Ŋikat. 1:27 - Ebaibul

²⁷ Apotu ŋituŋa a ekabila a Manase nyiritasi ŋituŋa ŋulu eboiyete alo Bes-Sean ka ŋirerya keŋ, kori ŋituŋa ŋulu eboiyete alo Taanak ka ŋirerya keŋ, kori ŋituŋa ŋulu eboiyete alo Dor ka ŋirerya keŋ, kori ŋituŋa ŋulu eboiyete alo Ibileam ka ŋirerya keŋ, kori ŋituŋa ŋulu eboiyete alo a Megido ka ŋirerya keŋ, nai apotu Ŋikanaani torubakis iboiyete anakwap a ŋin.

Ŋikat. 1:27 Iomraidhean Croise

1 Ŋirw. 9:21

ikes ŋipiya a ŋiletok a ŋituŋa ka akwap a ŋin ŋulu kepotu Ŋisirael nyemunyasi a nen, abu Solomon toreik ŋul daadaŋ akitiya etic, ido eriŋa tari tokona ereikinitae ikes etic.

2 Ŋirw. 23:29

Apaki ŋina epukator Yosia abu Parao ŋolo anyaritae Neko bu anakwap keŋ alo Ijipit, tolot neni ke erwosit a ŋolo ka Asiriya anaŋolol Eupurate. Acamit Neko akiŋarakin erwosit ŋolo ka Asiriya akitijiore Yosia, tolot neni keŋ pa eyeni ŋakiro ŋadi, nai ani iryamete ikes lorot aneni enyaritae Megido, abu Parao Neko toar Yosia.

2 Ŋirw. 9:27

Ani iŋolikini erwosit Aasia ŋolo a Yudaya ŋakiro ŋuna etiyasi, kigaŋ agaari keŋ toem lowae ŋolo ayai etaun ŋolo anyaritae Bes-agan. Erisit Yeu iŋes ka abu tolimok ŋirukitos keŋ tema, “Toguma iŋes daŋ toara!” Togumakis ikes iŋes nagaari alorot a ŋolo elosi Gur, togumakis ikes iŋes diyete etaun ŋolo enyaritae Ibileam. Toem Aasia tari lotaun Megido totwana a nen.

Awos. 23:32

Nyicamunosi ka ikes, kori ka ŋakujo kec.

Yer. 48:10

“Ilamam ituŋanan ŋini ekalanyana akitiya etic a Ekapolon ka ilamam ituŋanan ŋini nyisitiyae ekileŋ keŋ aarya ŋituŋa.

Ŋikis. 7:2

ka ani ikipotokini iyes Ekapolon Akuj kus ikes, ido kilout iyes ikes, emaikina iyes tomunyasi ikes jik. Nyicamunosi ka ikes ka nyisyonioto ikes.

Yos. 21:25

Anatutubet a apei a ŋina a ekabila a Manase, aponi inakinae ikes ŋitaunio lu: Taanak ka Gas-Rimon. Arae ŋul ŋitaunio ŋiarei ka ŋadakarisinei kec.

Ŋikat. 1:1

Ekaku a atwanare a Yosua, apotu Ŋisirael kiŋita Akuj temasi, “Ataŋae itipeiyorete ikiŋarenikis isua akitijikin Ŋikanaani?”

Ŋikat. 1:21

Nai apotu ŋituŋa a Benjamin nyiritasi Ŋiyebusi ŋulu eboiyete alo Yerusalem, aŋun, iboiyete Ŋiyebusi ŋinapei koloŋ kaapei ka ŋituŋa a Benjamin tari tokona.

Ŋikat. 1:26

Abu nai ekile ŋol tolot nakwap a Ŋiitaiti, toduk etaun, tolimok ekiro a etaun a ŋol Lus, ekiro ŋol iŋes enyaritere etaun ŋol tari tokona.

Ŋikat. 1:28

Ani egogoŋioto Ŋisirael, apotu toreikis Ŋikanaani akitiya ŋiticisyo aŋuna kec, nai nyiritara ikes Ŋikanaani anakwap a ŋin.

Ŋikat. 5:19

Apotu ŋirwosi toloto lojie, ido apotu kitijioto ŋimoe, apotu ŋirwosi a Kanaan kitijioto ŋimoe, apotu ikes kitijioto ŋimoe alo Taanak alodiyete ŋakipi a Megido, nai nyeŋatara ikes esilipa edio.

1 Sam. 15:9

Kimyekis Saul ka ŋituŋa Agag ka ŋamesekin ta ŋaatuk ŋuna ajokak, ŋitak ŋulu atumak ka ŋikaalei ta ibore daadaŋ ŋini ajok, apotu ikes nyear ŋul, nai apotu ikes tomunyasi jik ibore daadaŋ ŋini ajamuwarito ikes ka acaryoono aneni kec.

1 Sam. 31:10

Kiwuakis Ŋipilistin ŋiboro a Saul ŋulu ke ejie kai ka akuj kec a ŋina anyaritae Asitarite, ido toenikis akuwan a saul narwatata ŋina ke etaun a ŋolo anyaritae Bes-San.