Ŋikat. 1:3 - Ebaibul

³ Tolimokis nai ŋituŋa a ekabila a Yuda ŋikaitotoi kec ŋulu a ekabila a Simeon temasi, “Potu, orukosi ka isua nakwap ŋina ikikorakinitae isua aruwor ŋina kosi, ikotere ikitijikini Ŋikanaani, ani ekaku orukosi isua daŋ ka iyes nakwap ŋina ikikorakinitae iyes aruwor ŋina kus.” Aŋun, apotu Ŋisimeoni toloto kaapei ka ŋituŋa a ekabila a Yuda.

Ŋikat. 1:3 Iomraidhean Croise

Akisy. 29:33

Topoti nabo Lea, kidou ikoku ŋinisapat, ido tema, “Aŋuna eirarya Akuj atemar nyakaminae ayoŋ, akainaki ayoŋ edya lo daŋ”; tolimok iŋes ekiro a edya Simeon.

2 Sam. 10:11

Tema Yoab, “Ani kegogoŋioto Ŋiarameani akilo ayoŋ, emaikina iyoŋ ibu akiŋarakin ayoŋ; nai ani kegogoŋioto Ŋiamoni akilo iyoŋ, abuni ayoŋ akiŋarakin iyoŋ.

Yos. 19:1

Anakilamilam a ŋina a ŋaarei aponi tolimunoe ekiro a ekabila a Simeon a ŋatekerin kec. Aponi tokorakinae ikes akwap ŋina ayai nakwap a ekabila a Yuda.

Akis. 7:7

ŋulu anateker a Simeon, arae ŋalipyo ŋatomon ka ŋaarei; ŋulu anateker a Lepi, arae ŋalipyo ŋatomon ka ŋaarei; ŋulu anateker a Isakar, arae ŋalipyo ŋatomon ka ŋaarei;

Ŋikat. 1:17

Apotu nai ŋituŋa a Yuda toloto kaapei ka ŋikaitotoi kec Ŋisimeoni, kilout Ŋikanaani ŋulu eboiyete alo Sepas, kinyasut etaun nooi, aŋun, aponi tonyarae etaun ŋol Orima.

Ŋikat. 1:2

Tolimok Ekapolon ikes tema, “Ŋituŋa a ekabila a Yuda emaikina kitipeiyosi, adau ayoŋ ainakin akwap napedor kec.”

Ŋikat. 1:4

Apotu nai ŋituŋa a ekabila a Yuda kitipeiyosi kitijikis ŋimoe kec, abu Ekapolon inak ikes akiloun Ŋikanaani ka Ŋiperisi, toara ikes alo Besek ŋikilyok ŋulu arae ekimar kec ŋalipyo ŋatomon.