Ŋigal. 6:5 - Ebaibul

⁵ Anerae itemokino ŋinituŋanan kitir ŋipitesyo keŋ a ilope.

Ŋigal. 6:5 Iomraidhean Croise

Ŋakit. 9:12

Ani kios iyoŋ, ikiteryamuni iyoŋ aosou ŋuna icamit; ani kirae iyoŋ ŋini ijamuwarit ŋakiro, iyoŋ ilope iryamuni ŋican.

Yer. 17:10

Ayoŋ ŋolo arae Ekapolon ekatanakini ŋatameta a ŋituŋa ka aripiripi ŋitai kec, ikotere ainakini ŋinituŋanan ikwapei eyakatar ŋipitesyo keŋ, lopite ŋolo emaikina ŋinituŋanan eyakar aŋuna a ŋiticisyo keŋ.

Yer. 32:19

iloit iyoŋ daadaŋ anakitatam ka aloticisyo, ite iyoŋ ŋuna daadaŋ itiyaete ŋituŋa ka itaci iyoŋ ŋinituŋanan lopite ŋolo eyakatar ŋuna iwuapit iŋes ka lopite ŋolo itiyatotor ikes ŋiticisyo kec.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Mat. 16:27

Anerae ebuni Lokoku a Ituŋanan ka apedor a ŋina a Papa keŋ erukito ka ŋimalaikan, torop ŋinituŋanan ikwaŋina itiyator.

1 Ŋikor. 3:8

Ikwaan ituŋanan ŋini edupi ka ŋini ebuki ŋakipi ka eryamuni ŋinituŋanan aneni ka Akuj eropit lotyae ŋolo ke etic keŋ.

1 Ŋikor. 4:5

Aŋun, nyitubokis idiotuŋanan eriŋa nyedoluno apaki ŋina itemokino, ŋina eboŋunio Ekapolon. Inwakuni Ekapolon ibore daadaŋ ŋini iwuaitae anakiryonut, itatakanuni ŋakiro ŋuna iwuaitae ŋuna a ŋitai a ŋituŋa. Eryamuni nai ŋinituŋanan akipuro ŋina ejoikinit toryamu aneni ka Akuj.

Akis. 2:23

Aari ayoŋ ŋikeedwe, ikotere toanyuniata ŋatukon ŋuna a Ŋikristo daadaŋ atemar ayoŋ iŋes ŋolo ayeni ŋitai ka ŋatameta ŋuna a ŋinituŋanan ka aropi ayoŋ ŋinituŋanan ikwaŋina itiyator.

Akis. 22:12

Ebala Yesu ebe, “Kiirasi, abuni ayoŋ atipei! Ayauni ayoŋ ŋiropito kaŋ, oinak ŋinituŋanan ikwa itiyator.