Ŋigal. 5:4 - Ebaibul

⁴ Iyes ŋulu ikatakinito aruwor ŋulu iyookino alokiŋaren Akuj aŋuna ka akiwuapit Ŋikisila, idaut iyes atyakar aneni a Kristo. Ipena iyes neni nyikiinakinia Akuj iyes ajokis keŋ.

Ŋigal. 5:4 Iomraidhean Croise

Ŋirom. 11:6

Eseunit Akuj ikes kire aŋuna ka ajokis keŋ, meere aŋuna adaut ikes akitiya. Anerae kerae toseununuye Akuj ŋituŋa aŋuna a ŋiticisyo kec, pa kerae ajokis keŋ ŋina a kire.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋigal. 2:21

Nyacakarit ayoŋ ajokis ŋina ka Akuj. Anerae ani kelimo Akuj atemar iyookino ituŋanan aŋuna a Ŋikisila, iŋes atemar kerae atwanare a Kristo akoŋinait.

Ŋigal. 5:2

Topupokisi, ayoŋ Paulo akalimokinit iyes ebe ani kicamut iyes akileŋeryo, iŋes atemar ecaryono kire Kristo aneni kus.

Ŋibur. 12:15

Tocoito nyiboŋosi anajokis a ŋina ka Akuj. Nyitemokino idio kus ikokini ekitoe ŋolo erono adwaris keŋ, ido yau ŋican ka tomunaiya ŋikalalak.

Ŋibur. 4:1

Nai tokona, adau Akuj ainakin iwon akiikinet keŋ ŋina abu itolimok iwon atemar ieŋunete. Nai aŋuna tokona eriŋaakar akiikinet ŋina ka Akuj ŋina ka alomar nakwap ŋina ka akieŋun keŋ eyai, itemokino ocoikisi, ikotere nyekuruwo ipei daŋ alokidiŋ yok alomar nakieŋun ŋin.

Akis. 2:5

Totamatama neni etya aronis ŋina ka akibusokin kon! Toki, kisyak akitiya ŋiticisyo ŋulu sek itiyae iyoŋ ekiŋaren. Ani pa kikii iyoŋ, abuni ayoŋ neni kon alemar awuoet kon ŋina ke etaa aneni sek eyai.