Ŋigal. 5:17 - Ebaibul

¹⁷ Anerae ediŋasi aseconu a ituŋanan ka Etau ŋolo ka Akuj; erae ŋinice emoit a ŋinice. Aŋun nai, nyipedorete iyes akitiya ŋuna icamito akitiya.

Ŋigal. 5:17 Iomraidhean Croise

Akisy. 6:3

Tema Ekapolon, “Nyerubakini etau kaŋ iboi aneni a ŋituŋa ŋikaru ka ŋikaru, anerae etwaneneete ikes. Nyedeparete ŋikaru kec amiat ka ŋatomoniarei.”

Ŋikiru. 119:133

Kitogogoŋ ŋakejen kaŋ alotooma akiikinet kon, nyicamak ŋadyakanareta ekelounete ayoŋ.

Ŋikiru. 119:159

Kiŋolik mono iyoŋ Ekapolon epite ŋolo aminar ayoŋ ŋakiciketa kon; toiu akiyar kaŋ, okoe Ekapolon alotooma amina kon ŋina nyiryaŋiryaŋa.

Ŋikiru. 119:176

Adau ayoŋ aoliyor ikwa amesek ŋina eolit; kiwarae ayoŋ eketiyan kon, anerae nyimuryakina ayoŋ ŋakiciketa kon.

Ŋikiru. 119:20

Epol nooi ekimue ŋolo a ŋikisila kon alotau kaŋ ŋapakio daadaŋ.

Ŋikiru. 119:32

Ewuapit ayoŋ ŋakiciketa kon, anerae ibu iyoŋ ikiteyenu ayoŋ ŋakiro ŋuna alalak.

Ŋikiru. 119:35

Kimyekinae ayoŋ ewuap ŋakiciketa kon, anerae nen iŋes aryamunia ayoŋ alakara.

Ŋikiru. 119:40

Acamit ayoŋ nooi akiwuap ŋakiciketa kon; kiteteu akiyar kaŋ anakiyookino kon.

Ŋikiru. 130:3

Okoe Ekapolon, ani kirubak iyoŋ imari ŋasecisya kosi, ŋae eryamunio pa esecit?

Ŋikiru. 65:3

Ani apaki ŋina ikilopiyaryata isua ŋasecisya kosi, Isyoni iyoŋ ŋadyakanareta kosi.

Ekal. 7:20

Kire jik emam ituŋanan anakwap ipei daŋ ŋini iyookino, ŋini itiyae ŋuna iyookino, ido nyesecenene.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Mat. 12:30

“Ituŋanan ŋini nyeyai lowae kaŋ, akaŋerit ayoŋ, nabo ituŋanan ŋini nyekeŋarakinit ayoŋ akicun, ielieli.

Mat. 16:17

Tolimok Yesu Petero tema, “Irereŋ iyoŋ Simoni lokoku a Yona, anerae meere ituŋanan ikisileerek iyoŋ ŋakiro ŋun, nai erae Papa kaŋ ŋolo eyai nakuj.

Mat. 16:23

Toboboŋ Yesu tolimok Petero tema, “Tolot aneni kaŋ Satan! Irae iyoŋ ŋolo ikiretakinit ayoŋ, anerae ŋatameta kon nyeponito aneni ka Akuj, nai eponito alotuŋa.”

Mat. 26:41

Tokienyete ka kilipete, ikotere nyilomasi nakitemyet. Ecamit etau, nai epalag akuwan.”

Mat. 5:6

Erereŋ ŋulu iitanito nooi aanyun ŋuna ka akiyookino; einakini Akuj ikes ŋuna iitanito.

Luk. 22:33

Toboŋok Petero iŋes tema, “Ekapolon, atenit ayoŋ arukor ka iyoŋ mabus ka natwanare!”

Luk. 22:46

Kiŋit Yesu ikes tema, “Nyo ijotooto iyes? Tonyoutu, kilipa, ikotere nyilomasi nakitemyet.”

Yoa. 3:6

Ŋini idounitoe ka akuwan erae akuwan; ŋini idounitoe a Etau a ŋolo ka Akuj, erae etau.

Ŋirom. 8:13

Anerae ani kiwuap iyes ŋipitesyo ŋulu ka aseconu, itwakete; nai ani kisitiyata iyes Etau ŋolo ka Akuj aarya ŋiticisyo kus ŋulu aronok, iyarete.

Ŋigal. 3:21

Apolou mono a ŋakiro a ŋun atemar itepegito Ŋikisila ŋakiikineta ŋuna ka Akuj a? Mam jik! Anerae ani kerae toryamunite ituŋanan Ŋikisila ŋulu epedorete ayaun akiyar, kepedo nai ŋinituŋanan aruwor ŋini iyookino alokiŋaren Akuj aŋuna ka akiwuapit Ŋikisila.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.