋuna aya nenimukur Kide Yerusalem, ŋuna elipere ŋakujo ka ŋuna aya alowae a ŋolo alo kwap emukura ŋolo enyaritae emukura ŋolo ka Akinyasuno (Iŋes emukura ŋolo a ŋikito ka Olipa). Arae sek Solomon ŋolo arae erwosit a Isirael iŋes aduki ŋaduketa ŋun aŋuna ka akuj a ŋina anyaritae Asitarite a ŋina a Ŋisidoniae ka Kemos akuj a Ŋimoabi ta Milikon akuj a Ŋiamoni.

2 Ŋakiro a ŋirwa 28:23

Abu inak ŋamuronisya neni a ŋakujo a Damasko a ŋuna apotu kilout iŋes, ido abu tema, “Aŋuna aponiata ŋakujo a ŋirwosi ka Aram ka Asiriya kiŋarakis ŋirwosi ka Aram, ainakini ayoŋ ikes ŋamuronisya, ikotere ekeŋarakis ayoŋ.” Nai apotu ŋakiro ŋun yaut ŋican neni ka Aas ka neni a ŋituŋa keŋ daadaŋ.

Ŋikiru. 106:36

Apotu kilipa neni a ŋakujo a ŋituŋa a ŋul, ibore ŋini abu yau amunyaro kec.

Isa. 23:4

Okoe ŋituŋa a Sidon, emaikina iyes ikiruma ŋileec, anerae erworo anam ka aduketait ŋinajiet ŋina eyai diyete anam ebasi, “Nyeryabakina ayoŋ, kori nyidouno, nyitanuna ayoŋ ŋikilyok ŋulusorok, kori nyitopolouno ayoŋ ŋaberu ŋunasorok.”

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:20

“Alorwa a ŋulu akoloŋ ipotu iyes ikiŋero ayoŋ ka ipotu kimyekis acamuna kus ka ayoŋ, ido temasi ‘Nyikitiyanakini isua iyoŋ!’ Ipotu iyes kilipa neni a ŋakujo alokidiama ŋimukura daadaŋ ka alokwap ŋikito ŋulu alibak daadaŋ.

Yer. 32:23

Apotu ikes tolomut nakwap na kituruwosi ŋina kec, nai apotu ikes nyiwuapa ŋakiro kon, kori ŋikisila kon, apotu nyitiyata ŋuna ilimokinit iyoŋ ikes akitiya. Aŋun, ibu iyoŋ iyau ŋican lu daadaŋ neni kec.

Esek. 27:16

Apotu ŋituŋa a Edom kicurutata kaapei ka iyoŋ aŋuna alalata nooi ŋiboro kon; apotu ikes yaasi ŋiboro kon, ikiinakis iyoŋ ŋamoru ŋuna inyalal ŋiraŋgi ŋuna enyaritae Yasiper, ŋilowi ŋulu kipura-areŋak, ŋiboro ŋulu esibusitae, ŋilowi ŋulu ajokak ŋulu amilimilak, ŋiboro ŋulu epol egyelit nooi ka ŋinapito ŋulu amilimilak nooi.

Ŋikis. 13:6

Ani kikicocoya iyoŋ ituŋanan anakimunono, tari kerae lokaato kon kori lokoku a toto kon, kori lokaapa kon, kori lokoku kon, kori nakoku kon, kori aberu kon ŋina imina iyoŋ nooi, kori ekone kon ŋolo imina iyoŋ nooi, ikilimok iyoŋ tema, “Oloto elipa neni a ŋakujo,” (ŋakujo ŋuna nyeyenuna iyoŋ, kori atapapaa kon,

Ŋikis. 13:8

nyemaikina iyes tocamut, kori topupokis ŋakiro a ituŋanan a ŋin. Nyisyonioto, kori nyirimakis iŋes.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

Ŋikis. 31:17

Ani itiyakinete ikes ŋun, aŋoikini ayoŋ ikes akoloŋit ŋinapei ŋin. Aŋeri ayoŋ ikes, ido ewa ereet kaŋ aneni kec, emunyaryo ikes ka atipei, edolokinete ŋican ŋulu aronok nooi ikes. Akoloŋit ŋin etemarete ikes, ‘Meere mono aŋuna nyeyakar Ekapolon Akuj yok kaapei ka iwon, iŋes atakanuniata ŋican lu neni yok a?’

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Yos. 13:31

Ŋakwapin ŋace ŋuna akorakinitae ikes arae atutubet a Gilead, Acitorot, Edirei ka ŋitaunio ŋulu epukat sek Og alo Bacan. Akorakinitae ŋakwapin ŋun natutubet apei ŋina a ŋituŋa a Makir alokoku a Manase.

Ŋikat. 10:5

Abu nai Yair totwan, tonukae Kamon.

Ŋikat. 11:24

Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?

Ŋikat. 13:1

Apotu nabo Ŋisirael kitiyata ŋakiro ŋuna aronok alokiŋaren Ekapolon, ido abu Ekapolon kipotok ikes napedor a Ŋipilistin ŋikaru ŋatomoniomwon.

Ŋikat. 16:23

Tocunakinos nai ŋikapolok a Ŋipilistin ainakin amuronot neni a akuj kec a ŋina anyaritae Dagon ka ikotere elelyanete, anerae abasi ikes, “Adau akuj yok akipotokin emoit yok Samuson napedor yok.”

Ŋikat. 3:7

Apotu Ŋisirael kitiyata ŋakiro ŋuna aronok nooi aneni ke Ekapolon, kimuryak ikes Ekapolon Akuj kec ka kilipa neni ata Baal ka neni ata Asera.

Ŋikat. 4:1

Apotu nabo Ŋisirael kitiyata ŋakiro ŋuna aronok alokiŋaren Ekapolon ekaku a atwanare a Eud.

Ŋikat. 6:1

Apotu Ŋisirael kitiyata ŋakiro ŋuna aronok alokiŋaren Ekapolon, abu nai Ekapolon kipotok ikes napedor a Ŋimidian ŋikaru ŋikanikaarei.

Ŋikat. 8:33

Atwanare Gideon bon, toboŋokis nabo Ŋisirael akilip neni ata Baal, kituruwosi Baal-Beris akuj kec.

1 Sam. 5:2

todakasi a nen, kiwuakis kai ŋina ka akuj kec a ŋina anyaritae Dagon; kiwuakis diyete Dagon.