Ŋigal. 6:2 - Ebaibul

² Kiŋaranakinos make anatyokisyo kus, ido alopite a ŋol, iwuapete iyes ekisil ŋolo a Kristo.

Ŋigal. 6:2 Iomraidhean Croise

1 Ŋakiro a ŋirwa 19:12

Tema Yoab, “Ani kegogoŋioto Ŋiarameani akilo ayoŋ, emaikina iyoŋ ibu akiŋarakin ayoŋ; nai ani kegogoŋioto Ŋiamoni akilo iyoŋ, abuni ayoŋ akiŋarakin iyoŋ.

Awos. 23:5

“Ani kiŋolikis iyes esigirya a ituŋanan a ŋini ikimanit iyes euryani aŋuna enuya egogos, nyimyekis euryani a nen, emaikina kiŋarakis ituŋanan ŋin, kitonyoikis esigirya keŋ.

Isa. 58:6

Akiredanakin akiron ŋina acamit ayoŋ iŋes akitiya ŋuna iyookino alemarya ŋuna nyiyookino, alacakin ŋarukanes a ayokot a ŋina eenit ŋituŋa, isicanitae toryamut alacakina ka alemar ŋinibore daadaŋ isicanit ŋituŋa.

Mat. 8:17

Etiyae iŋes ŋun, ikotere kiyookinotor ŋuna koloŋ erworo ekadwaran Isaya ebala, “Abu iŋes ya apalagu yok ka kiwok ŋidekesyo yok.”

Luk. 11:46

Tolimok Yesu ikes tema, “Ekaŋ iyes daŋ ŋiketatamak a Ŋikisila! Iyes ŋulu isiwuokito ŋuluce ŋigogoso ŋulu apotyok ŋulu etyono adakun, nai nyicamito bo iyes ŋilopeyek akitap ŋigogoso ŋul tari a ekimoin ke epei.

Yoa. 13:34

Akainakini tokona akiciket ŋina kitete: tominin make; ikwaŋina akaminar ayoŋ iyes, iyes daŋ tominin make.

Yoa. 15:12

Akaakiciket iŋes na: tominin make, ikwaŋina akaminar ayoŋ iyes.

Ŋirom. 15:1

Itemokino iwon ŋulu ikigogoŋ ananupit eŋaranakinete ŋulu epalag, egaŋakisi ikes anatyokisyo kec. Nyitemokino iwon ikitiyae ŋuna ikitalakarete iwon make.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

1 Ŋikor. 9:21

Ikwaŋinapei, ani ikiruki ka ŋulu nyiwuapito Ŋikisila a Moses, ekoni ŋulu nyiwuapito Ŋikisila a Moses, ikotere onyaraunia ikes neni a Kristo. Nyerae nai ŋun atemar aŋerit ayoŋ Ŋikisila ka Akuj, nai ekepukato ayoŋ Ŋikisila ŋulu a Kristo.

Ŋigal. 6:5

Anerae itemokino ŋinituŋanan kitir ŋipitesyo keŋ a ilope.

Ŋikis. 1:12

Nai ekokini ayoŋ adaŋidaŋi ŋakiro ŋuna a ŋiburasyo kus ai?

1 Ŋites. 5:14

Ikimaimai isua iyes ŋikaitotoi, kisirworiut ŋituŋa ŋulu ekalanyaka, kisimukekisi ŋulu ekuryaka, kiŋarakisi ŋulu epalag, todaŋa ŋituŋa daadaŋ.

Yak. 1:25

Nyikoni nen ituŋanan ŋini iricit Ŋikisila ŋulu ajokak akilo, ŋulu eyaunete alacakina. Ani pa kerae iŋes ekapupon bon ŋolo imuryakinete, nai ŋolo itiyae ŋun, iterereŋi Akuj iŋes aloticisyo a ŋulu itiyae.

Yak. 2:12

Aŋun, kirworo ka kitiyata ikwa ŋituŋa ŋulu elosyo atubokin alokisil a ŋolo ikilacakini.

Yak. 2:8

Ipedorete iyes akitiya ŋuna iyookino erae kiwuap ekisil ŋolo ka Apukan ka Akuj, ikwaŋinapei igiritere Nakigireta ebe, “Tomina ekonikidunyet ikwaŋina iminar iyoŋ akonikuwan.”

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

2 Pet. 2:21

Kitemokino sek ikes nyeyenunito erot ŋolo ka akiyookino, akilo ayenun ani ekaku toŋero akiciket ŋina ka Akuj ŋina aponi inakinae ikes!

2 Pet. 3:2

Acamit ayoŋ iyes totamut ŋakiro ŋuna koloŋ erworosi ŋikadwarak ŋulu ka Akuj ka akiciket ŋina ke Ekapolon Ekaiunan, ŋuna apotu Ŋikiyakia kus itolimonokis iyes.

1 Yoa. 4:21

Erae na akiciket ŋina ikiira iwon aneni keŋ: ŋini emina Akuj, itemokino tomina lokaato keŋ daŋ.