Ŋigal. 5:15 - Ebaibul

¹⁵ Nai ani kitiyaete iyes ikwa ŋityaŋ ŋulu ka ariet ŋulu ekonyokonyasi ka tonyamas make, tocoito nai nyirikarosi make.

Ŋigal. 5:15 Iomraidhean Croise

Isa. 11:13

Edaun arakao a ŋituŋa a Epuraim aŋuna a ŋituŋa a Yudaya, nyerubakinete ŋituŋa a Yudaya eryanyanikinito ŋituŋa a Epuraim.

Mar. 3:25

Ani ketyakatyakasi ŋituŋa ŋulu ke epeikal, nyepedorete akiboi kaapei.

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

2 Ŋikor. 11:20

Idaŋito iyes ituŋanan ŋini ikitusubunit iyes ŋipi kori ŋini ikinipit kori ikilokit kori ikijamuwarit kori ikibapabapae iyes.

2 Ŋikor. 12:20

Akabulit ayoŋ atemar ŋina adolunio ayoŋ inaa, akaryamuni iyes igelaaka, pa ikote neni acamit ayoŋ iyes kikote ka ayoŋ daŋ pa ekoni neni icamito iyes ayoŋ ekoni. Akabulit ayoŋ atemar aryamuni aneni kus ebura, arakao, anyunyura, emwane, ŋiyany ka akirworor ŋuluce, akituro ka atyakatyaka.

Ŋigal. 5:20

akilip neni a ŋakujo, akikukuja, aremo, ebura, arorokanut, aŋoit, amarya, atyakatyaka aŋuna ka agelegelya a ŋatameta, atyakatyaka aŋuna a ŋatukon,

Ŋigal. 5:26

Nyitemokino eturokinos kori obenyununos make kori erakanaros make aŋuna a ŋuluce.

Ŋipil. 3:2

Tocoikinito ŋituŋa ŋulu itiyaete aronis, ŋiŋokwo ŋul, ŋikilyok ŋulu erubakinito iitanito atubutub ŋawat.

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

Yak. 3:14

Nai ani kiyakatar iyes arakao ŋina aronon nooi ka akitojoka lotai kus, nyiturokinotor aosou ŋin, ido torapa ŋuna a kire aŋuna ka alyokonu kus.

Ŋikat. 9:44

Abu Abimelek ka ŋikilyok ŋulu arukitotor iŋes toema kiŋaren, towua alopuke a ŋolo ke etaun, tosodo ŋajorei ŋunace ŋunaarei kipumakin lotuŋa daadaŋ ŋulu aya lomanikorin, toara ikes daadaŋ.