Ŋigal. 6:16 - Ebaibul

¹⁶ Toyai ekisil, ka akisyon neni a ŋulu iwuapito ŋakitatameta ŋun anakiyar kec--ka neni a ŋituŋa a daadaŋ a ŋulu iwuapito Akuj, ŋulu erae Ŋisirael ŋulu a kire.

Ŋigal. 6:16 Iomraidhean Croise

1 Ŋakiro a ŋirwa 12:18

Abu nai etau ka Akuj bu neni ka Amasai a ŋolo arae ekarikon a ŋikilyok a ŋulutomoniuni, ido abu tema, “Okoe Daudi, ikirae isua ŋulu kon! Okoe lokoku a Yese, ikiriit isua ka iyoŋ! Kiryama ka ekisil, kiryama ka ekisil, ekisil toyai neni a ŋulu iriitotor iyoŋ, anerae ikiŋarakinit iyoŋ Akuj kon.” Aŋun, abu Daudi kijau ikes, ido abu kituruwo ikes ŋikarikok a ŋajorei keŋ.

Ŋikiru. 73:1

Kire jik, ejok Akuj aneni a ŋulu iyookino ka aneni a ŋulu einakina neni ka Akuj alotai kec a daadaŋ.

Isa. 45:25

Eryamunete ŋiletok a Yakob akiloun ka apolou aneni ke Ekapolon.”

Osea 1:10

Kikote neni daŋ, elalakiata ŋituŋa a Isirael ikwa asinyon ŋina ka anam, ŋina nyipimun, kori nyimarun, ido anakibois a ŋina abookore ikes “Meere iyes ŋituŋa kaŋ,” elimokinio ikes ebe, “Irae iyes ŋidwe ŋulu ka Akuj a ŋina eyari.”

Yoa. 1:47

Ani iŋolikini Yesu Nasaniel ebunit neni keŋ, tolimok ŋikasyomak keŋ tema, “Erae lo Esiraelit ŋolo a kire! Emam amodiyo aneni keŋ!”

Yoa. 14:27

“Ekemyekinia ayoŋ iyes ekisil; ekisil kaŋ iŋes akainakini iyes, nyikoni iŋes ekisil ŋolo ka akwap. Nyiyaloloŋo kori nyikibul!

Yoa. 16:33

Akalimok ayoŋ iyes ŋun, ikotere toryamut iyes ekisil alotooma kaŋ. Ikiteryamuni akwap iyes ŋican, nai toena ŋitai! Elou ayoŋ akwap.”

Ŋirom. 1:7

Aŋun, ekegirakinit ayoŋ iyes daadaŋ alo Roma, iyes ŋulu ikimina ka ikinyar Akuj aruwor ŋulu keŋ. Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋirom. 4:12

Erae iŋes papaa a ŋulu ileŋeritae daŋ, meere aŋuna ileŋeritere ikes, nai aŋuna iboiyoto ananupit ikwaŋina eboiyo papaa yok Aburaam eriŋa nyileŋera.

Ŋigal. 1:3

Toyai neni kus ajokis ka ekisil aneni ka Akuj Papa yok ka aneni ke Ekapolon Yesu Kristo.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

Ŋigal. 5:16

Ŋakiro ŋuna erworo ayoŋ ikes nu: kimyekisi Etau ŋolo ka Akuj kipuka akiyar kus, nyikipuka nai iyes ekibure ŋolo ka aseconu a ituŋanan.

Ŋigal. 5:25

Adau Etau ŋolo ka Akuj ainakin iwon akiyar; itemokino Etau ŋolopei ŋol kiyok akiyar yok.

Ŋiep. 6:23

Toyai neni a ŋikaitotoi a daadaŋ alotooma Kristo ekisil ka amina ta anupit aneni ka Akuj Papa ka aneni ke Ekapolon Yesu Kristo.

Ŋipil. 3:16

Tari kikote neni daŋ, oloto lopite ŋolo pei sek itiyaere iwon.

Ŋipil. 3:3

Iwon ikiryamu akileŋeryo ŋina a kire, anerae ilipyo iwon neni ka Akuj alotooma Etau keŋ ka ikituro anakimorikina ka Yesu Kristo. Nyikinyomitae iwon ŋitalyo ŋulu itiyanakinio kiŋa akuwan,

Ŋipil. 4:7

Epedori ekisil ŋolo ka Akuj ŋolo iloit ayenut ŋina a ituŋanan akiyok ŋitai ka ŋatameta kus anakimorikina ka Yesu Kristo.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

Yud. 1:2

Tolalaar aneni kus akisyon, ekisil ka amina!