Ŋigal. 6:10 - Ebaibul

¹⁰ Aŋun nai, ani eriŋa iwon ikiyakar apaki ŋina ajokan, itemokino etiyata ŋuna ajokak neni a ŋituŋa a daadaŋ, akilo nooi neni a ŋulu erae ŋikanupak ikwa iwon.

Ŋigal. 6:10 Iomraidhean Croise

Ŋikiru. 37:27

Toŋero aronis, kitiyata ajokis; ido erubakinete ŋiletok kus iboiyete anakwap kus,

Ŋikiru. 37:3

Kikinyoma Ekapolon ka kitiyata ŋuna ajokak; ikotere iboiyete iyes anakwap ka emam ŋace.

Ŋakit. 3:27

Nyiŋer alimokin ŋuna ajokak neni a ŋulu iitanito akiirar ŋuna ajokak, kitiya ŋun neni kec erae kiyakar iyoŋ apedor alimokin ikes.

Ekal. 3:12

Ayeni ayoŋ atemar mam ibore itojokito ŋituŋa alemar araakau ŋulu elakara ka ŋulu elelyanete ŋawat kec apaki daadaŋ ŋina ka akiyar kec.

Ekal. 9:10

Etic daadaŋ ŋolo itiyaete iyes kitiyata anagogoŋu kus a daadaŋ, anerae emam etic, kori atamatam, kori ayenut, kori aosou anakibois a ŋikatwak a ŋina ilosete iyes alomar.

Mat. 10:25

Itemokino ekasyoman kikoni eketataman keŋ ka eketiyan kikoni ekapolon keŋ. Ani kenyaritae ekapolon ŋolo ka akai atemar Belesebul, enyarao ŋituŋa ŋulu ka akai a ŋin a ŋirorwa a ŋulu aronok nooi.

Mat. 12:50

Anerae ituŋanan daadaŋ ŋini itiyae ŋuna ecamit Papa kaŋ ŋolo eyai nakuj, iŋes erae lokaato kaŋ, nakaato kaŋ ka toto kaŋ.”

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Mat. 5:43

“Ipupete iyes atemar abookoi koloŋ, ‘Tomina ekonikidunyet, ido toremokino ekonimoit.’

Mar. 3:4

Kiŋit ŋituŋa tema, “Nyo ecamakinitae kitiyae akoloŋit ŋina a Sabato, ŋuna ajokak kori ŋuna aronok, akiteyar kori akiar?” Kililiŋa ikes cek.

Luk. 6:35

Nai tominas ŋikusimoe, tojokak aneni kec ka kipotonorete tomam akiitanit atacanot. Epoloor nai eropit kus ka iruworosi ŋidwe ŋulu ka Akuj a ŋina alokidiama nooi, anerae erimaana iŋes neni a ŋulu nyelakanarosi neni keŋ ka ŋulu aronok.

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yoa. 9:4

Itemokino iwon etiyata ŋiticisyo ŋulu a ŋolo ekeyakuunit ayoŋ eriŋa erae apaaran; ebunit akiryonut ŋina ka akuwar, ŋina nyepedorya idiotuŋanan akitiya.

Ŋitic. 6:7

Kielakin nai akirot ka Akuj nen, kiyatakin nooi ekimar a ŋikasyomak alo Yerusalem. Apotu daŋ ŋisacaradotin ŋulu alalak kiwuapa Ŋakiro ŋuna Ajokak, tonupa Yesu.

2 Ŋikor. 2:8

Aŋun, ekelipit ayoŋ iyes kiteyenikis iŋes atemar iminasi kire iyes iŋes nooi.

Ŋigal. 1:23

Arae ŋuna bon ayenete ikes ŋuna alimonokinete ŋuluce ikes ebe, “Ekile ŋolo paaran ikisicanit iwon, elimonokini tokona Ŋakiro ŋuna Ajokak ŋuna a Yesu, ŋunapei paaran ekatakinit iŋes akinyasun”.

Ŋiep. 2:19

Aŋun nai, nyeriŋa iyes ŋulu nyirae Ŋiyudayan irae ŋigelaanotin kori ŋituŋa ŋulu ka acekwap; irae tokona iyes ŋipei ka ŋituŋa ŋulu ka Akuj ka irae ŋituŋa ŋulu ke epeikal a ŋolo ka Akuj.

Ŋiep. 3:15

ŋolo erae neni keŋ eponitotor ŋikalya daadaŋ ŋulu anakuj ka ŋulu alokwap.

Ŋiep. 4:28

Tojoŋo ekademanaran ademanar, nai emaikina togeu akitiya etic, ikotere toryamu eropit aŋuna ke etic keŋ ka topedo tari akiŋarakin ŋulu iitanito akiŋarakino.

Ŋiep. 5:16

Kisitiyata ejok apaki daadaŋ ŋina iyakatar iyes, anerae erae ŋirwa lu ŋulu aronok.

Ŋipil. 4:10

Anakiyar kaŋ alotooma akimorikina ka Ekapolon, alakara ayoŋ nooi, anerae igeut nabo iyes amitakinit ayoŋ kelunyar apaki ŋina alalan. Nyabala ayoŋ ipotu iyes tojoŋoto amitakinit ayoŋ, nai imamukatar ca kire apaki ŋinakitiyaet ŋun.

Ŋikol. 4:5

Itemokino iyes toosok alopitesyo a ŋulu iboiyoto iyes alokidiŋ ŋituŋa ŋulu nyeraakasi Ŋikristo. Kisitiyata ejok apaki daadaŋ ŋina iyakatar iyes.

1 Ŋites. 5:15

Nyitemokino iyes itacakinete aronis kan aronis, nai ŋarwa daadaŋ kikatakisi akitiya ŋuna ajokak alokidiŋ kus make ka alotuŋa a daadaŋ.

1 Ŋites. 5:21

Torota ŋinibore daadaŋ: kiwuapa ŋuna ajokak,

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Tito 3:8

Erae ŋun ŋakiro ŋuna a kire. Acamit iyoŋ kitatam ŋakiro ŋun ka agogoŋu, ikotere nai ŋulu enupito Akuj eruwor ŋulu emitakinito akitiya ŋiticisyo ŋulu ajokak. Ejokak ŋakiro ŋun daadaŋ, ido iŋarakinete ŋituŋa daadaŋ.

Ŋibur. 13:16

Nyikimuryak akitiya ŋuna ajokak ka akimor ŋiboro kus, anerae ŋamuronisya ŋun ikes italakarito Akuj.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Ŋibur. 6:10

Erae Akuj ŋina iyookino nooi, nyimuryakini iŋes etic ŋolo itiyaete iyes. Idaut iyes akiŋarakin Ŋikristo ŋuluce ka eriŋa iŋaranakinete, ido itoodiunito iyes amina kus neni keŋ alopite a ŋol.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?

1 Yoa. 5:1

Ŋini enupi atemar Yesu iŋes erae Kristo, erae iŋes ikoku ka Akuj, ŋini emina ekauruunan, emina ikoku keŋ daŋ.

3 Yoa. 1:10

Nai ani kabu ayoŋ, alimuni ŋakiro daadaŋ ŋuna etiya iŋes, ŋakiro ŋuna aronok nooi ŋuna ikirworor iŋes isua ka alyokonu a ŋina irworo iŋes. Meere ŋun bon itiyae iŋes, nyijaununui iŋes ŋikaitotoi, iretanakini daŋ ŋulu ecamito akijaun ŋikaitotoi ka iritanari ikes aneni a Ŋikristo.

3 Yoa. 1:11

Ekaakone ŋolo minat, nyiroku ŋuna aronok, nai toroku ŋuna ajokak. Ituŋanan ŋini itiyae ŋuna ajokak, erae ŋini ka Akuj, ituŋanan ŋini itiyae ŋuna aronok, nyeanyuna iŋes Akuj.

3 Yoa. 1:3

Abu ayoŋ olelyan nooi apaki ŋina adolunioto ŋikaitotoi ŋice, ido okolimokis ayoŋ anupit kon ŋina a ŋakiro a ŋuna a kire, ikwapei irubakinitor iyoŋ anakiro a ŋuna a kire.