Ŋikat. 10:13 - Ebaibul

¹³ Nai ipotu iyes ikiŋero ayoŋ toloto akilipenen neni a ŋakujo a ŋace, aŋun, nyakalakuni nabo ayoŋ iyes jik.

Ŋikat. 10:13 Iomraidhean Croise

1 Ŋakiro a ŋirwa 28:9

“Iyoŋ Solomon lokoku kaŋ, tocamu Akuj a papa kon, kitiyanak iŋes ke ekonitau a daadaŋ icamakinit ka a ŋatameta a ŋuna einakina, anerae eyeni Ekapolon ŋuna eya lotai daadaŋ ka daadaŋ ŋuna etami ituŋanan akitiyakin. Ani kiwar iyoŋ iŋes, iryamuni iyoŋ iŋes, nai ani kiŋer iyoŋ iŋes, ikiŋeri iŋes iyoŋ ŋikaru ka ŋikaru.

2 Ŋakiro a ŋirwa 12:5

Abu nai ekadwaran ŋolo anyaritae Semaia tolot neni a Reoboam ka neni a ŋikarikok a Yudaya a ŋulu acunakina Yerusalem apaki ŋin aŋuna akeritotor Sisak, tema neni kec, “Ŋakiro ŋuna irworo Ekapolon ikes nu ebe, ‘Idaut iyes akimyekin ayoŋ; aŋun, ekemyekini ayoŋ iyes tokona anapedor a Sisak.’ ”

2 Ŋakiro a ŋirwa 15:2

Tolot Asaria neni ka Asa tema, “Kiirasi ŋakiro kaŋ, iyoŋ Asa ka ŋituŋa a Yudaya daadaŋ ta ŋulu a Benjamin. Irukito iyes ke Ekapolon erae ca kirukito iyes ka iŋes. Ani kiwara iyes iŋes, ikimyekini iŋes iyes toryamut iŋes, nai ani kimyekis iyes iŋes, ikimyekini iŋes daŋ iyes.

2 Ŋakiro a ŋirwa 21:10

Aŋun, eriŋa ŋituŋa ke Edom eŋerito atemar kipuka Yudaya akwap kec. Ŋituŋa a Libina daŋ toŋero ŋirwa ŋulupei atemar kipuka ikes erwosit a Yudaya, anerae kebu Yeoram toŋer Ekapolon Akuj atapapaa keŋ.

Yer. 2:13

“Anerae etiyata ŋituŋa kaŋ ŋaronisya ŋaarei: Akaesikis ikes ayoŋ, ŋolo ekoni aneni kec eitanit ŋolo a ŋakipi a ŋuna eteyarak, ido aboka aŋuna kec ŋakare ŋuna ebaabaato, ŋuna nyepedorete ŋakipi ayakau tooma kec.

Yer. 2:19

Ikisicani iyes aronis kus ka ikitubokinio iyes aŋuna iŋeryoto ŋuna abala ayoŋ kiwuapa. Toyenutu ka kiŋolikisi epite ŋolo eronia ka epipilya iyes aesikin Ekapolon Akuj kus; nyikitopoloorito iyes ayoŋ. Ŋakiro ŋun irworo Ekapolon Akuj ŋina etiron.

Yona 2:8

Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

Ŋikis. 32:15

Apotu ŋituŋa a Yakob kimuja kimwoko, totum Yesurum tobolyak, ipotu iyes totuma, tomalimala ka toburyoto. Apotu Ŋisirael toŋero Akuj kec ŋina asubuni ikes. tojamuwasi akaiunan kec ŋina etiron.

Ŋikat. 10:14

Apesi kigworonokisi ŋakujo ŋuna idaut iyes aseun akiwuap. Kimyekisi ikilakut ikes iyes apaki ŋina iyakatar iyes locan.”

Ŋikat. 2:12

kimyekis ikes Ekapolon Akuj atapapaa kec ŋina ayauni ikes anakwap a Ijipit, tosodo kiwuapa ŋakiro ŋace ŋuna a ŋituŋa a ŋulu eboiyete alodiyete kec, kilipa neni a ŋakujo a ŋun; aŋun, apotu ikes kitoŋoa Ekapolon.

Ŋikat. 2:19

Nai ŋinapei etwania ekatubon ŋakiro, aboŋorete ikes atipei akitiya ŋuna aronok akilo tari ŋuna etiyato atapapaa kec, ewuapeneneete ikes ŋakujo ŋace ka kilipeneneete ka kitiyanakinete ŋakujo ŋun. Pa emyeanakinete ikes edio a ŋiticisyo kec a ŋulu aronok, kori akisyaanu kec.