Ŋigal. 5:5 - Ebaibul

⁵ Aneni kosi, ikigeno atemar ikituruwor ŋulu ikiyookino alokiŋaren Akuj aŋuna ka anupit Kristo ka erae ŋun ikidarit isua anapedor a ŋina ke Etau a ŋolo ka Akuj.

Ŋigal. 5:5 Iomraidhean Croise

Akisy. 49:18

Akuj, edarit ayoŋ aiuno aneni kon,

Ŋikiru. 130:5

Edarit ayoŋ Ekapolon ekeŋarak ayoŋ, edarit ayoŋ Ekapolon a etau kaŋ a daadaŋ, anerae ekinyomit ayoŋ akirot keŋ.

Ŋikiru. 25:3

Nyimyek ŋituŋa ŋulu ikigenosi iyoŋ kisirumae ŋileec; nai ŋulu ikiŋereneneete iyoŋ emam ŋuna ikiŋeritotor, ikes emaikina kisurumae ŋileec.

Ŋikiru. 25:5

Kitatamae ayoŋ ewuap ŋakiro kon ŋuna a kire, anerae irae iyoŋ Akuj kaŋ ka akaiunan kaŋ, ido ekegeno ayoŋ iyoŋ apaaran daadaŋ.

Ŋikiru. 62:5

Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

Osea 12:6

Nai ani eruwor iyes, toboŋosi neni ka Akuj kus, kitiyata jik ŋuna iyookino ka ŋuna ka amina, ka torubakisi idarito Akuj kus.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

1 Ŋikor. 1:7

Aŋun, emam ainakinet ŋina ke Etau a ŋolo Asegan ŋina nyiryamunito iyes eriŋa idarito kitoodiunae Ekapolon yok Yesu Kristo anapolou keŋ.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋipil. 3:9

ka emorikinos jik ka iŋes. Nyeryamuna ayoŋ akiyookino alokiŋaren Akuj aŋuna kaŋ ke elope, kori aŋuna ka akiwuapit Ŋikisila. Nai aryamu tokona ayoŋ akiyookino ŋin aŋuna ka anupit Kristo--akiyookino ŋina ebunit aneni ka Akuj, ŋina itorunit nanupit.

1 Ŋites. 1:10

nabo, irworosi epite ŋolo idaritotor iyes Lokoku keŋ bu anakuj--Yesu ŋolo abu iŋes kiteyaru alokatwak ŋolo ikiuni iwon ananyunyura a ŋina ebunit aneni ka Akuj.

2 Ŋites. 3:5

Ikilipi isua neni ke Ekapolon kibelek ŋitai kus namina ŋina ka Akuj ka natitinyikinit ŋina a Kristo.

2 Tim. 4:8

Ekedaritere ayoŋ ebokot ŋolo ka akiyookino ŋolo erae ainakinet ŋina ka akiloun, ŋolo akainakini ayoŋ Ekapolon ŋolo erae ekatubon ŋolo iyookino Akoloŋit ŋina ka atubokino--meere neni kaŋ bon, nai neni a daadaŋ a ŋulu iitanito atakanun keŋ.

Tito 2:13

eriŋa ikidarit arereŋu ŋina ikigeno iwon, iŋes atemar itatakanunio apolou ŋina ka Akuj yok a ŋina etiron ka ŋina ke Ekaiunan yok Yesu Kristo.