Ŋikat. 10:15 - Ebaibul

¹⁵ Tolimokis Ŋisirael Ekapolon temasi, “Ikisec isua, kitiya neni kosi ŋuna nyejokak aneni kon, nai tolakunae isua nakoloŋit na!”

Ŋikat. 10:15 Iomraidhean Croise

2 Sam. 10:12

Togogoŋior, ido totitinyior eŋarakisi ŋituŋa yok, oiutu ŋitaunio ŋulu ka Akuj yok, elipa Ekapolon kitiya ŋuna ejokak aneni keŋ.”

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 15:26

Nai ani ketema Ekapolon, ‘Nyakarimanikinit ayoŋ iyoŋ,’ ayoŋ lo kimyekisi iŋes kitiya neni kaŋ ŋuna ebala iŋes ejokak aŋuna kaŋ.”

2 Sam. 24:10

Ani kimar Daudi ŋituŋa kirikakin, abu Ekapolon kisican iŋes, tonomosi ŋakiro etau, anerae abu iŋes kimar ŋituŋa. Tema Daudi neni a Ekapolon, “Adau ayoŋ Ekapolon akisec nooi anakiro a ŋuna adau akitiya. Nai tokona, okoe Ekapolon, ekelipi ayoŋ iyoŋ, tolema akiilit ŋina ka asecit na aneni a eketiyan kon; anerae etiya ayoŋ nu anabaŋao a ŋina apolon nooi.”

2 Sam. 24:14

Toboŋok Daudi Gad tema, “Akaryebete ayoŋ ŋakiro nu nooi, emyekisi Ekapolon ikisican iwon, anerae epol nooi akisyon keŋ; nai nyeruwor ŋituŋa ikisicanete iwon.”

Yob 33:27

eikini ituŋanan ŋin iŋes alokiŋaren ŋituŋa ebe, ‘Abu ayoŋ osec ka oŋer akitiya ŋuna iyookino, nai nyisicana Akuj ayoŋ aŋuna abu ayoŋ etiya.

Ŋakit. 28:13

Ani kimunon ituŋanan ŋasecisya keŋ, nyeryamuni akiyar ŋina ajokan, nai ituŋanan daadaŋ ŋini elimori, ido toki ŋasecisya keŋ, eryamuni akisyonio.

Isa. 26:16

Okoe Ekapolon, apotu ikes ikiwara iyoŋ apaki ŋina ayakatar locan, apotu ikes kilipa neni kon, apaki ŋina isicania iyoŋ ikes.

Yona 2:4

Abu ayoŋ otema, “Ekeritar ayoŋ aneni kon; alipite nabo apedorya ayoŋ akiŋoliunia eŋolik Akai kon ŋina Asegan?

Yona 3:9

Ŋae eyeni! Acepaki isili Akuj, ikisyon iwon kimyek anyunyura keŋ, ikotere iwon nyikitwaka.”

Yos. 9:25

Ikiya tokona isua nakan kus. Kitiyata neni kosi ŋuna ikijoikinito iyes.”

1 Sam. 12:10

Apotu nai ikes kikalout neni ke Ekapolon temasi, ‘Ikisec isua, anerae aŋeri Ekapolon, ido alomakin akitiyanakin ata Baal ka ata Asitarite; nai toiunae isua tokona anapedor a ŋimoe kosi, ido ikitiyanakini isua iyoŋ.’

1 Sam. 3:18

Aŋun, abu Samuel tolimok Eli ŋakiro daadaŋ, mam ŋuna abu iŋes kimunon Eli. Tema nai Eli, “Erae iŋes Ekapolon, kimyek iŋes kitiya ŋuna ejokak aneni keŋ.”

1 Sam. 7:6

Aŋun, apotu ikes tocunakinos Misipa, tookut ŋakipi tobukosi alokiŋaren Ekapolon. Kiredakis ikes akiron akoloŋit ŋin temasi, “Ikidau isua akisec alokiŋaren Ekapolon.” Ido abu Samuel toruwor ekatubon ŋakiro ka ekarikon a Ŋisirael alo Misipa.