Ŋikat. 1:29 - Ebaibul

²⁹ Apotu ŋituŋa a ekabila a Epuraim nyiritasi Ŋikanaani ŋulu eboiyete alo Geser, nai eboiyete Ŋikanaani kaapei ka ikes alo Geser.

Ŋikat. 1:29 Iomraidhean Croise

1 Ŋirw. 9:15

Erae lu ŋiticisyo ŋulu abu Solomon toreik ŋituŋa akitiya: Akiduk Akai ke Ekapolon, akai keŋ a elope ka akiduk arwatata nakititis ŋina a etaun ta akiduk ŋarwatatain ŋuna a Yerusalem, Asor, Megido ka Geser.

1 Ŋirw. 9:16

(Aris apaki ŋin Parao erwosit ŋolo a Ijipit kelot akikamar Geser kicuny ka toar Ŋikanaani ŋulu eboiyete alo Geser, ido toropya etaun ŋol nakoku keŋ ŋina eisit Solomon.

Yos. 10:33

Apaki ŋin, abu erwosit Oram ŋolo a Geser tosut akiŋarakin ŋituŋa a Lakis, nai abu Yosua kilou iŋes ka ŋituŋa keŋ tomunya daadaŋ nyidoŋ tari ipei.

Yos. 16:10

Nai apotu ikes nyiritasi Ŋikanaani ŋulu alomito Geser. Tari tokona arubakis Ŋikanaani erukito ka ŋituŋa a Epuraim, nai ereikinitae ikes akitiya aŋuna a ŋituŋa a Epuraim.

Ŋikat. 1:28

Ani egogoŋioto Ŋisirael, apotu toreikis Ŋikanaani akitiya ŋiticisyo aŋuna kec, nai nyiritara ikes Ŋikanaani anakwap a ŋin.

Ŋikat. 1:30

Apotu ŋituŋa a ekabila a Sebulon nyiritasi Ŋikanaani ŋulu eboiyete alo Kitiron, kori ŋulu eboiyete alo Naalol, nai apotu Ŋikanaani torubakis iboiyete kaapei ka ikes, ido aponi toreikinae Ŋikanaani ŋul akitiya ŋiticisyo.